Ataqatigiissaarisoq Børnehuset/BFC /MI Tasiilaq
Ataqatigiissaarisoq Børnehuset/BFC /MI Tasiilaq.
Kommuneqarfik Sermersooq pikkorissumik tunniusimasumillu Ataqatigiissaarisumik Børnehus/BFC/MI Tasiilami 01.07.2024 tamatumaluuniit kinguninngua piaartumik sulilersussamik pissarsiorpoq.
Tasiilami Børnehus ilersinneqalerpoq socialstyrelsimiit aqunneqartumik qallunaat kalaallillu suleqatigiinnerannut atatillugu, Tasiilami BFC ataanut inissinneqarluni.
Immikkoortortami sulisut suleqatissat tassaapput katsorsaasunik aqutsisoq 1, tarnip pissusaanik ilisimasalik 1, ilaqutariinnillu aqqutissiuisut 4 (aamma BFC-mut atassuteqartut).
Atorfik ulloq naallugu atorfiuvoq, qaninnertut pisortarissavat BFC Tasiilami katsorsaasunik aqutsisoq.
Atorfiup imarisaa:
Ataqatigiissaarisumik – ajornanngippat misilittangaqartumik – pissarsiorpugut makkuninnga suliaqartussamik:
·Børnehusimi katsorsartinnissamut innersuussanik ataqatigiissaarineq
·Sullitat nunaqarfinniit Tasiilamut angalanerinik najugaqarnissaannillu ataqatigiissaarineq, taamattaaq katsorsaasut angalasartut angalanissaannik ataqatigiissaarineq
·Katsorsaasut peqatigalugit katsorsartinnissamut pilersaarutinik suliaqarnerit
·Politiit videokkut apersuinissaannik ataqatigiissaaqataanerit
·Videokkut apersuisoqartillugu peqataaneq, børnehusimi sullinneqarnerup nanginneqarnissaanut imaqarniliornermik suliassaqarfiusoq.
·Ataqatigiissaarisutut suliaqarfimmi erseqqissaaqqinnernik ineriartortitsinermullu peqataassaatit
Suliassat børnehusimi sulisut allat, politiit aammalu BFA-mi meeqqanik sullissisut peqatigilluinnarlugit ingerlanneqartassapput.
Qinnuteqartunut naatsorsuutigisat:
∙Tulluuttumik ilinniagaqarneq – ajornanngippat allaffissornermut tunngasumik
∙Sulianik ataqatigiissaarinermut misilittagalik
∙Politikkikkut aqunneqartumi sulinermik misilittagalik
∙Ajornanngippat meeqqanik sullissinerup iluani misilittagalik piumaneqarnerussaaq
∙Suliffiit akimorlugit suliaqarermik misilittagalik
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
∙Uippakajaarani arlariinnik suliaqarsinnaasoq
∙Erseqqissumik tappissumillu allattariarsorlunilu oqaluttariarsorsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Kisitsisilerillaqqissoq
∙Atituumik suleqateqarluarsinnaasoq
∙marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:Katsorsaasunut aqutsisoq Ulrikka Mikaeelsen , oqarasuaat +299 36 77 82 imaluunniit e-mail: ulmi@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 533-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 14.-at, 2024