1. klassimi perorsaasoq
Nuuk Internationale Friskole 1. klassinut ulloq 1. aggusti 2024 aallarnerfigalugu perorsaasussarsiorpoq
Nuuk Internationale Friskole-p nukarlerni aturtitsinermi tunniusimasumik misilittagalimmillu 1. klassinut perorsaasussarsiorpugut.
Atorfik klasselæriusorlu naligiillusi suleqatigiinnermi toqqissisimanartumik ullullu tamaasa atuartunut nukarlernut ilinniarfiusumik imaqarpoq. Atuarut ulluinnaanik pilersaarusiornermi, naammassinninnermi nalilersuinermilu qanimut suleqatigiissaasi, taamaasillusi atualertut sapinngisamik aallartilluarnissaat qulakkeerneqassalluni.
Suliassatit pingaarnerit ukuussapput:
- 1. klassimi atuartitsinermi aalajaallutit atuartitseqataassaatit, tassani perorsaanikkut periutsit, meeqqap inuunerissaarnissaanut tapersersuisussat aamma meeqqerivimmiit atuarfimmut ikaarsaarnermi tapersersuineq atorneqassallutik.
- Klasselæriusoq Nuan-imilu perorsaasutut sulisut atuartut ulluinnaanik pilersaarusiornermi, naammassinninnermi nalilersuinermilu qanimut suleqatigalugit.
- Atuartut ingerlalluarnissaat ineriartornissaannullu iluaqutaasussamik perorsaanermi ilisimasatit misilittakkatillu atorlugit suleqataassaatit.
- Klassimi atuartut atuarnermi atuaqatigiinnermilu suliassaannik suliaqarneq.
- Suleqatigiinni suliassanut peqataaneq ataatsimiinnernullu attuumassuteqarfigisannut allanut peqataaneq
Naatsorsuutigaarput, illit:
- Perorsaanermi ilinniagaqartutit.
- Allat suliamik ilisimasallit qanimut suleqatiginissaannut misilittagaqartutit.
- Perorsaanermi ersarissumik nukarlerni atuartut pisariaqartitai ingerlassinnaagitit
- Aalajaatsumik suleqatigiiffiusumilu peqataanissat nuannaralugu pimoorussillutit akisussaaffeqartumillu sulisuunissat
- Attaveqarnissamut piginnaasaqarluartutit naligiissumillu angajoqqaanik suleqateqarsinnaasutit
Neqeroorutigaarput:
- Atorfik pissanganarlunilu unamminartoq, suleqatillu pikkorissut tunniusimasullu
- Suliffeqarfimmi ineriartortumi perorsaanermi iliuusissanut sunniuteqarnissamut periarfissaqarneq
Atorfimmut paasisaqarnerorusukkuit, qinnuteqaatit, cv attuumassutilinnik oqaaseqaatinik ilanngussalik atuarfimmi pisortaq Nicolaj Raarup-Hellesen-imut mailerlutit: nrp@nif.gl -imut nassiussisinnaavutit
Atorfik pillugu paasisaqarnerorusukkuit, atuarfimmi pisortaq Nicolaj Raarup-Hellesen
oqarasuaatikkut: +299 38 25 00-mut attaveqarfiginissaanut tikilluaqqusaavutit.
Atorfinitsitsineq akissarsiaqarnerlu NPK aamma Nuuk Internationale Friskole-p akornanni isumaqatigiissutit tunngavigalugit ingerlanneqassaaq.
Atorfiniffissaq 1/8 2024.
Atorfimmut najukkamik neqerooruteqanngilaq.
Qinnuteqaat kingusinnerpaamik ulloq 25. juuni 2024-mi atuarfimmut tunniunneqarsimassaaq
Oqaloqatigiinnerit tulleriiaarlugit ingerlanneqassapput.