Inussuk qalipaasutut/amiisutut ilinniartussarsiorpoq

Inussuk Pituffik Space Base-imi ingerlatsineq kiffartuussinerlu akisussaaffigaa, illoqarfik tamakkerlugu suliassaqarfiillu US Space Force sullillugu ingerlappagut. Qalipaasutut/Amiisutut ilinniartutut sulisut suliassanut pikkorissut ukiorpassuarnilu misilittagallit ilagilerumaarpatit.

Qalipaasunik/Amiisunik immikkoortortaqarfitsinni sulisut marluupput. Suliassaapput illut angisuut mikisullu silataasa iluisalu aserfallatsaalinissaat. Pineqarput inissiat, ineeqqat illullu angisuut.

Ilinniartutut immikkoortortaqarfimmi aqutsisumut attaveqarumaarputit.

Ilinniarnerni ilinniartunut aqqutissiuisup misilittagaqarluartup tapersersussavaatit.

Ukiumut sakkutooqarfimmi immikkoortortaqarfinni assigiinngitsuniittuni 9 missinginik ilinniartoqartarpoq, barak-inilu najugaqarlutillu ataatsimoorfissaqarsinnaallutik.

Piumasaqaatit:

• Kalaallit Nunaanni aalajangersimasumik najugaqarneq. Tamanna uppernarsarneqarsinnaavoq ilinniarumasavit ilinnialernissamut akuerisissutitaanik, pissutigalugu Kalaallit Nunaani tamanna piumasaqaataammat.

• Minnerpaamik 18-inik ukioqassaatit, inersimasutullu nammineersinnaassuseqassallutit, sakkutooqarfik suliffeqarfiummat – assersuutigalugu ilaqutariaattoqanngilaq

• Dansk-it oqaasiinik naammaginartumik atuisinnaaneq, suliffimmi ilinniartitsisussat amerlanerit dansk-isut oqaaseqartuummata, aammalu sillimaniarnermut malittarisassat pingaarutillit paasineqarsinnaasussaammata malinneqassammatalu

• Namminersorlutik Oqartussaniit ilinniagaqarnersiuteqarsinnaatitaaneq (uppernarsaat qinnuteqarnermi ilanngunneqassaaq).

• Pineqaatissinneqarsimannginnermik uppernarsaat (qinnuteqarnermi ilanngutissanngilaq, Inussuk`mit nammineq isumagineqassammat atorfinitsitsisoqassappat). Sulisussarsiornermi immikkoortortaqarfik isumannaallisaanermut atatillugu misissortinnissamut qinnuteqartitsissaaq atorfinitsitsiniarluni aalajangertoqarpat. Isumannaallisaanermut misissortinnissaq piumasaqaataavoq, sakkutooqarfimmi najuagarlunilu sulissagaanni, nalinnginnaasumillu tunniunneqartarpoq pinerluuteqarsimalluni pineqaatississimasutut polititut oqartussani Danmark-imi Kalaallillu Nunaani nalunaarsugaanngikkaanni.

Qinnuteqarneq

Qinnuteqarnissannut soqutiginnikkuit nassiutissavat uunga e-mail: Margrethe.poulsen@gov2x.com

Qinnuteqartup nalilersorneqarnissaanut qinnuteqartoq imminut ilisaritilluni danske-sut allagaqaasiussaaq, aammalu CV ilanngullugu nassiunneqassalluni (CV: piukkunnaatit, atuarsimanerni sulillunilu misilittakkat allattorneri)

Allakap saniatigut makku ilannguteqquneqarput:

• Meeqqat atuarfiani assigisaaniluunniit naggataarutaasumik misilitsinnermi uppernarsaatit

• Ilinniarumasavit Qitiusumik ilinniarfianiit ilinnialernissamut akuersissut (optagelsesbrev)

• Ilinniagaqarnersiuteqarsinnaatitaanermut uppernarsaat

• Ajornanngippat sulisitsisorisimasamit oqaaseqaatit

Qinnuteqaatit nassiutereerukku, qinnuteqarnermi immersugassamik nassissavatsigit, immersoriarlugu atsioriarlutit utertillugu nassiutissavat, taamaasereerpat aatsaat qinnuteqaatit suliarisinnaavarput. Paasissutissat ilinnut tunngasut suliarinissaanut aammalu toqqortaatiginissaanut akuersissutit atorfissaqartipparput.

Oqaatigeriikkatut piumasaqaataavoq danske-it oqaasiinik attaveqaqatigiissinnaaneq piumasaqaataasoq. Tamanna qulakkeerniarlugu oqarasuaatikkut internet-ikkulluunniit oqaaseqartitsiniarluta oqaloqateqartarpugut nalinnginnaasumik akunneq ataatsimik sivisussuseqakkajuttumik. Sungiusaammik suliffissat ilaat aamma piumasaqaateqarput naammaginartumik tuluttut attaveqaqatigissinnaanermik, oqaloqatiginninnerullu naalernerani tululuttut oqaatsinik atuisinnaaneq nalilerniarluguttaaq ingerlatsisoqartarpoq.

Qinnuteqaat Inussuk A/S-imut nassiunneqareerpat naatsorsuutigineqassaaq ilinniartunik aqqutissiuisumit attavigineqarnissaq, oqaaseqartitsiniarluni oqaloqatiginninnissamut piffissamik isumaqatiginniassammat.

Misilittakkagut aallaavigalugit oqaaseqartitsiniarluni oqaloqatigiinnissami pingaaruteqarpoq ajoqusersorneqarnani pisinnaanissaq. Taamaammat pitsaassaaq qinnuteqartup isumagisinnaappagu eqqissilluni ajoqusersorneqarnani oqatiginninnissani.