Allagarsiuteqqitaq - Kangerlussuarmut ingerlatsinermut suleqat
Nukissiorfiit Kangerlussuarmi aalajangersimasumik tunngavissarsisimavoq. Illoqarfik Qaasuitsup killeqarfiata avannaata tunginnguaniippoq, taamaattorli Kangerlussuaq nunaviup silaanik peqarmat imatorsuaq issittarnera issivissorneratut malunnarneq ajorpoq. Nunaviup silaa sunngiffimmut suliaqarfiusumut ammaavoq, tamaaniillutik asiliartarnernut periarfissat assigiinngitsut arlallit; ukiuunerani illoqarfiup avatinnguani sermit iigartartut sinerlugit pisuttuarnermi nunap sermillu akornanni assigiinngissut ersarivissoq misigineqarsinnaavoq, imaluunniit kangerluup sikuani pisarnitoqqatut qimussertoqarsinnaavoq, imaluunniit qamuteralattoqarluni, aammalu sap. akunnerata naanerani ulluunerani aalisariartoqarsinnaavoq, unnukkulluunniit arsarnersiortoqarsinnaalluni. Kangerlussuaq issittumi uumasunut katersuuffiusarmat ukioq kaajallallugu piniariarnermut misigisassanut, umimmannik, tuttunik issittumiluunniit timmissanik piniariarnissanut assissaqanngitsunik periarfissaqarpoq.
Nukissiorfiit nukissamik pilersuisoqarfiani ilaalerit; tassaavugut sumiiffigisami suleqatigiit amerlanngitsut, tamaani najoqqutassialigaanngitsumik sullivitsinni avatangiiserisat atugaralutigit, suliassap aallartinneranit naammassinissaanut suleqatigiinnik tunngavilittut suliassanik iluarsiisarnermut pikkorissuunissamik anguniagaqartuusut. Taamaattumik illit suleqatigiinnissamut piginnaasaqarluartoq ujarpatsigit.
Ullut suliffiusut assigiinngitsorpassuarnik suliassartaqartut neqeroorutigisinnaavavut, illimmi immikkoortoqarfimmi aalajangersimasumi attaveqartussaanngilatit, kisiannili nunaqarfimmi maani immikkoortoqarfiit tamaasa killeqarfii qaangerlugit suleqatitit allat assigalugit peqataaqataasassaatit.
Pisortanni qaninnerpaaq tassaassaaq Kangerlussuarmi Innaallagissiornermut Suleqatigiinni aqutsisoq.
Suut naatsorsuutigisinnaavigit?
Sulianut tunngatillugu killeqarfiit qaangerlugit suleqatigiinni ilaalissaatit, tamaanilu suliassat ilusaat assigiinngiiaartut neqeroorutigisinnaavavut; ullup ilaani imermut tunngasunik suliaqassaatit, kingusinnerusukkut kissarsuut uuliatortoq suliaqarfigaat, ullut pingajuanni innaallagisseralutit; taamaattumillu namminersuutigisannik suliaqarsinnaanerit pingaartuuvoq, taamaattorli suleqatinik, ilinniagaqarnermut misilittagaqarnermullu tunngasunik assigiinngitsunik tunuliaqutaqartut qanimut suleqatigisassavatit.
Suliassatit pingaarnerit tassaapput:
·Pigaartuuffimmi paarlakaattarneq
·Ulluni suliffinni tamani suliffeqarfiup ivertitigaataanik aserfallatsaaliuisarnerit
·Atuisartutsinnik kiffartuussineq, taakkunani ivertitikkanik pitsaanerpaatitsinertigut
Suliassat pissanganartut allarpassuit naatsorsuutigisinnaavatit. Ilinniartitaanissat ineriartornissamullu periarfissatsialaat qulakkeerpavut. Ilinniartitaanerup kingornatigut suleqatitit peqatigalugit pigaartuunermik aaqqiissutaasumi aamma ilaalissaatit.
Ujarpatsigit imatut ittoq:
· Teknikkimut tunngasumik ilinniagaqarsimasoq, soorlu maskiinanik sulisartutut, VVS-imik ilinniagaqarsimasoq, innaallagisserisoq, imaluunniit assingusumik teknikkip tungaatigut tunuliaqutaqarlunilu misilittagaqartoq
·Atortunut elektroniskiusunut aaqqiissutinullu piginnaaffeqartoq
·Aserfallatsaaliuisarnermik aaqqiissutinik misilittagaqassaguit tamanna iluaqutaassaaq
·Akisussaaffimmik tigusinnissinnaasoq, suliartortarnerminilu aalaakkaasoq
·Minnerpaamik suussuseq B-mut biilersinnaanermut allagartalik (Biilinut nalinginnarnut biilersinnaanermut allagartaq)
·Kalaallit, danskit tuluillu oqaasiinik oqalussinnaassaguit iluaqutaassaq
Aningaasarsianut atorfinitsitaanermullu atugassarisat:
Atorfininneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfimmut sulisut inaannik pequtilersugaanngitsumik innersuussisoqarsinnaavoq.
Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissummi malittarisassiat atuuttut najoqqutaralugit atorfininnermut soraarnermullu angalanerit akilerneqarsinnaapput.
Namminersorlutik Oqartussani atorfeqarneq aqqutigalugu sulisunut inissiamik innersuussamik peqariissagaanni sulisunut inissiamut innersuussusamut pisinnaatitaaffik piginnarneqassaaq.
Atorfinitsitaaneq qaammatinik pingasunik misilitsiffeqartillugu pissaaq.
Atorfik pillugu paasissutissat erseqqinnerusut ugguuna pissarsiarineqarsinnaapput:
Innaallagissiornermut Suleqatigiinni aqutsisoq David Bech Dragø, e-mailikkut: dbd@nukissiorfiit.gl, imaluunniit oqarasuaatikkut saaffiginninnikkut oqarasuaatip angallattakkap normuatigut: +299 52 46 10.
Annertunermik paasissutissat:
Apeqqutit nalinginnaanerusut Sulisoqarnermut immikkoortoqarfimmut e-mailikkut saaffiginnissutaasinnaapput, ugguuna: hr@nukissiorfiit.gl
Qinnuteqarnissamut killissarititaasoq: juulip 2.-at, 2024