Allagarsiuteqqitaq - Paamiut-ni Neqeroorutigisinnaavagut
Nukissiorfiit, Nunap immikkoortua Paamiut umiarsuarmi motoorilerisutut ilinniartumik, Kalaallit Nunaanni ilinniarfimmi ilinniartuulersimasumik pissarsiorpoq. Paamiut-imi Nukissiorfiit iluani suliffimmi sungiusartunngorsinnaavutit, ilinniakkavit tigussaasutut ilaanik naammassinnillutit.
Paamiuni misigisinnaavat pinngortitaq, silaannarissoq asilu nuannarigukku eqqortumut pissaatit. Paamiuni inuit ataqatigiittorujussuupput, nutaallu tikilluaqquneqarluartarput. Immikkoortortatsinni tigulluarneqassaatit qulakkeerneqassaarlu suliassannut periutsinullu isertilluarneqarnissat. Pingaartinneqarpoq sulititsinnit tunniusimalluartunit ilinniartilluarneqassasutit.
Suliffimmi sungiusarnermik atorfik pissanganartoq, suliassanik assigiinngitsorpassuarnik suliaqarfigisassat, tamakkulu innaallagissiorfimmi imeqarfimmilu sulisut sinneri peqatigalugit iluarsiiviginiartassavatit. Ilinniagaqarnermik ingerlatap umiarsuarmi motoorilerisutut ilinniagaqarnermi piumasaqataasut malittarai, taamaalillutillu Nuummi ilinniarfimmiinneq nunallu immikkoortuani suliffimmi sungiusarneq tassani ilaapput. Suliffimmi sungiusarnermi suliassat, soorlu motoorinik dieselitortumik isaternerit katiternerillu ipput, ilaallutik ruujorinik ingerlatsissutit, silaannaq ussissillugu naqitamik ingerlatsissutit, atortunik naqitsinilikkanik ingerlatsissutit, kiassarnermik ingerlatsiviit, nillorsaanermik ingerlatsiviit il.il. Pisunik nalunaarsuisarfik, logbogi ilinnut tunniunneqassaaq, taamaalillutit ilinniarpit nalaani faginut suliassaqarfinnut assigiinngitsunut tamakkununnga suliarisartakkannut uppernarsaassutinik pissarsissagavit.
Suliffimmi avatangiisini isumassarsinarlutillu iluarinartuni ilaalissaatit, tamassalu suleqatigiilluarnikkut attaveqatigiinneq, aammaalu nunap immikkoortuani tamaani suliffimmi ilinniartunik allanik sungiusartoqarpoq.
Ilinniagaqarnerup nalaani aamma siunertanut aalajangersimasunut suliassanik isumaginneqqusisoqartassaaq, soorlu saliinernik, eqqiluisaarinernik il.il. Sullivimmi avatangiisinut tunngasutut pissutsit malittarineqarnissaasa qulakkeernissaat Nukissiorfiit sammisarai.
Umiarsuarmi motoorilerisutut ilinniartuunerni makku naatsorsuutigaagut:
• umiarsuarni motoorilerisutut ilinniagaqarfimmi tunngaviusutut ingerlatamik naammassisaqarsimanerit imaluunniit aallartittussanngornerit
• tutsuiginarlutillu suliartortuartartuunerit, aammalu nammineq ilinniagaqarnernut akisussaaffimmik tigusinneqataasarnerit
• soqutigisaqartuunerit, nutaanillu ilinniagaqarusussuseqarnerit
• suliassanik allanngorartunik piumasaqarfiusunillu iluarisimaarinnittuunerit
• angusaqarluarniartuunerit, nutaanillu ilinniarnissamut immikkut iliuuseqarnissannut piareersimasuunerit
Atorfinitsitaanermi piumasaqaatit:
Aningaasarsiaqarneq Naalakkersuisut aamma suliffimmi ilinniartunut aamma ilinniagaqartunut kattuffiup akornanni isumaqatigiissutaasoq najoqqutaralugu. Atorfininneq qaammatinik pingasunik misilinneqarfittaligaavoq.
Atorfimmut inissiamik innersuussisoqarsinnaavoq.
Atorfik pillugu erseqqinnerusutut paasissutissarsiorneq uunga pisinnaavoq:
Ingerlatsinermut akisussaaffilittut Suleqatigiinni Aqutsisoq Ole Dal Nielsen, e-mail: odn@nukissiorfiit.gl. . tlf. +299 34 95 00. Apeqqutit nalinginnaanerusut Sulisoqarnermut Immikkoortortaqarfimmut saaffiginnissutaasinnaapput, uunga: HR@nukissiorfiit.gl
Qinnuteqaat:
Ilinniagaqarnermut tiguneqarnermik sioqqutsisumik nalunaaruteqarnermik, ajornanngippat CV-mik, ilinniagaqarnermut uppernarsaatip assinganik, aamma najoqqutarisanik ilaqartillugu qinnuteqaat Nukissiorfiit nittartagaani ”Atorfimmut qinnuteqaat”-ikkut inississorneqassaaq.
Qinnuteqarnissamut killissarititaasoq: juunip 4.-at, 2024