AC-fuldmægtigitut/Immikkut ittumik siunnersortitut atorfiit pingasut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit allagarsiunneqarput
Ulloq atorfiniffissaq: 1. august 2024 imaluunniit piaartumik isumaqatigiissuteqarnikkut.
Inuusuttut ilinniagaqarnissaannut tunngavisseeqataarusuppit?
Ilinniartitaanermik inerisaaneq politikkikkut pingaarnersiuinermi immikkut pingaarutilittut aalajangiunneqarpoq inuit tamarmik ilinniagaqarnissaat pitsaanerpaamik pilersinniarlugu, aamma nunatsinni suliffeqarnermi sulisussat piginnaasaqarluartut qulakkeerniarlugit. Ilinniartitaanermut immikkoortortaqarfimmi immikkoortut akimorlugit suliassaqarfik, paasissutissaleriffik misissueqqissaartarfillu (TDA) sulisussanik nutaanik pingasunik pissarsiorluni allagarsiivoq. Immikkoortumi pilersaarusiorneq, periusissiorneq, misissueqqissaarneq aamma nunat assigiinngitsut akornganni suleqatigiinneq TDA-mi suliarineqartarpoq.
Naalakkersuisoqarfimmi suliassanik naammassisaqarniarluta eqqarsartaatsit nutaat ilanngussaqarnissaat periarfissittarlugit suleqatigeeriaaseqarpugut.
Qaffasinnerusumik ilinniagaqarnikkut piginnaasarisat suleriaatsillu tunngavigalugit atorfinni suliassat aaqqissuunneqassapput. Allagarsiussinermi kissaatigaarput
kisitsisinik naatsorsueqqissaarnermillu piginnaasaqarneq,
paasissutissalerinermik aamma pilersaarutinik aqutsinermik misilittagaqarneq aamma
nunat assigiinngitsut akornganni suleqatigiinnermik aamma pilersaarutinik nakkutilliinermik piginnaasaqarneq.
Ammasuussaatit, suleqatigiikkumasuussaatit ilinniartitaanermillu soqutigisaqartuussaatit, taamaattuuguit suleqatitaarisinnaavatsigit.
Inuttut piginnaasaqarfitit
AC-fuldmægtigitut/Immikkut ittumik siunnersortitut atorfiit pingasut piginnaasatigut tunniusimasut quleqatigiinni peqataasinnaassuseqartut pilerigisaqartullu, ineriartornermik suleqatigiinnermillu pingaartitsisuusut allagarsiuppagut. Suliamik ilisimasatigut pitsaasumik naammassisaqarusuttartoq suliassaminillu aaqqissuulluakkamik suleriaaseqartoq ujarparput. Ineriartortitsinermit politikerinik sullissinermut suliassat assigiinngisitaartuupput.
Ilinnit kissaatigaagut:
qaffasinnerusumik ilinniagaqartuunissat kandidatitut, soorlu cand.scient.soc.-itut imaluunniit cand.scient.anth.-itut
politikerinit aqunneqartumik suliffimmit misilittagaqarneq
piffissami sivikitsumik paasissutissanik annertuunik paasinnissinnaassuseqarneq, taakkuningalu assigiinngitsunullu paasissutissiisinnaassuseqarneq
nunat assigiinngitsut akornganni suleqatigiinnermik misilittagaqarneq
pilersaarutinik aqutsinermik misilittagaqarneq
ilinniartitaanermik tunngasunik ilisimasaqareerneq, imaluunniit ilinniartitaanermut tunngasunik suliaqarnissamut tunngavissaqarneq
suliani amerlasuunik katitigaasuni ataatsimut isiginnissinnaassuseqarneq
periutsinik inerisaanermik nakkutilliinermillu misilittagaqarneq
allassinnaassuseqarluarneq aamma tuluttut
Ilaatigut uku suliassaapput:
Nunatsinni aamma nunat assigiinngitsut akornganni ilinniartitaanermik suliaqarnermi ataqatigiissaareqataaneq
Nunap iluani nunallu assigiinngitsut akornganni naatsorsueqqissaarnikkut nalunaarusiorneq
Ilinniartitaanermi nunap iluani immikkoortumi pilersaarusiorneq periusissiornerlu
Nalunaarusiorneq, ilaatigut Naalakkersuisoqarfimmi pisortanut, Naalakkersuisumut, Inatsisartunut aamma EU-Kommissionimut
EU-Kommissionilu Policy Dialogue-ini peqataaneq
Misissueqqissarnerni annertunerni annikinnerusunilu peqataaneq inerisaanerlu
Suleqatigiinni peqataaneq, immikkoortumi periusissiortunut attuumassuteqartuni, imaluunniit suleqatigiit piginnaasaat suliat naammassineqarnissaannut naleqquffeqartillugit
Naalakkersuisut Ilinniartitsinermut Pilersaarutaannik ukiumoortumik nutarsaanermut peqataaneq
Inerisaanermut pilersaarutinik ataqatigiissaarineq
Allakkiorneq aamma politikkikkut suliaqartunut, tusagassiorfinnut il.il. akissuteqaasiorneq
Ilinniartitaaneq pillugu EU-mik Peqatigiinnissamik Isumaqatigiissutip Naalakkersuisoqarfimmi suliarineqarneranut ataqatigiissaarineq
Immikkoortumi sulianik saqqummiussinermik, politikkiliornermik, periusissiornermik aamma malittarisassiornermik suliaqarneq
Ilinniartitaanermi misissueqqissaarnernut Naalakkersuisoqarfinnillu allanik suleqateqarnermut peqataaneq
Sulinermut atatillugu nunatta iluani nunanillu allanut angalanissaq naatsorsuutigineqassaaq.
Suliffik pillugu:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi suliassat assigiinngisitaartut isumagineqartarput persuarsiorani ammasuuneq pingaartillugu, pisortanut saaffiginnissinnaaneq periarfissaavoq aamma sulisut pimoorussillutillu tunniusimasuupput. Suleqatigiit 50-it missiliorpagut, qaffasissumik pitsaassuseqarnissamik inooqatigiinnermilu pitsaasunik avatangiiseqarnissamik pingaartitsisuuvugut.
Aningaasarsiatigut atorfinitsitaanermilu atugassarititaasut
AC-fuldmægtigitut atorfinittoqassaaq. Atorfinittussaq piginnaasaqarluartoq misilittagaqarluartorlu immikkut ittumik siunnersortitut atorfinissinnaavoq.
Aningaasarsiatigut atorfinitsitaanermilu atugassarititaasut, atorfininnermut atorfimmillu soraarnermi angalasinnaatitaaneq pequtinillu nassiussisinnaatitaaneq pisinnaavoq Kalaallit Nunaanni Namminersorlutik Oqartussat kattuffiillu isumaqatigiinniarsinnaatitaasut akornganni isumaqatigissutit naapertorlugit.
Atorfininnermut atatillugu inissamik innersuussisoqarsinnaanngilaq.
Qinnuteqartoq atorfimminut atatillugu Namminersorlutik Oqartussanit inissiaqartinneqareerpat inissiarineqartoq tigummiinnarneqassaaq. Atorfimmut atatillugu inissiaq najugarisaq atorfeqarnermut tunngasuummat, atorfeqarunnaarnermi inissiaq qimanneqassaaq.
Qinnuteqaat, CV, ilinniakkamut pikkorissarnernullu uppernarsaatit, aamma allat uppernarsaatit naleqquttut “Send ansøgning” toorlugu nassiutikkit.
Qinnuteqaatit e-mail atorlugu nassiunneqarsimasut tiguneqarneq ajorput.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job