AC-fuldmægtigimik imaluunnit immikkut siunnersortimik ilinniartitaanermut tunngasuni nalilersuineq ineriartortitsinerlu pillugit patajaatsumik ilisimasalimmik, kiisalu Kalaallit Nunaanni inuusuttunut ilinniartitsinerup pilersaarusiukkamik ineriartortitsinissarlu siunertaralu annertuumik sulerusuttoq piaarnerpaamik ujartorneqarpoq

AC-fuldmægtigimik imaluunnit immikkut siunnersortimik ilinniartitaanermut tunngasuni nalilersuineq ineriartortitsinerlu pillugit patajaatsumik ilisimasalimmik, kiisalu Kalaallit Nunaanni inuusuttunut ilinniartitsinerup pilersaarusiukkamik ineriartortitsinissarlu siunertaralu annertuumik sulerusuttoq piaarnerpaamik ujartorneqarpoq

Kalaallit Nunaanni ilinniarfinnik pitsaanerusunik pilersitseqataarusuppit? Naalakkersuinikkut kissaatit aamma periutsit ineriartortitsinermut iliuuseqarnermullu nuussinnaavigit? Taamaappat Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi immaqa illit amigaatigivatsigit. GUX-imut suliassaqarfimmi ilaatigut sulianik sullissarnerup ineriartortinnissaanut sullissisussamik, kisianni aamma ilinniartitaanerni assigiinngitsuni tamani assersuutigalugu Silassorissuusiap iluani, nalilersuineq allarpassuarnilu ilinniartitsineq nutaamik ineriartortitsinnissaanut suleqataasussamik suleqatissarsiorpugut.

Atorfiup imai Kalaallit Nunaanni ullumikkut pingaartumik inuusuttunut ilinniartitaanerit ineriartortinnissaat annertuumik ukkatarineqarput, taamaalillutik inuiaqatigiit pisariaqartitaat ukiuni aggersuni naammassineqarsinnaaniassammata. Atorfik taamaammat assigiinngitsunik allanngorartunillu suliassaqarfiussaaq –  ilaatigut GUX-imut suliassaqarfimmi akisussaasut ilagissavaatsit, kingusinnerusukkullu inuusuttunut ilinniarfiit tamaasa pillugit ineriartortitsinissaq paasissutissanillu katersinermi suliarinnittuullutillu peqataasassaatit, tamakkumi suliassatsinni tunngaviit pingaaruteqartut ilagimmagit 

Pingaarnertut suliassat ilaatigut makkuussapput:

• GUX-imut suliassaqarfimmut nalinginnaasumik tunngasut, matumani ilinniarnermut aaqqissuussanik akuersinerit, nakkutilliinermik suliassanik,  sulianik suliarinninnerit suliarisassavatit 

• Silassorissuusiap iluani, nalilersuinermi, ilinniartitsinermi suliassanik ineriartortitsinermi peqataallutillu suliaqartassaatit aamma 

• Naalakkersuisunut sullissinerit, soorlu allakkialiorneq, nassuiaasiorneq, nalunaarusiorneq, isumalioqatigiissitat suliassaannik, oqalugiaasiorneq, tusagassiorfinnullu nalunaarutissanik suliaqarneq, kiisalu politikerit § 37 naapertorlugu suliassaqarfimmut tunngasunik apeqqutaannik akissuteqarnerit (apeqqutit Inatsisartut Naalakkersuisunut apeqqutigisinnaasaat).

• Ilaatigut nuna tamakkerlugu nunanilu tamalaani isumalioqatigiissitani, ataatsimiititaliani, suleqatigiissitani ataatsimiinnerni peqataanerit

• Naalakkersuisoqarfinnik allanik ineriartortitsinermik suliniutinut suliassat assigiinngisitaartut pillugit suleqatigiinnermi peqataaneq

• Naalakkersuisup/ Naalakkersuisut Inatsisartullu suliassaanik qulakkeerinninneq

• Ilinniartitaanermut tunngasuni suliassat takkussuuttut malillugit suliaqarneq

Tamakku saniatigut aamma nunat tamalaat EU-mi imaluunniit Nunani avannarlerni suleqatigiinneq pillugu soqutigisaqarlutillu ilisimasaqaruit tamanna iluaqutaaginnassaaq. 

Inuttut pisinnaasatit
AC-fuldmægtigissarsiorpugut/imaluunniit immikkut siunnersortissarsiorpugut, suliamut tunngatillugu soqutiginnittumik, suleqatigiinnut suleqatigiilluinnartunut ilanngunnissamut piumassuseqarlunilu piginnaaneqarluartoq, immikkoortortami ineriartortitsinermik qaffasissumik pingaartitsisoq. Peqatigitillugu pissarsiariniarparput suliamut tunngatillugu isumannaatsumik sulinissaminut tulluusimaarutiginnittoq aaqqissuussamillu suliassaminnut pulasinnaasoq. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.

Taamaattumik kissaatigaarput illit:

• Ilinniartitaaneq ingerlaqqiffiusoq kandidatitut qaffasissusilimmik ilinniagaqartutit, perorsaanermi, ineriartortitsinermi nalilersuinermiluunniit iluaqutaassaqaaq.

• Atorfimmit tassunga assingusumit ilinniarnertuunngorniarnermut suliassaqarfimmiit imaluunniit ilinniartitaanermut suliassaqarfimmi atorfimmit misilittagaqassasutit.

• Ataatsimut isiginnittariaatsimik pitsaasumik piginnaasaqartutit ulapaarfimmilu sulisinnaalluartutit.

• Kalaallit Nunaanni inuiaqatigiit pillugit sukumiisumik ilisimasaqassasutit

• Arlalinnik oqaaseqartuusutit

• Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.

• Inuusuttunut ilinniartitsinerni sulinissat soqutigisaraat, pingaartumik Ilinniarnertuunngorniarfinni ilinniartitaanerit

Naalakkersuisoqarfik aamma ilinniartitaanermut immikkoortortaq pillugit 
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassai amerlaqaat - Naalakkersuisumik sullissinermit oqartussaaffimmik pingaarnertut aqutsinerit ilanngullugit. Ataatsimut isigalugu suliassaqarfimmi inuiaqatigiinni ilinniarsimassuseq qaffassarniarlugu kulturikkullu nukittorsaalluni sulisoqarpoq. Naalakkersuisoqarfimmi 30-t missaat atorfeqarput, taakkunani qulit missaat ilinniarnermut immikkoortortaqarfimmiillutik.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Illit tassani sulisinnaasutut isumaqaruit ammasuullutit, suleqatigiinnissamik tunngavilimmik sulisuullutit kiisalu ilinniartitaaneq soqutigisaqarfigalugu, taava immaqa illit suleqatitaarisinnaavatsigit.

Akissarsiat atorfeqartitaanerlu
Atorfik tassaavoq AC-Fuldmægtigitut atuuffiusussaq. Qinnuteqartoq piukkunnaatilik, eqqortunik piginnaanilik naammaginartunillu misilittagalik Immikkut Ittumik Siunnersortitut atorfinitsinneqarsinnaavoq. Akissarsiat atorfeqarnermilu atugassarititat, matumani atorfininnermi soraarnermilu angalanissamut pisattanik nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit naapertorlugit pissapput.

Atorfimmut atasumik inissaqartitsisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Paasissutissat allat
Atorfik pillugu paasisaqarnerorusukkuit imaluunniit Namminersorlutik Oqartussani sulineq qanoq innersoq pillugu apeqqutissaqaruit immikkut siunnersorti Sigvard K. Fleischer attavigisinnaavat, oqarasuaatikkut: +299 345621 imal. skf@nanoq.gl-imut nammineerlutit saaffiginnissaatit. Naalakkersuisoqarfimmi imaluunniit Ilinniartitaanermut Immikkoortortami sulineq pillugu paasisaqarusukkuit immikkoortortaqarfimmi pisortaq Trine Egede attavigisinnaavat oqarasuaatikkut: +299 55 91 47 imaluunniit mailikkut: treg@nanoq.gl.

Qinnuteqaat, CV, ilinniarsimanermut aamma pikkorissarsimanermut uppernarsaatit kiisalu pappiaqqat allat pingaaruteqartut "Qinnuteqaat nassiuguk" toorlugu nassiutikkit.

Qinnuteqarnissamut killigititaq 29. september 2026