Arctic Umiaq Line Nuummi allaffeqarfimmiittussamik sullitanik aamma allaffissornermi ikiuisartussamik pikkorissumik sulisussarsiorpoq
Sullitanik kiffartuussineq pikkoriffigaajuk immikkuualuttullu tappiffigalugit? Pitsaassutsimik eqqoqqissaartumillu sulinissamik pingaartitsisumik sullitanik allaffissornermilu ikiuisartussamik sulisussarsiorpugut.
Aalajangersimasumik ingerlatseriaaseqarlutit namminersuussisumillu periuseqarlutit pingaarnertut suliassatit tassaasussaapput sullitanik pitsaasumik kiffartuussineq aammalu allaffissornikkut pitsaasumik kiffartuussineq.
Naammagittarsinnaassuseqaruit, peqqissaartuullutit pitsaassuseqartumillu sulianik tunniusserusuttuullutit taava illiusinnaavoq Arctic Umiaq Linemi suleqatigiinnitsinni pitsanngorsaaqataasoq sullitatsinnullu ullut tamaasa allanngueqataallutit suleqataasoq. Suleqatitaarissagutsigit sulisut misilittagallit tunniusimasullu pingasut suleqatigilissavatit.
Pingaarnertut suliassarisassatit tassaapput:
· Ulluinnarni sullitanut umiarsuarnullu kiffartuussinermi suliassanik ataqatigiissaarineq.
· Sammisassanik ukiumut pilersaarusiorneq, tassunga ilanngullugit pisussat pillugit nittarsaassinissamut piareersarnerit.
· Sullitanik kiffartuussinerit sullissinerillu: oqarasuaatikkut, mailikkut, ornigulluni saaffiginnittunut, billetinik allannguinerit, pisititsinerit, utertitsinerit, akiligassaliornerit, naatsorsuutinik allattuinerit il.il.
· Agent support, tassunga ilanngullugu taakkununngarneq, ingerlatitseqqiisarneq, allaffissorneq kiisalu billetinik inniminniisitsineq.
· Ilaasussat allattorsimaffiannik nakkutilliineq pitsanngorsaanerlu, tassunga ilanngullugit marloqiusanik inniminniinerit (dobbeltbookinger), inissamik atorluaanissamik pitsanngorsaaneq kiisalu allaffissorneq.
Suliatigut ilinniakkatigullu piginnaasat
· Kalaallisut, qallunaatut tuluttullu oqaatsit. Tassunga aamma ilaavoq nunani tamalaani suleqateqarnermut atatillugu tuluit oqaasii atorlugit sulisinnaaneq.
· Allaffissornikkut piginnaasaqarluarneq, tassunga ilanngullugit Excelip Officemeersullu allat misilittagaqarfiginerat.
· Sullissinermi kiffartuussinermilu sullitaq qitiutillugu suleriuseqarneq, tassunga ilanngullugit ajornartorsiutinik aaqqiissutissarsiorsinnaaneq ataatsimoorussamillu anguniagaqarnermi suleqatigiinni suleqataasinnaaneq.
· Greenland Business School (Niuernermik Ilinniarfik), ajornanngippat AU-mi Nunani tamalaani Niuernermik aamma Nittarsaassinermik, Aningaasaqarnermut Isumalluutinullu aqutsinermik imaluunniit pineqartuni BA-mik assigisaanilluunniit imaluunniit qaffasinnerusumik ilinniagaqarsimaneq.
Neqeroorutigaagut:
Suliffeqarfik soqutiginartoq pitsaasorlu aamma suliffimmi avatangiisit pitsaasut – suleqatit tunniusimasut aamma suliassallu pissanganartut. Suliffeqarfimmi pitsaasumi aqutsinermik, ineriartortitsinermik aamma sulisunik pikkorissaanermik ukkataqartumi atorfininneq.
Paasissutissat sukumiinerusut
Atorfik pillugu paasisaqarnerorusukkuit CEO Taitsiannguaq Olsenip saaffiginissaanut tikilluaqqusaavutit, oqarasuaatsikkut +299 558817 imaluunniit uunga allallutit tol@aul.gl
Qinnuteqaatit e-mailikkut nassiussat suliarineq ajorpagut.
Atorfininneq: 1. september, 2024, ajornanngippat siusinnerusukkut imaluunniit isumaqatigiissuteqarnikkut
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik isumaqatigiinnikkut ingerlanneqassapput
Qinnuteqarnissamut killigititaq: Aggustip 16-ianni 2024
Atorfimmut ugguuna qinnuteqarit