Ataatsimit pingasunilluunniit AC-fuldmægtigit/immikkut siunnersortit/siunnersortaanernik
Ataatsimik pingasunilluunniit AC-fuldmægtigit/immikkut siunnersortit/siunnersortaanernik
Kalaallit Nunaani minguitsuunissamut suliamut pingaaruteqartumut suleqataarusuppit?
Atorfik pillugu
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik nukissiutinut suliassaqarfimmi ataatsimik pingasunilluunniit suleqatissarsiorpoq. Nunalerinermut, Nukissiutinut Silap Pissusianullu immikkoortortaqarfianiilissaatit.
Immikkoortortami nukissiutilerinermi silap pissusianullu suliassaqarfimmi minguitsuunissamut suliat ilaanut suleqatitit peqatigalugit suliaqassaatit.
Politikkikkut ineriartornermi aamma naalakkersuisumut sullissinerit akornanni inissisimassaatit. Pilersitsinermut suliassat ataavartut tassaapput nukissiutinut imermillu pilersuineq, nukissiorneq ataavartup iluani politikkikkut aamma Kalaallit Nunaanni erngup nukinganik isumalluutit angisuut unammilleqatigiiffigitinneqarnissaanut suleqataaneq ineriartortitsineq.
Suleqatitillu Naalakkersuisoqarfiup Nukissiorfiullu akornanni ataqatigiissaasi, tamanna Kalaallit Nunaanni nukissiornermut pilersuisuuvoq aamma nukissiornermut pilersuinermi ulluinnarni pilersaarusiortuuvoq ingerlatsisuullunilu.
Suliassatit immikkoortiterneqassapput, taamaasillutit illit piginnaasannut naleqquttumik suliaqarsinnaallutit:
Politikkikkut kiffartuussinerit, matumani Naalakkersuisut isummernissaannut tunngavissiamik, tunngaviusumik oqaaseqaatiliornerit, oqalugiaatit, § 37 naapertorlugu akissutit, il.il. suliaqarnerit.
Misissueqqissaarnermut sulianut atatillugu nukissaq ataavartumut politikkikkut sulianut aallarniinermi suliaqarneq.
Politikkikkut nukissiornermut atatillugu inuiaqatigiinni aningaasaqarnermullu ingerlatsinermi naatsorsuinerit.
Immikkoortortaqarfinnut aamma oqartussanut allanut kiisalu Nukissiorfinnut ingerlatsinermut ataqatigiisaarinerit.
Akunniliulluni sulissussinerni suliassat soorlu, tusagassiorfinnut nalunaarutit, oqalugiaatit aamma paasititsiniaanernut suleqataanerit.
Aningaasaqarnermut missingersuinermullu aqutsinerit, sulianik suliaqarnerit kiisalu allattoqarfinnut ingerlatsinerit.
Illit pillugit
Suliassanut tamatigoortunut suleqataasinnaasumik aamma nukissiornermut ataavartumut politikkianut politikkitigut qanimut suleqataarusuttumik suleqatissarsiorput. Iluaqutaasaaq, politikkikkut aaqqissuusaasuni aamma/imaluunniit inuussutissarsiornermi namminersortuni aamma nukissiornermut ataavartuni paasisimasaqartuunissat misilittagaqarsimanissat, tamannalu piumasaqaataanngilaq.
Piumassuseqarluartuussasutit aamma sulianut naammassisaqarusuttuussuseqassaatit, sulianut inerniliussassanut siumut ilisimanngisatsinnut. Qinnuteqaatinik ilinniakkamik naammassinneqqammersunik imaluunniit suliffimmut inuunermullu misilittagaqarluartumik tigusaqarusuppugut.
Taamaammat takorusupparput:
Naleqquttumik ilinniagaqartuunissat kandidatitut qaffasitsigisumik – økonomiimi (ass. fx cand.oecon, cand.polit), cand.soc., cand.scient.pol imaluunniit assingusumik.
Kisitsisinut piginnaasaqarnissat aamma inuiaqatigiinni aningaasaqarnermut misissueqqissaarnermut naatsorsuisinnaanissat aamma/imaluunniit aningaasaqarnermut ingerlatsisinnaanermi naatsorsuinermut misilittagaqarnissat.
Sulianut katitigaasunut erseqqarissumik paasiuminartumik allattariarsornikkut oqalunnikkullu attaveqaqatigiillaqqittuunissat.
Namminersorlutit suliaqarsinnaassasutit, inerniliisinnaassuseqarlutit aamma suliniutinut angisuunut tamat ataatsimut isiginnissinnaassuseqassasutit.
Politikkikkut aaqqissuusaasuni aamma/imaluunniit inuussutissarsiornermi namminersortuni misilittagaqassasutit.Sulianut nikerartunut suliaqarsinnaassasutit.
Nikerartuunissat, peqqissaartoq aamma inerniliinissamut misissueqqissaarisinnaassuseqassasutit.
Kalaallinut tunngasunik oqaatinullu isimasaqartuunissaq iluaqutaasaaq
Nalinginnaasumik nukissiutinut suliassaqarfimmi ilisimasaqartuunissat iluaqutaasaaq.
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillougu
Naalakkersuisoqarfimmi sulisut 45-t missaanniippugut, taakkunanngalu Nunalerinermut, Nukissiutinut Silallu Pissusianut Immikkoortortaqarfimmi sulisut qulit missaanniipput, ilinniartut ilanngullugit. Tamatuma saniatigut pisortat pilersuisoqarfiat Nukissiorfiit, Innaallagissiornermut Oqartussaasut, Pinngortitaleriffik aamma Asiaq Naalakkersuisoqarfimmut immikkoortortaqarfittut inissisimapput.
Naalakkersuisoqarfimmi suliassat inuiaqatigiinnut pingaarutillit Kalaallit Nunaannut iluaqutaasumik isumagisaraagut. Ulluinnarni sulisut akunnerminni nuannersumik, aammalu suliat inernerinut namminneerlutik sunniuteqarsinnaanerinut inissaqartitsiviusumik pissuseqarput. Ineriartortitsinermi pissanganartorpassuarnik suliaqarpugut, aammalu atorfinni ineriartorsinnaallutit misiginissat uagutsinnut pingaaruteqarpoq.
Naalakkersuisoqarfiup aqutsisuisa nukittuumik ataavartumillu qaffasissusilimmik toqqissisimanissaq pingaartippaat. Naalakkersuisoqarfimmi uninngaannannginnerput, pimoorussinerput akisussaaffinnillu tigusisarnerput ilisarnaatigaarput. Naalakkersuisoqarfik ataaseq ataatsimoorfigaarput, assigiinngissutsigut nukittoqqutigalugit. Taamaattumik avatangiisini toqqissisimanartuni sulisinnaanerit, tamatumunngalu tapertatut tunniussaqarsinnaanerit takusinnaassavat.
Ulloq atorfiniffissaq 1.september 2024 imaluunniit piaartumik tamatuma kingorna.
Qinnuteqarnissamut killigititaq 21.08.2024. Qinnuteqartunik oqaloqatiginninnerit ingerlaavartumik ingerlatissavagut.
Paasissutissat sukumiinerusut
Namminersorlutik Oqartussani sulineq pillugu paasisaqarnerorusukkuit imaluunniit apeqqutissaqaruit, immikoortortami aqutsisoq Ane Wraae Nielsen attaviginissaanut tikilluaqqusaavutit , oqa.: +299 34 59 59.
Akissarsiat atorfeqarnermilu atugassarititaasut
Akissarsianut atorfeqarnermilu atugassarititaasunut, taakkununngalu ilanngullugit atorfininnermut soraarnermullu atatillugu angalanissamut pequtinillu nassiussinissamut akiliunneqarsinnaatitaaneq piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut tunngavigineqassaaq.Atorfinitsitsineq AC-fuldmægitut aamma immikkut siunnersortitut imaluunniit siunnersortaanitut qinnuteqartunut piginnaasaanut naapertuuttunut atorfinitsitsisoqassaaq.
Sapaatip akunneranut ullut suliffiusut 40 time-upput. Atorfimmi piffissami killiligaangitsumi atorfinitsitsisoqarnissaa kiisalu piffissami killiligaasumi atorfinitsitsisoqarnissaa periarfissaavoq.
Ini
Atorfimmut sulisunut inissiamut innersuussisoqanngilaq. Qinnuteqartoq Namminersorlutik Oqartussani atorfeqarnermini sulisunut inissiameereerpat, sulisunut inissiamut innersuunneqarsinnaatitaaneq atuutsiinnarneqassaaq. Sulisunut inissiaq atorfeqarnermut atasuuvoq, aammalu atorfeqarnerup uninnerani qimanneqassalluni.
Qinnuteqaat, CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput. E-mail-ikkut qinnuteqaatinik tigusineq ajorpugut.
Naalakkersuisut pillugit
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job