Allorfik nakorsatut siunnersortaanermik pissarsiorpoq
Allorfik nuna tamakkerlugu pinngitsuuisinnajunnaarnermut paasisimasaqarfik nakorsatut siunnersortaanermik pikkorissumik sap. ak. nal. ak. qulit missaanni sulisartussamik apriilip 15-aniit 2024-imi tamatumaluunniit kinguninngua atorfinittussamik pissarsiorpoq.
Nakorsatut siunnersortaaneq aaqqissuussaanikkut Allorfiup pisortaata ataani inissisimavoq.
Nakorsatut siunnersortaanerup akisussaaffii pingaarnertut siunnersuinermiipput, paasissutissanik misissueqqissaarnermiipput katsorsaanermilu sakkussaniillutik.
Nakorsatut siunnersortaaneq Allorfiup pisortaanut siunersioqataasassaaq, ilisimatusarneq Allorfimmilu peqqinnissaq pillugu suliniutit pillugit suleqateqarneq akisussaaffigissallugit.
Nakorsatut siunnersortaanerup Allorfimmi pisortaq suleqatigalugu suliassarai:
Siunnersuineq siunersioqataanerlu
Paasissutissanik nakkutilliineq
Paasissutissanik misisueqqissaarneq saqqummiussinerlu
Ilinniartitinermi atortussanik nalunaarusiamillu suliaqarnermi peqataaneq
2024-im 2025-imilu sulinermik sungiusartunik ikorfartuineq /supervision
Ilisimatusarfiit soqutigisaqaqatigiiffiillu peqatigalugit suleqatigiinnermi peqataaneq.
Tamatuma saniatigut siunertamut aalajangersimasumut tunngasunik suliassaqartarnissaa naatsorsuutigineqarsinnaavoq.
Naatsorsuutigaarput:
Nalinginnaasumik nakorsaanermik, tarnikku nappaatinik imal. allamik naapertuuttumik nakorsatut immikkut ilisimasaqarnissaq
Innuttaasut katsorsartinnissamut- allanillu naapertuuttunik sapinngisamik pitsaanerpaanik neqeroorfigineqarnissaannik qulakkeerinissamik soqutigisaqarnissaq
Aqutsinermik misilittagaqarnissaq suleqatiginnissinnaassuseqarnissarlu
Nunatsinni inuiaqatigiinnik ilisimaarinnilluartuunissaq
Illugiinnik (danskisut/kalaallisut) oqaasilik tuluillu oqaasiinik piginnaaneqarluartoq toqqaaniarnermi salliunneqassaaq.
Atorfik angalanertaqarsinnaassaaq.
Allorfik kommunini tallimaasuni tamani immikkoortortaqarpoq Nuummilu pinngitsuuisinnaajunnaarnermut paasisimasaqarfeqarluni. Immikkoortut tamarmik sisamat arfineq marlullu akornanni sulisoqarput pinngitsuuisinnaajunnaarnermullu paasisimasaqarfimmi sulisut arfineq marluullutik.
Qinnuteqarfissaq kingulleq: juunip 22-at 2024
Allorfiup pisortaanut Efa Olsen-imut oqarasuaatikkut: +299 346414, imal. mailikkut: efol@nanoq.gl imal. Keun Hwangimut oqarasuaatikkut: +299 346687, imal. mailikkut: keun@allorfik.gl attaveqarnikkut atorfik pillugu annertunerusunik paasisaqarsinnaavutit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.