ALLAGARSIUTEQQITAQ Aningaasaqarnermut Siunnersorti Ilinniartitaanermut Kultureqarnermut Timersornermut Ilageeqarnermullu Naalakkersuisoqarfimmut
Ulloq atorfiniffissaq 1. oktober 2024 imaluunniit sukumiinerusumik isumaqateqarnikkut ulloq inissinneqarsinnaavoq
Politikkikkut ilinniartitaanerup ineriartortinnissaa pingaartinneqartorujussuuvoq, taamaaliornikkut ilinniartitaanerit kikkunnut tamanut pitsaasumik pilersinneqarnissaat piniassammat tamatumalu ilutigisaanik suliffeqarfiit inuussutissarsiortut ilinniarluarsimasunik sulisoqalerniassammata. Taamaattumik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aningaasaqarnermut immikkoortortaqarfimmut suleqatissarsiorpoq – suleqat nutaaq ilinniartitaanerup, kultureqarnerup, timersornerup ilageeqarnerullu iluani missingersuutinik aningaasanillu aqutsinermik ineriartortitseqataasussaq ataavartumillu nukittorsaaqataasussaq.
Naalakkersuisoqarfimmi suleriuseraarput tamat periarfississallugit aaqqissuussaanerup suleriutsillu pitsanngorsarnissaannut nutaamik eqqarsaatigeqqinneranut tunniussaqartissallugit. Aaqqissuulluakkamik suleriuseqartaruit, suleqateqarusussuseqartuullutit, tunngaviusumillu aningaasaqarnermut paasinnissinnaassuseqarlutit, taamaappat immaqa illiuvoq aningaasaqarnermut immikkoortortami suleqatitaassarput.
Aningaasaqarnermut immikkoortortaqarfik Kalaallit Nunaanni taamatullu Danmarkimi Kalaallit Nunaanni Namminersorlutik Oqartussani pisortallu suliffeqarfiutaanni allani naatsorsuuserisoqarfippaalunnik pingaarutilinnik suleqateqarpoq. Taamaammat Aningaasaqarnermut siunnersortitut atorfik suliffiuvoq pissanganartortalik, tamakkiisumik isiginnissinnaaneq, nammineq suliffeqarfiup naatsorsuuserisoqarfiillu allat peqatigalugit qanoq pitsanngorsarneqartuarsinnaaneranik imaqartoq.
Illit inuttut pisinnaasatit
Økonomisk Konsulenti suliaminut tunniusimasoq eqimattani suleqatiginnikkusussuseqarlunilu piginnaasaqartoq, ineriartortitsinermillu pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermillu sullissinermik suliaqartussaq.
Suliassatit makkuupput:
Aningaasanut inatsisissap suliarineqartarnera naatsorsuuserinermilu missingersuusiortarneq
Missingersuutinik malitseqartitsinerit,
Nakkutilliineq aamma naatsorsuutinik naliliisarluni misissuineq
Suleriaatsinik ineriartortitseqataaneq pitsanngorsaanerlu
Immikkoortortaqarfiup nammineq suliffeqarfittut pisinnaatitaaffii aallaavigalugit pisortat suliffeqarfiutaannut siunnersortitut ikiorsiisarneq
Kisimiilluni imaluunniit suleqatigiinni allat peqatigalugit pisortat suliffeqarfiutaannik takusaasarneq, pissutsini nukinginnartuni pisortat suliffeqarfiutaanni pisortat ikiorserneqarnissaat siunnersorneqarnissaalluunnit siunertaralugit
Pisortat suliffeqarfiutaannik takusaasarnerit allaffimmilu pisortat ataatsimiittarneri suleqataaffigisarlugit
Naatsorsuuserinermut tunngasut suliassat allat
Sulianut tunngasutigut piginnaasat
Naleqquttumik suliamut attuumassutilimmik ilinniagaqarsimassaatit
Naatsorsuuserivimmi sulinikkut misilittagaqassaatit
Kalaallit Nunaanni Namminersorlutik Oqartussat naatsorsuuserisoqarfiini malittarisassanik sukumiisumik ilisimasaqassaatit
Kalaallit Nunaanni Namminersorlutik Oqartussat aningaasereriaasiinik(ERP/IRIS/Ledelsesinfo.) sukumiisumik misilittagaqassaatit
MS Excel sukumiisumik misilittagaqarfigissavatit, taamatuttaaq Pivot-imi takussutissianik paasissutissanik suliaqarsinnaaguit pitsaaqutaassaaq
Inuttut illit
Piffissamik suliartorfissamik paarsillaqqipputit
Naammagittarsinnaassuseqarputit
Ataqatigiissaakkamik suleriuseqarputit, akisussaassuseqarnermik pingaartitsisoq, ataqatigiissaarinermik pitsaassutsimillu pingaartitaqarputit
Allattariarsornikkut oqalunnikkullu kalaallit taamatullu danskit oqaasii atorluarsinnaavatit
Uagut pilluta
Aningaasaqarnermut Immikkoortortaqarfimmi suliassaqarfitta ataani ingerlalluartunik naatsorsuuseriveqalernissarput anguniagaraarput. Tamanna angusinnaavarput illit angusinnaasavit qaffassarnerisigut tamatumalu kinguneranik ataatsimoorluta ineriartortitsinitsigut. Siunnersuinikkut oqaloqatigiinnikkullu ataqatigiinnerusumik aningaasanik aqutsineq naatsorsuutinillu tunniussisarneq Naalakkersuisoqarfimmi Namminersorlutik Oqartussanilu pilersikkusupparput.
Aningaasarsiat atorfininnermilu atugassarititat
Aningaasarsiat atorfininnermilu atugassarititat, tamatumani atorfininnermut soraarnermullu atatillugu angalanerit pisattanillu assartuussinerit ilaapputtaaq, taakkulu atorfinninnerup nalaani Namminersorlutik Oqartussat isumaqatigiinniarsinnaatitaasullu akornanni isumaqatigiissutit aallaavigineqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Atorfik pillugu paasisaqarnerorusukkuit, imaluunniit apeqqutissaqaruit Aningaasaqarnermut Ilinniartunillu Sullissinermut Immikkoortortaqarfimmut Pisortaq Ilannguaq K. Møller attavigisinnaavat uunga ilmo@nanoq.gl imal. tlf. +299 34 56 84.
Qinnuteqaatit, CV-it, ilinniarnermut pikkorissarsimanermullu uppernarsaatit, paasissutissallu qinnuteqarnermut attuumassutillit allat ilanngullugit ”Qinnuteqaat nassiuguk” toorlugu nassiutikkit.
Qinnuteqaatit e-mailikkoortut tigusutut nalunaarsorneq ajorpagut.