Assartuinermi ataqatigiissaarisoq

Assartuinermi ataqatigiissaarisutut suliffeqarfiup ingerlanneqarnerani sulinermut akuussaatit suleqatigisussaavatillu suliffeqarfiup iluani avataanilu suleqatit. Atuuffissanni ingerlatsinermut tapertaassaatit assartuinerullu iluani suleqatigiinneq peqataaffigisussaallugu.

Atorfik pillugu

Center of Excellencep ataani suleqatigiinnut ilanngutissaatit, tassani siunertaammat sulianik ingerlatsinerup aaqqissuussaanerata ingerlalluarnissaa taamalu suliffeqarfiup iluani immikkoortortat akimorlugit suleqatigiilluartoqarnissaa aamma assartuussinermi pilersuisut eqqarsaatigalugit.

Atorfimmi piumasaqaataavoq pilersaarusiorsinnaaneq nunalu tamakkerlugu qulimiguulimmik umiarsuarmilu lluinnarni assartuussassanik ataqatigiissaarisinnaanissat.

Peqataaffigissavatit aaqqissuussaanermi nalorninartorsiortitsinnaasunik iluarsartuussilluni ineriartortitsinissaq pitsanngorsaanissarlu kiisalu immikkoortortaqarfimmi suliassat ilungersunarsinnaasut allallu ataqatigiissarneqartussat aaqqiissutissarsiuuttassallugit.

Suliassatit pingaarnerit ilaatigut makkuussapput:

• Ulluinnarni ingerlatsinermut tapertaaneq

• Ataqatigiissaarineq pillugu ataatsimiinissanik pilersaarusiortarneq ataatsimiisitsinerlu

• Aaqqissuussaanermi nalorninartorsiortitsisinnaasunut aaqqiissutissat uppernarsaatissaqarluarlutillu atorsinnaassusillit qulakkeerniarnissai

• Suliatigut isertuannginnissamut sulilluarnissamullu peqataanissaq

• Nalunaarusiortarnernik ineriartortitsineq pitsanngorsaanerlu

• Misilittakkanik katersinissaq ataavartumillu pitsanngorsaaqataanissaq

• Sinaakkutissatut isumaqatigiissutit attanneqarnissaannut aserfallatsaaliorneqarnissaannullu qulakkeerinninneq

• Naatsorsuuserineq naatsorsuutitigullu malinnaatitsineq

• Assartuinerup iluani kiffartuussineq ukiumullu pilersaarusiortarnermik isumaginninneq

• Aaqqissuussaanermi nalornissutaasinnasut pillugit siunnersuineq, ilitsersuineq ilinniartitsinerlu

Center of Excellencemi atuuffinnik, pisortaqatigiinnik suliffeqarfiullu iluani immikkoortortat akimorlugit atuuffinni allaniittunik suleqateqateqarsinnaaneq atorfimmi piumasaqaataavoq

Piginnaasassat

Ujartugarput tassaavoq suliassanut peqqissaartoq misissortorlu aammalu assartugassanut, aningaasaqarnermut aaqqissuussaanermilu nalornissutaasinnaasunut kiisalu sinaakkutissatut isumaqatigiissutinut soqutigisalik.

Suliffimmi assingusumit misilittagaqartuuvutit aammalu makkua piginnaaneqarfigalugit:

• Ingerlaqqiffiusumik attuumassutilimmillu ilinniagarsimasuuvutit

• Assartugassanut, naatsorsuutinut, aqqissuussaanermi nalornissutaasinnaasunut sinaakkutissatullu isumaqatigiissutinut paasisimasaqarputit misittagaqarlutillu

• Attaveqaqateqallaqqissuuvutit, oqaluinnarnermi allattariarsornermilu

• Akisussaassuseqartuuvutit, iliuuseqarsinnaasuullutik nammineersinnaassuseqarlutillu suliassatigut

• Danskisut tuluttullu oqalussinnaavutit; kalaallisut pisinnaaguit iluaqutaassaaq

• Niueqatigiinnermik paasisimasaqartuuneq sullerissuunerlu

Pingaartinneqarpoq suliassat ataatsimut isigalugit tappissuunissat, anguniakkanik aalajangersaasinnaanissat, suliassanik takunnissinnaasuunissat suliassanillu pingaarnernik.

Neqeroorutissaraagut

Atorfik pingaarutilik, ataqatigiissaarineq ingerlatsinermilu suliassanut tapertaaneq akisussaaffigalugit.

• Ingerlatsinerup aaqqissuunneqarnerani suleriaatsit ineriartortinneqarneranni peqataasinnaanissaq

• Inunnik pingaarutilinnik suliffeqarfillu akimorlugu pisortaasunik suleqateqarnissaq

• Suliami inuttullu ineriartornissamut periarfissaqarneq

• Piginnaasat naapertorlugit akissarsiaqartitaaneq kiisalu sulisutut ajunngitsorsiassat iluatinnartut

Soqutiginnippit?

Atorfimmut qinnuteqaatit CV-llu ilanngullugit tuugassaq taperpiatungaaniittoq toorlugu nassiussinnaavatit.

Qinnuteqaatit e-mailikkut nassiussat tiguneq ajorpagut.

Tusass-imi qinnuteqaatit ataavartumik suliarisarpagut taamatullu oqaloqateqarnissat ataavartumik ingerlanneqartarput. Atorfik inuttalerneqassaaq qinnuteqartoq piukkunartoq nassaarineqarpat.

Atorfik pillugu paasisaqarnerorusukkuit Center of Excellencemi immikkoortortami pisortaq Laila Mosgaard Kristensen attavigisinnaavat, +299 550522-mut sianerlutit tatigeqatigiiffiusumillu oqaloqatigalugu.

Qinnuteqaatippit tigunissaa qilanaaraarput.