Amerikamiut Nuummi konsulateqarfianni politikkikkut siunnersorti – nunani tamalaani immikkoortortaqarfitsinni suleqatitaarisigut

Nuummi sulillutit amerikamiut Kalaallit Nunaanni aallartitaqarfiat suleqataaffigerusuppiuk? USA-p Nuummi Konsulateqarfia politikikkut siunnersortimik pikkorissumik ujaasivoq. Milittakkatit tulluarpata USA-llu Kalaallit Nunaatalu atassuteqarnerat pitsanngorsaaqataaffigerusukkukku atorfik ilinnut piukkunnarsinnaavoq. 

Atorfiup Kalaallit Nunaanni Nuummiinnera maluginiaruk, inuttassarsiuussinerlu Amerikap Københavnimi aallartitaqarfianiit isumagineqarluni. Piffissaq tamakkiisumik atorfiuvoq – sapaatip-akunneranut 40 tiimit. 

Suliarisartagassatit ilaagut makkuupput: 

• Siunnersuineq, misissuineq, Kalaallit Nunaanni politikikkut, aningaasaqarnikkut, kulturikkut isumaginninnermilu susoqarnersoq pillugu paasissutissiinerit. USA-p soqutigisaannut qanoq sunniuteqassanersut siunissamilu qanoq ineriartorsinnaanera nalilersorneqartassaaq. 

• Kalaallit inuiaqatigiivini susassaqarfiit akimorlugit attaveqaatit attuumassutillit attannissaat isumagineqassaaq, aamma ilinniartut, ilinniarsimasut namminersorlunilu paarlaaqatigiinnikkut aaqqissuussatigut. 

• Amerikamiut atorfillit aallartitallu Kalaallit Nunaannut angalanerat tapersersorlugillu kalaallinut oqartussanut pisortaqarfinnullu attaveqarnerat aaqqissuullugit. 

• Kallisuumiit, qallunaatuumut tuluttuumullu pisariaqartitsineq aallaavigalugit nutserineq – aamma killormut. 

Kulturi pillugu paasisimasaqarluarputit piumasaqaatillu taaneqartut naammassisinnaallugit: 

• Ilisimatusarfimmi naammassinikunut: Kalaallit Nunaanni Danmarkimiluunniit politikkimi, naalakkersuisoqarfinni, inuussutissarsiornermi, tusagassiorfimmi, atorfilittut, inatsisilerituutut imaluunniit susassaqarfinni attuumassutilinni suliaqarnermik minnerpaamik ukiunik marlunnik misilittagaqarneq.

• Ilinniarnertuunngorniarfimmi naammassinikunut: Kalaallit Nunaanni Danmarkimiluunniit politikkimi, naalakkersuisoqarfinni, inuussutissarsiornermi, tusagassiorfimmi, atorfilittut, inatsisilerituutut imaluunniit susassaqarfinni attuumassutilinni suliaqarnermik minnerpaamik ukiunik tallimanik misilittagaqarneq.

• Atorfinitsinneqartup Kalaallit Nunaanni ilaqutariit siuttuusut, politikkikkut suliaqartut inuiaqatigiillu akornanni attaveqarnerit atorfilittatut peqqissaartumik aqussinnaassagai pingaaruteqarpoq. Inuiaqatigiinni politikkikkullu pissutsit pillugit ilisimasaqarnissaq paasinnilluarsinnaassuserlu atorfimmut piumasaqaataavoq, kiisalu eqimattat taakkua akornanni tatigeqatigiinnermik ineriartortitsiviusinnaasoq. Naalagaaffiit pillugit, niuernermik, tusagassiornermik, oqaluttuarisaanermik inatsisilerituutulluunniit ilinniagaqarneq imaluunniit ilinniarnertuunngorniarfimmi naammassinikuulluni minnerpaamik ukiuni tallimani suliffimmi misilittagaqarluarneq piumasaqaatigineqarpoq. 

• Kalaallisut, qallunaatut tuluttullu oqalussinnaasoq. 

Suliassaqarfimmi pissanganartumik suleqataalernissat piareersimaffigaajuk? Tusarfiginissat qilanaaraarput. Qinnuteqaatit piaartumik nassiunniarlugu tuugassaq tooruk: 

https://erajobs.state.gov/dos-era/vacancy/viewVacancyDetail.hms?_ref=bxqymdvbpt0&returnToSearch=true&jnum=70575&orgId=124

Qinnuteqarfissaq oktobarip 16-ianni 2025-mut killeqarpoq. Atorfiit marluk inuttassarsiuunneqarput, qinnuteqartullu piumasaqaatinik naammassinniffigisinnaasani toqqassavaa. Atorfik pillugu apeqqutissaqaruit sulisoqarnermut immikkoortortaqarfipput CopenhagenRecruitment@state.gov-imut imaluunniit oqarasuaammut +45 33 41 74 98.