Akileraartarnermut Aqutsisoqarfiup Sulisitsisut nakkutilliiviannut Ilulissani immikkoortortaqarfimmut Kontorfuldmægtig/Skatteskonsulent-imik sulisussarsiorpugut
Akileraartarnermut Aqutsisoqarfiup Sulisitsisut nakkutilliiviannut Ilulissani immikkoortortaqarfitsinnut Kontorfuldmægtig/Skattekonsulent-imik sulisussarsiorpugut
Kalaallit nunatsinni suliffeqarfinnut attaveqartarnitsinnut immikkoortortaqarfimmi attaveqartarusuppit. Illiuit nuannarisalik inunnik oqaloqatiginninnissamut, ilikkajasuuit, kisitsisinik nuannarisalik, taamaappit illit suleqatissatut ujarpatsigit.
Sulisitsisut nakkutilliiviat sulisussamik ataatsimik pissarsiorpoq.
Sulisitsisunik nakkutilliivik Sulisitsisut allattorsimaffiata immikkoortortaani inissimasuuvoq. Allaffiit Ilulissani, Nuummi, Maniitsumi aammalu københavn-imilu inissisimapput, ullumikkullu suleqatigiit katillutik 12-lutik.
Atorfik aaqqissuussaanermi Akileraarutit aammalu Nakkutilliinermi inissisimavoq. 1. august 2024 atorfinittussanik pissarsiorpugut imaluunniit isumaqatigiinnikkut pisussamik.
Taamaammat pingaaruteqarpoq, illit qinnuteqartoq saaffiginnittut qitiutillugit ullormut ulapaarfiusinnaasumi oqaloqatiginninnissamut allattariarsornikkullu pikkoriffeqarnissat aammalu allanik suleqateqarsinnaaneq aaqqiissutissarsiorsinnaassusseqarlutillu piumassuseqarlutillu piginnaasaqarnissat.
Sulisitsisut nakkutilliiviani nalinginnaasumik makkuninnga suliaqartarpugut.
Sulisitsisut nalunaarutaannik nakkutilliineq
Sulisitsisunik siunnersuineq Kalaallit Nunaat tamakkerlugu
Innuttaasut akileraarutaannut naatsorsuineq
Sulisitsisuniit nalunaarutit nalunaarsorneri
Taassuma saniatigut Akileraartarnermut Aqutsisoqarfimmi immikkoortortaqarfiit akimorlugit allani pisariaqartitsisoqarpat suliassanik ikiuuttarneq.
Ulluinnarni sulisitsisunik nakkutilliineq attaveqarnerlu Kalaallit Nunaat tamakkerlugu attaveqartarpugut, taamaattumik ilimagissavat nammineerlutit sulisinnaanissat aammalu oqaluussaqartarnermut allattariarsornermullu piginnaaneqarnissaq pisariaqarpoq.
Atorfininninnut tunngatillugu qulaani taaneqartunut ilitsersuunneqarumaarputit. Suliassanut arlariinnut ataatsikkut tigummiaqarnissaq pikkoriffigissavat, akisussaaffeqarlutit piumassuseqartuussaatit. Aammalu suleqatigiinni ataatsimoortitsisinnaanissat, suleqatigiinni susassaqarfinni pikkoriffeqartuni iluarisimaarnissat assigiinngiiaanik pisinnaaffeqartuni ilaassaatit.
Kalaallit Nunaanni angalasarnissat ilimagissavat.
Pisinnaasaqarfiit piginnaasaqarfiillu:
TNI-tut, EFG, AU, EVU, bacheloritut assigisaannilluunniit ilinniagaqarputit.
Qarasaasiamik atuisinnaasuussaatit.
Namminersorlutit, pimoorussillutit akisussaaffeqarluartumik sulisinnaassuseqarputit.
Sullissinermi nuannarisalik.
Kalaallisut/danskisullu marlunnik oqaaseqassaatit tuluttullu aamma oqalussinnaallutillu allassinnaaguit iluaqutaassaaq.
Pineqartumut atorfimmut ilisimasaqareerneq, inatsisinik naatsorsuuserinermullu paasinnilluarsinnaanermik peqarsinnaaguit iluassaqaaq.
Neqeroorfiginnaavatsigit:
Suliassat pissanganartut.
Suleqatigiit suleqatigiinnissamik kajumissusillit.
Atorfik pissanganartoq inuttut ineriartorfiusoq.
Immikkoortortaqarfiup suliassaanut sunniuteqarneq, ineriartortitsineq pitsanngorsaanerlu
Sineriak tamakkerlugu pissanganartunik suliffeqarfinnik suleqateqartarneq.
Atorfik pillugu annertunerusumik paasissutissat Allaffimmi Pisortaq Charlotte R. Lyberth-imut saaffiginninnikkut piniarneqarsinnaapput Oqarasuaat toqqaannaartoq 34 65 14, e-mail: cly@nanoq.gl imaluunniit konsulent-imut Nina Poulsen Heilmann 34 65 32, e-mail: nipo@nanoq.gl
Qinnuteqaat nassiuguk, CV, ilinniarsimasimanermut- pikkorissarsimanermut uppernarsaatit, siusinnerusukkut atorfigisimasanit oqaaseqaatit allallu qinnuteqaammi ilanngunneqassapput.
”Qinnuteqarit” toorlugu.
Qinnuteqaatit mail-ikkut nassiussat tigusinnaangilagut.
Qinnuteqaat Akileraartarnermut Aqutsisoqarfiup tigoreersimassavaa kingusinnerpaamik ulloq 15. juni 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job