Akissarsialerinermut siunnersortissarsiorpugut
Atorfillit 6.000-it sinneqartut akissarsiaannut suleqataarusuppit?
Akissarsialeriffik akissarsialerinermut siunnersortimik pissarsiorpoq
Akissarsialerinermut siunnersortitut atorfeqarninni Namminersorlutik Oqartussani immikkoortortaqarfiit tassungalu attuumassuteqartut akissarsiaqartut sullissavatit. Atorfik qaammammusiaqarfimmi inissisimavoq, atorfiup ilarissavaa suliassat akunnermusiaqartut aammalu qaammammusialinni suliassat suliarisarsinnaaneri.
Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.
Akissarsialeriffik Namminersorlutik Oqartussani Aningaasaqarnermut Naalakkersuisoqarnermut inissisimavoq. Namminersorlutik Oqartussat immikkoortortaqarfiillu sinnerlugit suliassat akissarsianut tunngassuteqartut suliarisarpavut.
Akissarsialerivimmi pisortaasup ataani inissisimasut suleqatigiit 10-iusut Nuummilu allaffeqartut suleqatigissavatit.
Suliap allaaserinera
Akissarsialeriffik suliffeqarfimmi Sulisoqarnermut immikkoortortaqarfiup ilaattut inissisimavoq. Akissarsialerinermut siunnersortitut sulisut pikkorissut suleqatigiinnissamik, ikioqatigiittarnissamik ataatsimoorlutillu ilinniarfeqatigiittarnissamik pingaartitsisut suleqatigissavatit. Suliassat assigiinngiiaartuupput qaffasissumillu inissisimallutik suliassallu ataasiakkaat suliassartai ilusaallu aamma allanngorartuullutik – taamaattumik suliffimmi ulapaarfiusumi suliannik iluarisimaarinnillutit sulisinnaanissat pingaaruteqarluinnarluni ingerlariaatsit suleriaatsillu atuuttut ineriartortinneqarnissaanut suleqataasinnaasariaqarputit.
Atorfimmut tunngatillugu nammineersinnaaneq pitsaalluinnartumillu sullissisinnaaneq qitiusutut inissisimapput, soorluttaaq suliassannut tunngatillugu iluatsittumik sulisinnaasariaqarputit atorfiit allat akimorlugit oqaloqatigiinnikkut suleqatigalugit.
Suliassatit pingaarnerit makkuupput
● Akissarsiassalerineq, tassungalu tunngasut bruttolønlister
● Mail-inik oqarasuaatikkullu saaffiginnissutinik suliaqartarneq
● Sulisunut tunngatillugu paasissutissat qitiusut nutartertarnissaat
● Akissarsisitsinissat aaqqissuuttarneri naammassisarnerilu – tassunga ilanngullugit piffissaq eqqorlugu eqqortumillu akissarsititsisarnissaq
● Akissarsianut tunngatillugu tassunga ilanngullugit nikingassutit nalunaarsortarnerinut peqataa-sarneq
● Allaffissornikkut suliareqquneqartut assigiinngitsut.
Tunuliaqutit
Atorfik tamatigoortuuvoq ilungersornartuullunilu inuttullu piginnaasatit eqqarsaatigalugit naatsorsuutinik paasinnittarnitit, akissarsialerinermillu misilittakkatit eqqarsaatigalugit annertuumik piumasaqaatitaqarluni. Pitsaassutsimik pingaartitsiumi suliffimmi sulisinnaassaatit suliffimmilu pitsanngorsaatissanik aaqqiis-sutissanillu suliaqartarnermi peqataallutit aaqqissuusamik sulisinnaanermik piginnaaneqassaatit – tamakkulu tamarmik naleqartitanik aallaaveqarluni suleqatigiinnikkut angusaqartarnissamik kissaateqarnermik aallaaveqarput.
Makkununnga piginnaaneqarnissat naatsorsuutigaarput
● Taamaangajattumik atorfeqarsimanikkut annertuumik misilittagaqartuussaatit
● Akissarsiat pillugit isumaqatigiissutit assigiinngitsut sulisullu akileraartarnernut maleruagassanik ilisimasaqassaatit suliassallu suliassaqarfinnut assigiinngitsunut tunngassuteqartut suliarisarnissaanut nuannarinnittuussaatit
● Excel-imik atuisinnaassaatit
● Allattariarsornikkut oqaasiinnakkullu kalaallisut qallunaatullu piginnaasaqartuussaatit
● Aaqqissuusamik suleriaaseqartuussaatit, peqqissaartoq, pitsaassutsimik pingaartitsisoq akisussaassuseqartumik pitsaasumillu sullissinissamik pingaartitsisuullutit
● Suleqatigiit soqutigisaat aallaavigalugit nammineerlutit sulisinnaassaatit
● AU-mik allaffimmiutulluunniit ilinniagaqartutit.
Suliffeqarfittut neqeroorutigisinnaavagut suliffik sulisunik pimoorussisunik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq. Amerlanerusunik paasissutissat Atorfik pillugu paasisaqarnerorusukkuit tikilluaqqusaavutit Sulisoqarnermut Aqutsisoq Ane Louisa Stick-Johnsen: alst@nanoq.gl
Sulilerfissaq 1. september 2024 imaluunniit isumaqatigiinnikkut
Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik ulluinnarni taaneqartartoq ASA, Namminersorlutit Oqartussat ataani ataatsimoorussamik immikkoortortaqarfik. ASA ilaatigut akisussaaffigai Oqartussat naatsorsuutit, pilersaarusiukkamik niuerneq, isumaqatigiissutit, -akissarsiat aamma sulisut atugaat, HR-ineriartorneq, nutserineq kiisalu illu iluani inissianilu ingerlatsinermi asserfallatsaaliuineq.
Qinnuteqarnissamut piffissaliussaq : Augustip 18-at 2024
Saaffigisassaq: Ane Louisa Stick-Johnsen +299 34 64 62
Atorfinitsitsinerup suussusaa: Piffissaq tamakkerlugu suliffik
Atorfinitsitseriaaseq: Isumaqatigiissutit tunngavigalugit piumasaqaatit
Suliassaqarfik: Akissarsiat aamma aningaasartuutinik nalunaarsuineq
Nunap immikkoortua: Kommuneqarfik Sermersooq
Naalakkersuisoqarfik: Personaleafdelingen Aqqusinersuaq 5 (ASA imermut innarlerneqarnerani utaqqiisaa Qeqertat 46 / RAL-imi inissisimapput)
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job