2 ALLAFFIMMI PISORTAT KALAALLIT NUNAANNI NUNANUT ALLANUT SULLISSIVIMMUT
Nunanut allanut politikkimi nunarsuarmioqatigiillu suleqatigiinneranni misilittagaqarpit? Nunatsinni nunanut allanut kiffartuussivimmi ineriartortumi atorfeqarusuppit?
Naalagaaffinngornissamut Nunanullu Allanut Naalakkersuisoqarfik Nunanut allanut immikkoortortaqarfimmi piaartumik isumaqatigiissuteqarnikkulluunnit marlunnik allaffimmi pisortassarsiorpoq.
Nunatsinni nunanut allanut kiffartuussiviup, kunngeqarfimmi, nunarsuarmioqatigiit suleqatigiinneranni nunarsuarmioqatigiillu oqallittarfiini arlalinni Nunatta soqutigisai ingerlatarai. Suleqatissatsinnik pikkorissunik marlunnik naalakkersuisoqarfiup aqutsisuini ilaasussanik pissarsiorpugut. Atorfik Nuummi inissisimavoq, kingusinnerusukkullu sinniisoqarfitsinnut Beijing, Bruxelles, Reykjavik imaluunnit Washington D.C.-mut aallartitaasinnaaneq periarfissaassaaq. Allaffimmi pisortaasut immikkoortortaqarfiup suliassaqarfii iluminni avissavaat, tassunga ilaalluni sulisunik aqutsineq taamatullu immikkoortortaqarfiup nunani allani sinniisoqarfiinut sisamaasunut attaveqaataassalluni. Allaffimmi pisortat naalakkersuisoqarfiup pisortaanut attaveqassapput naalakkersuisoqarfiullu aqutsisoqatigiivinut ilaassallutik.
Nunanut Allanut immikkoortortaq pillugu
Nunanut allanut aaqqissuussaanikkut Naalagaaffinngornissamut, Nunanut Allanut Naalakkersuisoqarfimmi inissisimavoq. Naalagaaffinngornissamut Nunanut Allanut Naalakkersuisoqarfimmi makku immikkoortotaapput, Naalagaaffinngornissamut Immikkoortortaqarfik, Nunanut allanut Immikkoortortaq aammalu Ilisimatusarnermi Immikkoortortaqarfik, Bruxellesimi, Washington D.C.-mi, Reykjavikimi aammalu Beijingimi Sinniisoqarfiit, taakkunanilu inuit 20-it missaanniittut sulisorineqarput.
Immikkoortortaqarfik Namminersorlutik Oqartussani Nunatta nunarsuarmioqatigiinni soqutigisai aammalu naalakkersuisoqarfiit nunarsuarmioqatigiinni suleqateqarnerat ataqatigiissaarisuunermigut qitiusumik inissisimavoq. Suliavut tassaapput nunanut allanut atassuteqarneq aammalu nunap iluani nunarsuarmioqatigiinnilu suleqateqarneq, tassani Nunat Avannarliit Ministeriisa siunnersuisooqatigiiffiat, Issittumi Siunnersuisooqatigiit, FN-imi Inuit pisinnaatitaaffiinut siunnersuisooqatigiiffiat aammalu FN-ip Nunap inuiinut tunngassutilinni Ataavartumik Oqallittarfia. Immikkoortortaqarfimmi aamma nunanut allanut politikki, tassunga ilaalluni niuernikkut isumaqatigiinniarnerit akisussaaffiginearput. Namminersorlutik Oqartussanit illersornissamut isumannaallisaanermullu politikkikkut suliat Kalaallit Nunaanut attuumassutillit pillugit sulinermi peqataasoqartarpoq.
Suliassasi
Nuummi immikkoortortaqarfimmi sulisunik aqutsineq, sinniisoarfinnik ataqatigiissaarineq sullissinerlu aammalu Naalakkersuisumut Naalakkersuisoqarfimmilu pisortamut sullinnerit suliassaapput. Ulluinnaat pissanganartut, suliassallu assigiinngitsorpassuit politikkikkut allaffissornikkullu ingerlattassat suliarinissaat naatsorsuutigissavat. Atorfik assigiinngitsorpassuarnik imaqartoq annertuumillu akisussaaffeqartoq pineqarpoq, piffissallu ilaanni nunarsuarmioqatigiinni oqalliffinnut peqataajartorlutik angalangaatsiartarnissat naatsorsuutigissavat. Allanngorarsinnaanermut sillimassaatit, piffissallu ilaatigut tuaviortunik suliassaqartarrnissaq aammalu pingaarnersiuisarnissaq piareersimaffigissavatit.
Allaffimmi pisortat Naalakkersuisup, kattuffiit soqutigisaqaqatigiit, nunarsuarmioqatigiinni suleqatit, suliffiit aalajangersimasunik sammisallit, suleqatit naalakkersuisoqarfiullu akornanni qitiusumik suliaqassapput. Taamaattumik allaffimmi pisortat inuttut innarligassaanngitsumik pissuseqassapput, aqutsinermi misilittagaqassapput annertuumillu politikkikkut paasisimasaqarluassapput aammalu politikkikkut pingaarnersiuinermi ilisimasaqassallutik, minnerunngitsumillu politikkikkut aalajangikkat allaffissornermi suliarineqarnissaat qulakkiissavaat. Ulluinnarni unammillernartut allaffimmi pisortanit aqulluarneqarnissaat, pingaarnersiornissaat, naammassinninnissamik ukkatarinninnissaat taamatullu sulisunik suleqateqarlunilu oqaloqatiginnilluarsinnaanissaa pisariaarpoq.
Allaffiup pisortai naalakkersuisoqarfiup aqutsisuinut ilaassapput, aqutsisoqatigiillu peqatigalugit naalakkersuisoqarfiup suliffittut ingerlalluarnissaanik ineriartortinnissaanillu qulakkeerinnissapput.
Suliffeqarfimmi nukittorsaaneq sulisunillu tigumminniinnarniarneq aammalu suliffiup nuannersuunissaa naalakkersuisoqarfiup aqutsisoqatigiivisa akisussaaffigaat. Taamaattumillu allaffimmi pisortatut, isummersuinissamik, suliassanik agguaanermi aammalu suliat pillugit nalilersuilluarsinnaaneq piginnaaneqarfigissavarsi. Sulisut torrallaanissaannut aqqutissiuillaqqissaasi, sulisut ataasiakkaat ineriartortilluarnissaannut pingaarnersiuissaasi aammalu allaffiup sukkasuumik ingerlannissaa qulakkiissavarsi, aammalu sulilluarnissigut naammassisat atorsinnaasut patajaatsullu naammassisassavasi.
Piginnaaneqarfiit:
Attuumassutilimmik ilinniagaqarputit ukiunilu arlalinni aaqqissuussaanermi politikkikkut aqunneqartumi sulinermik misilittagaqarlutit.
Attaveqaqatigiinneq pitsaassutsimillu qulakkeerisarneq suliassannut pingaarutilinnut ilaasussaammata, pingaartumik allakkatigut oqaasiliullaqqissuseqarnissat pisariaqarpoq.
Taamatuttaaq naatsorsuutigaarput:
Aqutsinermik misilittaqarnissaq aqutsilluarsinnaanissarlu
Politikkikkut aalajangiinissamut ingerlaatsitit misilittagaqarfigalugillu paasisimasaqarfiginissai
Kalaallit Nunaanni nunanut allanut tunngasunik soqutiginninnissat ajornanngippallu misilittagaqarnissat
Ulluinnarni ulapaarfiusumi, oqaluuserisassat suliassallu nikerartut nuannarissagitit
Aaqqissuulluakkamik sulisinnaanerit aammalu killiliussanut eqquutsitsisinnaanissaq
Suleqatiginnillaqqissoq, piffissanilu ulapaarfiusuni uippajaannginnissaq
Aaqqiissutissanik ukkatarinnittoq pitsaasumillu isiginnittaaseqarneq
Allaffissornikkut, suliassatigut inuttullu unamminartunik aaqqiisinnaassuseqarneq
Suliffimmi politikkikkut ingerlasumi allanngueqataanissamut piumassuseqarneq
Oqaatsinik kalaallisut danskisut tuluttullu atuilluarsinnaaneq
Kalaallinik inuiaqatigiinnik kultooriannillu ilisimasaqarluarneq
Neqeroorutigaarput
Nunarsuarmioqatigiit soqutigilluagaannik suliffik pissanganartoq namminersorfiusorlu.
Suliffeqarfik ulapaarfiusoq, suleqatinik nuannersumik pikkorissunillu inuttaqartoq, suliffiullu avatangiisaanik pitsaasuutitisinissamik annertuumik ukkataqarneq.
Isumannaallisaanikkut akuerineqarnissaq
Atorfimmut pissagaanni piumasaqaataavoq malittarisassat atuuttut aallaavigalugit isumannaallisaanikkut akuerineqarnissat. Taamaattumik aallaqqaataaniilli pinerlussimannginnermut uppernarsaat ilanngullugu nassiunneqassaaq. Tamanna sumiiffimmi politeeqarfimmi imaluunnit nittartakkami www.politi.dk/bestil/bestil-straffeattest -mi qinnutigineqarsinnaavoq. .
Atorfik pillugu saaffiginninneq:
Atorfik pillugu apeqqutit pillugit Naalakkersuisoqarfimmi pisortaaneq Mininnguaq Kleist tlf. 34 51 48-mut imaluunniit e-mailikkut mikl@nanoq.gl saaffigineqarsinnaavoq.
Aningaasarsiatigut atorfinitsitaanermilu atugassarititaasut
Atorfik maannarpiaq akissaateqarfiup LR 36-ip qaffaseqataani inissisimavoq.
Akissarsiani (LR36)-imi akissarsianut immikkoortut allajangersimasut imatut isikkoqarput: 1. April 2022-imi qaammammut 50.291 koruunit aamma ukiumut 603.496 koruunit.
Tunngaviusumik isumaqatigiissutit tunngavigalugit atorfinitsitsisoqassaaq, tassalu qinnuteqartut Kalaallit Nunaanni pisortani tjenestemanditut atorfillit pillugit inatsisit naapertorlugit tjenestemanditut atorfeqareersut, tjenestemandinut atugassarititaasut tunngavigalugit atorfinitsinneqarsinnaapput.
Akissarsiat atorfeqarnermilu atugassarititaasut, tassungalu ilanngullugit atorfininnermut soraarnermullu atatillugu angalanernut pequtinillu nassiussinermut akiliunneqarnissamut pisinnaatitaaffeqarneq, atorfininnermi Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornani isumaqatigiissut atuuttoq naapertorlugu pissapput.
Naalagaaffimmi tjenestemandit aamma AC-mut isumaqatigiissutit arlallit, ilaatigullu DJØF-ip aamma Aningaasaqarnermut Ministereqarfiup akornani isumaqatigiissut malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.
Piffissaq suliffiusoq tunngaviusumik sapaatit akunneranut nal. ak. 40-nik sivisussuseqarpoq, aammalu atorfeqarnermut atatillugu ukiumut 320-t ukiup sisamararterutaanut 80-t piareersimasussaatitaaneq atuutsinneqarpoq, aammalu ullunut sulinngiffeqarfinnut annaasanut ajunngitsorsiat pillugit aalajangersakkat atuutsinneqanngillat.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik pisortat aappaannut innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job