Aningaasaqarnermut sulisoq

GrønlandsBANKENi aningaasaqarnikkut sulisumik ujaasivoq

Kalaallit Nunaanni aningaaseriviit annersaasa ilaanni, peqatigiiffimmi suliatigut pikkoriffimmi inuiaqatigiinnullu pingaaruteqartumi peqataalerusuppit?
Aningaasaqarnermut immikkoortortaqarfimmi aningaasaqarnikkut sulisussamik pikkorissumik ineriartorusussusilimmillu ujaasivugut. Tassunga atatillugu aningaasaqarnikkut sulianut assigiinngitsunut aaqqiissutinik nuannarisalimmik ujaasivugut.
Suleqatit tunniusimasut tallimat suleqatigilissavatit aningaasaqarnermut pisortaq innersuussiffigalugu. Immikkoortortaqarfik aningaaserivimmi qitiuvoq, aningaasaqarnermullu allaffissornermullu suliassat assigiinngitsorpassuit suliarisarlugit.

Suliassatit
Suliassatit pingaarnerit ilaatigut aajuku:
- Allaffissornikkut nakkutilliineq, ernianik naatsorsuineq aningaaseriviullu ileqqaakkanut nioqqutaanut akileraarnikillisitat nikingasoornaveersaarlugit
- Ilinniarnermi taarsigassarsianut nakkutiginninneq tigusititsinerlu
- Naatsorsuutinik ingerlaavartumik suliaqarneq
- Immikkoortortaqarfiup nakkutigisaanik suliassaanillu tapersiineq

Takorloorparput:
- naatsorsuinermut paasisimasaqartutit, akiligassarsiniarnermut akiitsortunullu ilisimasaqartutit
- nikingasoornaveersaanerit nakkutilliinerillu ingerlanissai pikkoriffigigitit
- illup iluani avataanilu peqatigisat attaveqatigilluarsinnaagitit
- marlunnik oqaaseqartutit, piumasaqaataanngilarli
- aningaasaqarnermut attuumassutilimmik ilinniagaqartutit, ass. Merkonom, Finansøkonom, allaffissornikkut ilinniagaq assingusorlunniit
- ukiualuit aningaasaqarnermut immikkoortortaqarfimmi misilittagaqartutit
- Excel sulissutitut iisimaarigit
- Ilusilersukkamik, namminersortumik akisussaassusilimmillu sulisutit
- Suliatigut ineriartorusuttutit immikkoortortaqarfiullu ineriartorneranut taperseerusuttutit

Neqeroorutigaarput:
- Kalaallit Nunaanni aningaaseriviit annersaanni atorfik pissanganarlunilu tamatigoortoq, ”Kalaallit Nunaannut iluaqutaasumik” anguniagassatut takorluugaralugu
- Suliatigut inuttullu ineriartornissamut periarfissagissaartoq
- Suliatigut pikkoriffik, tunniusimasunik ikiuukkumatuunillu suleqateqarneq
- Ilumoorsaarpallaanngikkaluamik nuannersumillu inuiaqatigeeriaaseq, uku naleqartitagut aallaavigalugit: pimoorussineq, peqqissaarneq, sullitanut sammisoq kiisalu ineriartornissamut sammisoq.
- Atorfinitsitsinermi patsisissaatitat sulisunullu iluaqutit pilerinartut
Atorfininnermi patsisissaatitat:
Grønlands Erhverv aamma Finansforbundet isumaqatigiissutaat malillugu atorfinitsitsineq pissaaq.
Qinnuteqarneq attavissarlu:
Atorfiup piaartumik inutaqalernissaa kissaatigaarput, ingerlaavartumillu atorfinitsitsinissamut oqaloqatigiinnerit ingerlatissallugit.