Aningaasarsiornermut ilisimatusartumik sillimmasiisarfimmi suliffimmik sulianut soqutigisaqartumik
Aningaasarsiornermut ilisimatusassamaarpit sillimmasiisarnernullu soqutigisaqarlutit? Taamaappat ilinniarninninnut atatillugu suliffimmi illit ujartorpatsigit.
Ineqarnermut Attaveqaasersuutinullu Naalakkersuisoqarfimmi ilinniarninnut atatillugu suliffik Namminersorlutik Oqartussat sillimmasiineranut suliassanik suliaqassaatit, soorlu sillimmasiissutinik nioqquteqartut sillimmasiisarfiit atorlugit sillimmatit aammalu nammineq sillimmasiinerit. Sillimmasiisarnermut suliassanik ilisimasaqalissaatit, ilinniarninnut atatillugu suliffivit nalaani sillimmasiisarfinnik, sillimmasiinermi isumaqatiginninniartartunik taamatullu ajoqusernernut suliarinnittartunik aamma sillimmasiisarnermi siunnersortinik ilisimasaqalissaatit.
Ilinniarninnut atatillugu suliffivit nalaani sillimmasiisarnermut suliassanik piginnaasanik ineriartortitsissaatit taamatullu allaffissornikkut piginnaasanik ineriartortitsissallutit, soorlu aningaasaqarnermi, naatsorsuuserinermi, Namminersorlutik Oqartussat sillimmasiinermut nittartagaani, Sillimmat.gl-imi, attaveqatigiinnermik, inatsisilerinermi inatsiseqarnermilu, taamatullu allaffissornikkut nalinginnaasunik suliassanut ilisimasaqalerlutit.
Suliassat arlaqarput taamaammallu eqqortumik siunnersorteqarnikkut namminersortumik sulisinnaasariaqarputit, attaveqarsinnaasariaqarputit aamma Namminersorlutik Oqartussani immikkoortortat assigiinngitsut akornanni ataqatigiissaarisinnaasariaqarlutit. Taamaammat suliap naammassinissaata tungaanut imminut piumasaqarfigisinnaassaatit, tamannalu suliamik nuannarinnittumik periuseqartumik ingerlanneqarsinnaassalluni. Taamaammallu attaveqateqarluarsinnaanermik piginnaasaqarnissat pingaaruteqarpoq - ajornanngippat kalaallisut danskisullu.
Tamanna soqutigalugulu pissanganartikkukku siunnersortit pisortaanik aningaasaqarnermullu immikkoortortami pisortamik suleqateqalissaatit, immikkoortortamilu pisortaq ilanngullugu tamanna Namminersorlutik Oqartussani sillimmasiinermut immikkoortortamiilerlutit.
Ilinniarnermut atatillugu suliffissamut apeqquteqaruit siunnersortit pisortaanut John Maahr Hansen-ip mailianut attavigisinnaavat: jomh@nanoq.gl imaluunniit 34 54 33-mut sianerlutit.
Atorfimmut kajumissusilimmik qinnuteqassaatit, aammalu sooq sillimmasiinermut Aningaasarsiornermut ilisimatusartutut suliaqarusunnerlutit tunngavilersorlugu. Aningaasarsiornermut ilisimatusartutut august 2024-minngaanniit ilinnialernermut atatillugu suliffik piumasaqaataavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job