Aqutsinermut Allattoqarfik servicemedarbejder-imik/kontorfuldmægtigimik pissarsiorpoq

Naalakkersuisoq aqutsisoqatigiit suleqatillu ulluinnarni suliffigisaannut qulakkeerinnikkusuppit? Ulapaarfinni pitsaassutsimillu qaffasissumik suliaqarfiusumi sullisseqataassallutit nuannaraajuk? 

Taamaappat illiuvoq Naalakkersuisoqarfiup Aqutsinermut Allattoqarfiani atorfissaqartitarput. 

2026-imi decembarip aallaqqaataani imaluunniit isumaqatigiissuteqarnikkut piaartumik atorfinitsitsitsisoqassaaq. 

Atorfik pillugu

Aqutsinermut Allattoqarfik Naalakkersuisoqarfimmi immikkoortortaqarfiit sisamaasut ilagaat, tassanilu ineqarneq, sanatitsisutut inissisimaneq, illunut oqartussaaneq, attaveqaasersuutit, isorliunerusut upalungaarsimanerlu pillugit Naalakkersuisoqarfiup suliassai isumagineqartarput. Naalakkersuisoqarfimmi sulisut 50-it missaanniipput. Aqutsinermut Allattoqarfik arfineq marlunnik sulisoqarpoq, aammalu Naalakkersuisoqarfimmi sulisunut sullissiviulluni. 

Immikkoortortaqarfimmi suliassat ilaatigut tassaapput Naalakkersuisoqarfimmut Naalakkersuisumullu saaffiginnissutinik ataqatigiissaarisarneq ingerlatitseqqittarnerlu, Naalakkersuisunut Inatsisartunullu aammalu taakkunanngaanniit suliassanik isumaginninneq, allakkat, tusarniaanerit, nutserinerit, pitsaassutsinik qulakkeerisarnerit, arkivimik aqutsineq, kiisalu sulianik aqutsineq ineriartortitsinermilu suliassat. Taakku saniatigut sammisaqartitsinernut, saqqummiinernut aamma assersuutigalugu suliani sullissinissamut suliffeqarfimmi ilitsersuutit, malittarisassat, suleriaatsit ilitsersuutillu pillugit sanilinut ilinniartitsinernut, pisiniartarnernut, kiffartuussinernut suliffeqarfiullu iluani suliassanut allanut pilersaarusiorneq ingerlatsinerlu ilaatinneqarput. Aamma imikkoortortaqarfimmi Naalakkersuisoqarfimmi qitiusumik IT-mut atortut suleriaatsillu digitaliusut ingerlanneqarneri, ataqatigiissaarneqarneri ineriartorteqqinneqarnerilu akisussaaffigineqarput, taakkununngalu atuisunut ikiuuttarneq, atortunik aqutsineq aaqqiissutissanillu ditigaliusunik nutaanik atulersitsisarneq ilaatinneqarput.

Servicemedarbejder-imik/kontorfuldmægtigimik - immikkoortortaqarfimmi sulisut Naalakkersuisoqarfimmilu aqutsisut suleqatigalugit – Naalakkersuisumut, aqutsisoqatigiinnut suleqatinullu allanut kiffartuussinermi suleqataasinnaasunik pissarsiorpugut. Atorfik immikkoortortaqarfimmi suleqatit kiisalu naalakkersuisoqarfimmi immikkoortortaqarfiit qanimut suleqatigilluinnarlugit sulinermik imaqarpoq. 

Suliassatit tassaassapput: 

• Naalakkersuisumik Naalakkersuisoqarfimmilu pisortaanersamik kiffartuussineq

• Naalakkersuisoqarfimmi sulisunut allanut kiffartuussineq ataatsimiinnernullu piareersaaneq

• Igaffimmi suliassanik akisussaaffeqarneq, tassungalu ilanngullugu nioqqutissanik inniminniisarneq ataatsimiittussanullu piareersaassussineq

• Allaffimmi maskiinanik pequtinillu il.il. suliaqartarneq

• Allaffimmi atortussanik pisiniartarneq ingerlatsinerlu 

• Allakkerineq akiligassanillu misissuineq

• Allaffimmi suliassaalersut soorlu nutsikkat pitsaassusiinik qulakkeerisarneq aamma nutsigassanik annikinnerusunik suliaqartarneq

• Naalakkersuisunut Inatsisartunullu sulianik piareersaaneq tunniussinerlu

• Sulisunut suliniutinik aaqqissuussineq

Pikkoriffiit piginnaaneqarfiillu matuma kinguliani taaneqartut amerlanersaat pigissagitit naatsorsuutigaarput:

• Atorfimmik assingusumik sulianillu assingusunik qullersanik kiffartuussinermik misilittagaqarluassasutit 

• Allaffissornermut, niuernermut kiffartuussinermullu attuumassutilimmik ilinniagaqarputit pikkorissarsimallutilluunniit

• Kalaallisut danskisullu oqaatsit allattariarsorlutit oqaluinnarlutilluunniit atorsinnaassagitit, pisinnaaguillu tuluttut oqaloqateqarsinnaassasutit. 

• Kalaallit kulturiannik inuiaqatigiinnillu ilisimaarinnittuussasutit. 

• Torersaarnissaq sungiusimalluarpat, akisussaaffimmik tigusisarlutit, suliniaqqissaarlutit suliniuteqarumatuujullutillu 

• Kiffartuussilluarnissamik ilisimaarinnilluarputit, ilakkuminartuuvutit, inussiarnersoq suleqatikkuminartuullutillu 

• Tunniusimassasutit, naapertuilluartuussasutit aammalu suleqateqarlutit namminersorlutillu sulisinnaassuseqassasutit 

• Allannguinissamut piareersimassasutit, qunusuissuseqassasutit suliffimmilu qullersaqarfiusumi aammalu aaqqissuussaanermi naalakkersuinikkut aqunneqartumi sulinissamut naleqqussarsinnaassasutit

• Oqaatsit atorlugit taamatullu allattariarsorlutit attaveqaqateqarsinnaaneq pikkoriffigissagit.

• Ilikkartikkuminartuussasutit, kisiannili aamma nammineerlutit misileraallutit ilinniarsinnaassasutit.

• Pisuni ulapaarfiusuniluunniit eqaatsumik aamma aaqqiisinnaassasutit.

Neqeroorutigaavut:

• Atorfik, politikkikkut aalajangiisarnerit qanillugit suliffiusoq. 

• Sullivimmi avatangiisit pingaartorsiorfiunngitsut, naalakkersuinikkut aqqutit naatsut suleqatillu suliatigut pitsaalluinnartumik aaqqiinissamik pingaartitsillutik tunniusimasut.

• Sullivimmi avatangiisit allanngorartut.

• Inuttut suliatigullu ineriartornissaq.

Paasissutissat amerlanerusut 

Atorfik pillugu annertunerusumik paasisaqarusukkuit Immikkoortortaqarfimmi Pisortaq Aviâja Mørch Amondsen telefonnr. 34 52 52-imut imaluunniit e-mail avma@nanoq.gl aqqutigalugu attaveqarfigisinnaavat.

Namminersorlutik Oqartussat pillugit annertunerusumik paasisaqarusukkuit, Naalakkersuisut nittartagaat www.naalakkersuisut.gl aqqutigalugu atuagaqarsinnaavutit.

Atorfinitsitsinissamut oqaloqatiginninnerit ingerlaavartumik ingerlanneqartarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.