AC-fuldmægtigi Pilersaarusiornermut tunngasutigut tamakkiisumik isiginnissinnaassuseqarneq, qarasaasianilu atortorissaarutinik ilsimarinnittoq.
Aaqqissuussaaffiup ineriartortinneqarneranik, attaveqarnermik aamma periusissiornerup ataqatigiissaarnissaanik soqutigisaqartuuit?
Ataqatigiissaarisutut atuuffimmi suliassarpassuarnik assigiinngitsunik suliaqarnissamut piareersimavit? Taamaappat Isumaginninnermut Aqutsisoqarfimmi immaqa suleqatissaraatsigit.
Atorfik pillugu
Patajaatsunik ataqatigiissaarinermut piginnaasalimmik allaffissornikkullu piginnaasaqartumik suleqatissarsiorpugut. Atuuffimmi tassani ilakkuminartuullutillu oqaloqateqallaqqissuussaatit, aqutsisoqarfiup periusissiai suliassaalu pillugit pilertortorujussuarmik tamakkiisumik takunnissinnaanermik pilersitsisassallutit.
Namminersortumik, ujartuisuusumik kiffartuussiumassuseqartumillu sulisinnaassaatit kiisalu pisortaqatigiinnut qanimut oqaloqateqarsinnaassallutit.
Atorfimmi tassani aqutsisoqarfik tamakkerlugu suleriutsit ineriartortinnerinut atuuttunngortitsinissamullu pilersaarutinut tapersiissuteqartarnissamut periarfissaqassaatit, taamaaliornikkut immikkoortortaqarfiit assigiinngitsut suleqatigiilluarnerulissaagut. Tamatuma ilutigisaanik nittartakkatsinnik pikkorissarnermullu nittartakkatsinnik ingerlatseqataassaatit aamma digitali atorlugu atortulersuutitta atornerinut pikkorinnerulernissatsinnut ikiuutissallutit.
Suliassatit ilaatigut makkuussapput:
- Suliaqarfinni assigiinngitsuni periusissiornermi aamma tamakkiisumik takunnissinnaanermut atortulersuutinik suliaqarnermi pisortaqatigiinnut ikiuuttassaatit
- suleqatigiissitanut ataqatigiissaarisuullutillu aqqutissiuussisassaatit, matumani suliffeqarfimmi imminermi avataanilu attaveqartarnernik aamma SoMe-p imarisaanik kiisalu ukiumut pilersaarutinik pilersaarusiortoqartarpoq.
- attaveqaqatigiinnermi IT-kkulluunniit suliassat pillugit aqutsisunut aaqqissuussiffiullu ilaanut allanut siunnersuineq ilitsersuinerlu
- Isumaginninnermut Aqutsisoqarfiup nittartagaanik aamma pikkorissarnermut nittartakkamik ineriartortitseqqinneq, imarisassat naleqarluartut suliaritinniarnerinut, pitsaassutsip qulakkeerniarnerinut immikkoortortaqarnerinut immikkoortortaqarfinnut ikiuineq
- Paasissutissanik katersinermi ikiiunneq aamma nalilersuineq.
- allaffissornikkut suliassanik takkussuuttunik suliaqarneq, assersuutigalugu immikkoortortatsinni assigiinngitsuni suliniutitsinnik ataqatigiissaarinikkut, suliniutit aqutsiviginerinut imaluunniit immikkoortortat il.il. suleqatigalugit atuuttunngortitsinissamik pilersaarusiornerinut tapersersuisarnikkut.
Naatsorsuutigaarput illit:
- kandidatitut ilinniagartuutut naapertuuttumik ilinniarsimanissat
- atortulersuutinut digital-iusunut aamma pingaarutilinnik atuuttunngortitsiniarnermi suliaqarnermut pikkorissuusutit
- attaveqallaqqilluinnartuusutit aamma allattariarsornikkut, inuillu assigiinngitsunik suliallit oqaloqatigiittarnissaasa pilersinnissaanik paasinnissinnaasutit
- suliat paasiuminaatsut anguniagaqarlutit suliarisinnaagitit, malinnaaffigisarlugit naammassisarlugillu
- pitsaasumik kulturimik paasinnissinnaasutit, kiffartuussiumassuseqartutit pitsaasunillu suleqatiginninnermut piginnaasaqarutit.
Kalaallisut danskisullu oqaatsinik atuisinnaaguit aamma Namminersorlutik Oqartussat pillugit ilisimasaqaruit iluaqutaassaaq piumasaqaataananili.
Illilli makku pissarsiarissavatit:
- atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
- atorfik ineriartorfiusoq, pisunut sunniuteqarnissamut malinnaanissamullu periarfissaqarfigisinnaasat
- suliffeqarfik ilisimasaqarluarfiusoq, siunersiuinermik pingaartitaqarfigisarput pitsanngoriartuinnavinnissarlu anguniarlugu immitsinnut ikioqatigiiffigisarput peqataaffigilissavat
- Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
- inuttut suliassallu tungaasigut ineriartornerit
- Suleqatit pitsaasut peqatigiilluartarnissamik pingaartitsisut - aamma ulapaaraangatta.
- persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq,
Atorfik Allattoqarfimmi inissisimavoq, tassani Isumaginninnermut Aqutsisoqarfiup ingerlanneqarnera, suleriusai aamma suliffeqarfiup iluani avataanilu attaveqaqatigiinneq pitsanngorsaaffigalugit sulisoqartarpoq aamma suliaqarfiit assigiinngitsut sullinnerini ilinniagaq aallaavigalugu unammillernartuunik naammattoorsisassaatit. Atorfigilikkat aqutsisoqarfiup pisortaanut ataatsimullu isigalugu pisortaqatigiinnut aamma assut qanittumik inissisimasaaq.
Meeqqanut Inuusuttunullu naalakkersuisoqarfiup ataani Isumaginninnermut Aqutsisoqarfik arfineq-marlunnik tulliuttunik immikkoortortaqarpoq: Paarisa, Aningaasaqarnermut immikkoortortaq, Meeqqanik inuusuttunillu ulloq unnuarlu paaqqinniffiit aamma inissititerinermut immikkoortortaq, Sullissisunut siunnersuisarfik, Innuttaasunut Immikkoortortaq, Meeqqat Ineriartornerannut immikkoortortaq aamma Allattoqarfik.
Ulloq atorfiniffissaq
Sapinngisamik piaarnerpaamik
Qinnuteqarfissaq kingulleq tassaavoq pingasunngorneq ulloq 25. juni 2024 nal. 12.00 (Kalaallit Nunaata nalunaaqutaa malillugu) Atorfinititsiniarluni oqaloqateqarnerit ingerlaavartumik pissapput
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Piffissaq suliffiusussaq aallaaviusumik tassaavoq sapaatip akunneranut akunnerit 40-t.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasisutissat allat:
Atorfik pillugu itinerusumik paasisaqarnerorusukkuit apeqqutissaqaruilluunniit Aqutsisoqarfimmi allatseqarfimmi pisortaq Mikkel Cuarteros-Hansen saaffigisinnaavat uunga mikch@nanoq.gl imaluunniit oqarasuaammut:+299 27 54 45.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job