Allagarsiuteqqitaq - Nanortalimmi pisiniarfimmi pisortaq
KNI A/S pikkorissumik, uummaarissumik angusaqarluarniartumik, Nanortalimmi nioqqutissaqarnermik im-mikkoortortaqarfia pisiniarfimmi pisortassarsiorpoq, piaartumik imaluunniit isumaqatigiissuteqarnikkut su-lilersussamik.
Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsi-tsilluarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kif-faanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.
Naatsorsuutigaarput unammillerusussuseqartuusutit, kiisalu sulisut peqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaanni nutaamik ineriartortitsisinnaanermillu eqqar-sartarnissat.
Pisiniarfimmi pisortap kujataani nunap immikkoortuani pisortaq qaninnertut pisortarissavaa.
Pisiniarfimmi pisortatut pingaarnertut suliassatit makkuussapput:
- Angusaqarnissaq siunertaralugu peqqinnartumik niuernikkut ingerlatsinermik ineriartortitsinissaq akisussaaffigissallugit
- Pisiniarfitsinnut marluusunut annertuunillu nioqqutissarsisartunut suliffiup avataani inissisimasu-nut, nioqqutissanik piniarneq
- Allaffissornikkut aqutsineq sullissinissanillu isumaqatigiissutit ilanngullugit pitsanngorsaaneq
- Pisiniarfik pisinianut piareersimasoq – ullut tamaasa
- Akisussaanermik suliassanillu agguataarineq, piginnaasanillu ineriartortitsineq
- Piffimmi allanilu niuernikkut suleqatigisat attavigineqarnissaat isumagisassallugit
Atorfik imaattumik inuttalerusupparput:
- Niuertutut misilittagalik
- Sulisoqarnikkut aqutsisinnaanermik misilittagalik
- Angusaqarusussusilik
- Unammillerusussusilik
- Naatsorsuutinik paasinnilluarsinnaasoq
- Suleqatinut kajumissaarisinnaasoq sulisunik ilitsersuillunilu isumassarsisitsisinnaassuseqartoq
- Suleqatinut nunap immikkoortuanilu pisortamut siunnersueqatigiinnissamut piginnaanilik
- Qarasaasiamik atuisinnaasoq
- Ulapaarfinni aqutsilluarsinnaasoq
- Oqaatsit - kalaallisut, qallunaatut atuisinnaaneq
Atorfinittussamut neqeroorutigaagut:
- Piginnaasat naapertorlugit isumaqatigiissuteqarnikkut akissaateqartitaaneq
- Atorfimmut atatillugu inissaqartitsisoqanngilaq
- Suliffik ulluni tamani assigiinngissitaarfiusoq, pissanganartoq unamminartorlu
- Piginnaanngorsaqqinnissamut periarfissat pitsaasut
Atorfik pillugu paasisaqarnerorusukkuit nunap immikkoortuani pisortaq Henriette Josefsen attavigineqar-sinnaavoq oqarasuaatikkut: 86 84 04 mobil: 52 96 19 imaluunniit mail-ikkut: hjf@kni.gl.
Qinnuteqaat
Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 23. august 2024.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruf-fiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqar-pugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.