Allaffissornerup iluani suleqatissarsiorneq

Mælkebøttecenteri soqutiginnittumik tamatigoortumillu allaffeqarfitsinni sulisussarsiorpoq. Inummik suleqateqallaqqissumik pitsaasumik digitalinik, suliassanik allaaserisassanillu suliaqarsinnaasumik pissarsiorpoq. Atorfimmi attaveqartarnerit siammasipput annertuumillu akisussaaffeqarsinnaaneq, aaqqissuisinnaaneq nammineersinnaanerlu piumasaqaataapput.

Mælkebøttecenterimiipput allaffik, Katsorsaavik Siunnersuinerlu, Mælkebøttenip Meeqqanut Inuusuttunullu illua, najugaqatigiiffik Ilasiaq, najugaqatigiiffik Allu, najugaqatigiiffik Aili aammalu Ornittagaq. Taakku saniatigut Kapisilinni ukioq naallugu atorsinnaasumik illoqarpugut ferieni suliniuteqarnernilu atorneqartartumik.

Mælkebøttecenterip anguniakkatut takorluugarai meeqqanut inuusuttunullu pitsaanernik inuuniarnikkut atugaqartitsinermigut allannguinissani. Tamanna meeqqanut inuusuttunullu uagutsinnut inissinneqarsimasunut atuuppoq aammali inuiaqatigiit meerartaannut inuusuttaannullu nalinginnaasunut atuulluni. Mælkebøttecenteri pillugu annertunerusumik uani atuaruk: www.mb.gl

Tunngaviusumik suliassatit:

· Pulaartunik ilassinninneq, aningaasaliisartunut suleqatigisartakkatsinnullu attaveqarnerit suliarisarnissaat

· Suliassaqarfiit digitaliusut peqataaffiginissaat (Microsoft 365, Sharepoint, Teamsit, nittartagaq il.il.)

· Illup iluani ataatsimiinnissanik ataqatigiissaarinerit ataatsimiinnernilu imaqarniliortarnerit

· Telefonikkut sianertut mailikkullu saaffiginnissutit akisarnissaat

· Suliassat ingerlatsinermilu suliassat oqinnerusut, soorlu pisiniarfiliarnerit naasunik imerterinerit

· Ataatsimoortarfiup Najortigeeqatigiiffik Ullorissap inniminnerneqarnerata allaffissornertaanik suliaqarneq

· Qullersaqarfimmi ikiortaasarnissaq immikkoortortaqarfiillu aqutsisuinik suleqateqarneq, soorlu nutaarsiassat pillugit

Inuk ujartugarput

· Allaffimmiutut ilinniarsimasoq, IT-mik atuisinnaanermik imaluunniit allaffissornerup iluani misilittagalik

· Qanilaartoq, sullissiumallunilu suleqataalluarsinnaasoq

· Aaqqissuussamik sulisinnaasoq, annikitsualunnut tappissoq namminersorsinnaasorlu

· Ulluinnarni assigiinngitsorpassuarnik suliaqarfiusumi akuusinnaasoq

· Digitalitigut nukittooq ullullu iluani systeminik suliaqarusuttoq

· Kalaallisut qallunaatullu oqalussinnaasoq

Neqeroorutigaagut

· Atorfik tamatigoorlunilu isumaqarluartoq, qullersaqarfimmut suliaqarfinnullu qanittoq

· Suliffeqarfik aallussilluartoq ineriartornermillu pingaartitsisoq

· Suliassannut sunniuteqarsinnaavutit suliassallu pitsaasumik ingerlannissaannut periarfissaqartinneqarlutit

· Sulisunut ajunngitsorsiassat, soorlu utoqqalinersiutissanut katersat, peqqinnissap iluani sillimmateqartitsineq, fitness il.il.

Sapaatip-akunneranut 40 tiimit suliffiusassapput. Piginnaasat aallaavigalugit aningaasarsiaqartitsineq - immikkut isumaqatigiissuteqarnerit imaluunniit isumaqatigiissutit atuuttut naapertorlugit. Atorfimmut atatillugu ini neqeroorutaasinnaavoq.

Paasissutissat annertunerusut

Atorfik pillugu annertunerusumik paasissutissat projektinik aqutsisumut, Pilu Noahsen Geislerimut, apeqqutigineqarsinnaapput mailimut uunga: noahsen@mb.gl imlt. telefonimut uunga: 36 21 08.

Qinnuteqaat

Qinnuteqaatit, ilinniarsimaninnut uppernarsaatit paasissutissallu allat kingusinnerpaamik marsip 20-ani 2026-mi uunga nassiunneqassapput: info@mb.gl. Oqaloqatigiinnerit ingerlaavartumik pisassapput.