Aningaasaqarnermut (ac-fuldmægtig imaluunniit specialkonsulent/chefkonsulent) aalisarnermut, piniarnermut, nunalerinermut namminersornermullu immikkoortortaqarfimmut

Aningaasatigut piginnaasatit Kalaallit Nunaanni allannguinissamut atorusuppigit? Ulluinnarni ulapaarfiusuni allanngorartunilu nammineq suliaqarlutit nuannaraajuk - ataatsimut pisuussutitsinnik ingerlatsinermi suleqataarusuppit?

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik økonomimik, piniagassanik, nunalerinermik aalisakkanillu aqutsinermi/ingerlatsinermi peqataarusuttumik ujaasivoq - Kalaallit Nunaanni immikkoortortat pingaarnersaasa ilaannut. Sulianik ilisimasaqarluartunik avatangiiseqassaatit, suleqatigiinneq akisussaassuseqarneq ineriartornerlu pingaartinneqarlutik suliffiusumi. Atorfik inatsiseqarnermut, aningaasatigut pilersaarusiornermut imikoortortami inissisimavoq, tassanilu ilisimasat tunngavigalugit immikkoortortat inatsisitigut aningaasatigullu suliaqarnerini siunnersorneqartarput misissuinermilu tapersersorneqarlutik.

Suliassatit pingaarnerit ilaatigut makkussaapput:

Paasissutissat aamma misissueqqissaarneq

• Kingunerisinnaasat misissornerinik aamma aningaasatigut ilusilersuinernik suliaqarneq

• Politikikkut suliniuteqarnerit tapersersorniarlugit ilisimasatigut aamma inuiaqatigiit aningaasaqarnerinik misissuineq.

• EU-mut aamma aalisarnermi ukiumoortumik nalunaarusiamut immikkoortunut tapiissutitut nalunaarusiornernut suleqataaneq.

Politikikkut aamma Naalakkersuisunut sullissineq:

• Ilisimasat tunngavigalugit immikkoortuni suleqatinik aamma Naalakkersuisut aalajangiiffigisassatut siunnersuutinut aningaasaqarnermi siunnersuineq.

• Nunani tamalaani ataatsimeeqateqarnermi peqataaneq kiisalu piffissaq ungasinnerusoq eqqarsaatigalugu isumaqatigiinniarnerni peqataaneq.

• Inatsisartut apeqqutaannut akissuteqarneq aamma Naalakkersuisunik sullissineq

Makkuninnga piginnaasalimmik sulisussarsiorpugut:

• - Aningaasaqarneq pillugu kandidat-tut ilinniagaqarneq (cand.polit. imal. assinganik)

• Misissueqqissaarnissamut piginnaasaqarluarneq aamma aningaasatigut sullissinermi misilittagaqarluarneq.

• Excelimik annertuumik suliaqarluarsinnaaneq.

• Naatsorsuisinnaanermut piginnaasaqarluarneq.

• Aningaasatigut aaqqiinerit ajornakusoortut ingerlateqqinnissaannut piginnaasaqarluarneq.

• Nammineersinnaaneq, tamatigoortuuneq aamma uleqatiginnissinnaassuseqarluartuuneq.

• Suliffeqarfinni politikikkut aqunneqartuni sulisinnaanermut soqutigisaqarneq.

• Nammineersinnaaneq, tamatigoortuuneq, sulilluarsinnaaneq, peqqissaartuuneq, piffissamillu eqquilluarsinnaaneq.

Suliassanut tunngasunut suleqatillu avatangiisaanut peqataaneq

Naalakkersuisoqarfimmi sulianut tunngasutigut piginnaasaqarfiulluartumi aamma suliamut tunngasunik suleqatigiiaat akimorlugit suleqatigiilluartuni suleqataalissaatit. Pingaartippavut, ulluinnarni atugarissaarneq, tamatigoorneq aamma ilinniakkat tungaatigut ineriartorsinnaaneq. Kalaallit Nunaanni isumalluutit uumassusilinnut piujuartitsinerup qulakkeerneqarnissaa akisussaassusilimmillu ingerlanneqarnerisa suliarineqarnerani qitiusumik inissisimassaatit. Suliamut tunngasunik immikkoortortaqarfiit, KANUAANA, aamma Naalakkersuisoqarfiup akisussaaffiisa iluini soqutigisaqaqatigiit qanimut suleqatigalugit. Ataqatigiissaakkamik qanimut Aningaasaqarnermut Akileraartarnermullu Naalakkersuisoqarfik suleqatigineqarpoq, tassami Naalakkersuisoqarfiup akisussaaffiinut pingaartumik aalisarneq, Nunatta karsianut aningaasanullu Inatsimmik suliaqarnermi annertuumik sunniuteqarami.

Atorfinitsinneqarnissaq 1. oktobari 2025 isumaqatigiissuteqarnikkulluunniit.

Paasissutissat allat

Atorfik pillugu paasisaqarnerorusukkuit, aningaasaqarnermut ilisimasalik Rasmus Bæk mailikkut: rabp@nanoq.gl imaluunniit oqarasuaatitigut +45 93885048\\345375 imaluunniit Thomas Rassing mailikkut: thra@nanoq.gl imaluunniit tlf. + 299 555333 attaviginissaannut tikilluaqqusaavutit.

Atorfeqarnermi atugassarititaasut

Misilittakkanik tunngaveqarneq piginnaasallu naapertorlugit AC-fuldmægtig imaluunniit immukkut ilisimasalittut/pisortatut atorfinitsinneqassaatit Akissarsiat atorfeqartitaanermilu atugassarititaasut Namminersorlutik Oqartussat, DJØF-llu isumaqatigiissutaat naapertorneqassapput.

Atorfimmut atatillugu inissaqartitsisoqanngilaq.

Qinnuteqarneq

Qinnuteqaatit, CV aamma ilinniarsimanermut uppernarsaat nassiutikkit, kingusinnerpaamik 25.09.2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk