AC-fuldmægtigimik imaluunniit immikkut siunnersortimik pissarsiorpoq
Aalisarnermut Piniarnermullu Naalakkersuisoqarfik Aalisarnermut immikkoortortaqarfimmi AC-fuldmægtigimik imaluunniit immikkut siunnersortimik pissarsiorpoq
Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik Kalaallit Nunaanni inuussutissarsiutit pingaarnersaanni aqutsiveqarfinnut sullissinermik – piumassusilimmillu – pissarsiorpoq.
Aalisarnermut inatsisissap nutaat atuutilernissaanut aammalu siunissami aalisarnerup sinaakkusersornissaata atuutilernissaanut suliaqarpugut. Taamaattumik sinerissap qanittuani aalisarnermi suliamut ataqatigiissaarisinnaasumik pissarsiorpugut, ilaatigut aalisarnermut inatsisissap nutaap atuutilersinnaanut, aqutsinissamut pilersaarutit, sinerissap qanittuani aalisarnermi MSC-mik ineriartortitsinermi nakkutiginnissinnaasumik. Tamatuma saniatigut suliassat ilagaat nunat tamalaat suliassaqarfiini suliaqarneq.
Suliassat
Suliassat piginnaasat malillugit iluarsaanneqassapput ilaatigullu makkuusinnaallutik;
- Aalisarnernik nutaanik aqutsiveqarfinnillu periusissatigut, politikikkut allaffissornikkullu ineriartortitsineq
- Aqutsiveqarfimmut pilersaarusiornerit piujuartitsinissamullu suliniutinik uppernarsaatinillu ataqatigiissaarineq
- Aalisarnermut tunngatillugu nunanik tamalaanik suleqateqarneq isumaqatiginninniartarnerillu
- Sinerissap qanittuani aalisarnernik ingerlareersunik ineriartortitsineq ingerlatsinerlu
- Aalisarsinnaanermut akuersissutinik tunniussisarneq
- Aalisarnermut tunngatillugu misissueqqissaarnerit nalunaarusiornerillu aamma siunissami aalisarnermut periusissianik ineriartortitsineq
- Nunanik allanik aamma nunamik, pisortani oqartussanik nunami namminerisami nunanilu tamalaani kattuffinnik suleqateqarneq ataqatigiissaarinerlu
- Suliassaqarfimmi Naalakkersuisumik kiisalu aalisarnermut politikinut tunngasunik apeqqutinut tunngatillugu Naalakkersuisunik tamanik sullissineq
Atorfimmut atatillugu angalasoqartassaaq.
Piginnaasat:
naleqquttumik imaluunniit qaffasinnerusumik ilinniagalimmik soorlu ukinnga ilinniagalimmik pissarsiortoqarpoq:
- Nammineerluni, aaqqissuulluakkamik anguniakkanillu aalajangiussimalluni sulisinnaasoq
- Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasoq
- Pitsaasumik attaveqalersitsisinnaassoq, sulisinnassuseqarluartoq sunniuteqaqataasinnaassuseqarluartorlu
- Sulinermut suleqatinullu sungiussiasumik kiinnerartumillu pissusilik
- Qallunaatut tuluttullu allattarissanik oqaluinnarlunilu erseqqissuliorsinnaassoq
- Kalaallisut oqalussinnaanillunilu allassinnaaneq iluaqutaassaaq, piumasaqaataananili.
- Allaffissornermik misilittagaqaruit aamma/imaluunniit politikikkut sulinerup iluani misilittagaqaruit pitsaasuussaaq,
- Aalisarnermut politikimut/aqutsinermut kalaallinullu inuiaqatigiinnut ilisimasaqaruit aamma pitsaasuussaaq.
Immikkoortortaqarfipput anginngimmat suleqateqarluarsinnaassuseqassaatit suliassanullu nutaanut suliassaqarfinnut aammalu suliaqartussanik katitigaasut suleqatiginissaannut ammasuussallutit. Immikkoortortaqarfimmi suliassani unammilligassanik suliatigut ilisimasat atorlugit siunersiuilluni aaqqiiniartarneq qitiutillugu suleqatigiippugut. Tamatuma saniatigut nammineq akisussaaffigisat isumaginissaannut nammineerluta annertuumik akisussaaffeqarpugut aammalu inuttut suliamullu atatillugu ineriartornissamut periarfissaqarluarluni.
Immikkoortortaqarfik pillugu
Aalisarnermut immikkoortortaqarfimmi Kalaallit Nunaanni aalisarnermik naalakkersuinikkut ingerlatsinermik ulluinnarni allaffissornikkut aqutsineq piviusunngortitsisarnerlu suliarineqartarput. Aalisarneq Kalaallit Nunaanni inuussutissarsiutaavoq pingaarnerpaaq taamaattumillu politikikkut annertuumik eqqumaffigineqarpoq inuussutissarsiummullu soqutigisaqartunik qanimut suleqateqartoqarluni.
Immikkoortortaqarfiup pisassiissutit aalajangersarneqarnissaannut inassuteqaatit suliarineqartarnerat aamma kalaallinut nunanilu allamiunut umiarsuaatilinnut aalisartunullu aalisarsinnaanermut akuersissutinik tunniussisarnerit, ulluinnarni aalisarsinnaanerup ingerlanneqarnissaa aammalu ineriartortinneqarnissaa akisussaaffigai. Inuussutissarsiortut suleqatigalugit aalisartunut tunngatillugu aqutsinissamut pilersaarusiortarneq immikkoortortaqarfiup suliassaasa aamma ilagaat.
Atlantikup avannaani EU-milu Nunanilu illugiilluni aalisarnikkut isumaqatigiissuteqartarnerit immikkoortortaqarfiup akisussaaffigai, aalisakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, nunani aalisartut kattuffiinut soorlu ukununnga NAFO, NEAFC aamma NASCO taamatullu nunat avannarliit issittormiullu suleqatigiinnerinut.
Politikikkut aalajangiisartut qanimut suleqatigineqarput, taamaattumik suliap ilarujussua naalakkersuisumik kiffartuussinerussaaq kiisalu suliassaqarfimmi Naalakkersuisut politikiinik malitseqartitsineq.
Aalisarnermut immikkoortortaqarfik aalisarnerlu pillugit maani annertunerusumik atuarsinnaavat: https://naalakkersuisut.gl/Departementer/Dep_for_Fiskeri_og_Fangst/Fiskeriafdelingen?sc_lang=kl-GL
Qinnuteqartoq, piumasaqaatinik naammassinnissimasoq, kiisalu ukiuni arlalinni misilittagalik, nalilersuereernerup kigorna immikkut siunnersortitut atorfinitsinneqarsinnaavoq.
Attavigisassat/ilisimatitsissutit:
Atorfik pillugu annertunerusumik paasisaqarusukkuit immikkoortortaqarfimmi pisortaq Katrine Kærgaard attaviginissaanut tikilluaqqusaavutitoqarasuaat + 299 34 5365 imaluunniit e-mail: katk@nanoq.gl
Namminersorlutik Oqartussat pillugit paasisaqarnerorusukkuit, paasissutissat allat www.nanoq.gl-imi, Atorfiit ataani atuarsinnaavatit.
Qinnuteqarneq
Qinnuteqarnissamut killissarititaq tassaavoq 27. august 2024.
Piaartumik isumaqatigiissuteqarnikkulluunniit atorfinittoqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job