Attaveqaqatigiinnermut pisortaq Naalakkersuisut Siulittaasuata Naalakkersuisoqarfiani attaveqaqatigiinnermut immikkoortortaqarfimmut

Attaveqaqatigiinnermut pisortaq Naalakkersuisut Siulittaasuata Naalakkersuisoqarfiani attaveqaqatigiinnermut immikkoortortaqarfimmut 

Namminersorlutik Oqartussani Naalakkersuisut attaveqaqatigiinnermut pisortamik periusissiullaqqissumik misilittagalimmillu ujaasipput, taassuma suliffeqarfimmi naalakkersuinermik suliallit aqutaanni suliat aallaavigalugit aamma eqaatsumik attaveqaqatigeeriaaseq qulakkeersinnaassavaa. Naalakkersuinermik suliallit, allaffissornermik suliallit, tusagassiuutit innuttaasullu paarlagiiaallugit qularnak sulisinnaasariaqarputit peqatigisaanillu suliffeqarfiup attaveqaqatigiinnermik atuiffiani aqutsisinnaallutit aamma inerisaasinnaallutit.

Naalakkersuisut Siulittaasuata Naalakkersuisoqarfia

Naalakkersuisut Siulittaasuata Naalakkersuisoqarfia qitiusumik ataqatigiissaarinniffiusarpoq aqutsisutullu inissisimalluni Naalakkersuisut Siulittaasuata Naalakkersuisunik aamma qitiusumik allaffeqarfiup sapinngisamik pitsaanerpaamik suleqatiginnerinut tunngaviliinissamik qulakkeerinnittartuusarluni. Naalakkersuisoqarfik Aqutsisut allaffeqarfiannik, Piginnaasanik Aaqqissuussaanermillu Ineriartortitsivimmik, Inatsisiliortut immikkoortortaqarfianik, Inatsit Tunngaviusussamut immikkoortortaqarfimmik,  Naalakkersuinikkut Ingerlatsinermi Immikkoortortaqarfimmik kiisalu Attaveqaqatigiinnermut Immikkoortortaqarfimmik, attaveqaqatigiinnermut pisortap atorfianik inuttaqanngitsumik inissisimaffiusoq, immikkoortortaqarfeqarpoq. 

Atorfik pillugu

Naalakkersuisut attaveqaqatigiinnermut immikkoortortaqarfiani attaveqaqatigiinnermut pisortatut Naalakkersuisut qitiusumillu allaffeqarfiup attaveqartarnerinut, tusagassiuutit aqqutigalugit suliaqartarnerinut aamma Naalakkersuisut oqariartuutaasa paasissutissiissutiginerinut nukittorsaanermut inerisaanermullu akisussaaffeqassaatit. Taakku saniatigut Naalakkersuisut qitiusumik allaffeqarfianni attaveqaqatigiinnerup qitiusumit aqunneqalernissaanik suliaqartussaassaatit. 

Attaveqaqatigiinnermut immikkoortortaqarfik nukittooq ingerlalluartorlu ilusilersussallugu akisussaaffilerneqassaatit, suliatigut pitsaasumik sulinissaq, siunnersuisarnerup periusissiaanik aamma immikkoortoqarfinnik assigiinngitsunik suleqateqarnerit sammisassavatit. 

Suliassatit ilaatigut makkuussapput: 

• Qitiusumik allaffeqarfiup attaveqarnermut iliuusissatut pilersaarutaanik inerisaaneq aamma atuutilersitsineq 

• Naalakkersuinermik sulialittut aqutsisut naalakkersuisoqarfiillu allat attaveqarneq tusagassiuuteqarnerlu pillugit siunnersorneri 

• Suliat aallaavigalugit tusagassiutilerineq aamma tusagassiorfinnit saaffiginnissutit suliarineqarnissaannik qulakkeerinnittarneq

• Tusagassiutilerinerup periusissiorneqarneranik nukittorsaaneq aamma tusagassiuutinik nakkutiginnilluni misissueqqissaartarneq

• Naalakkersuinermik suliallit suliaasa attaveqaatitigut pilersaarusiorneri 

• Suliffeqarfiup digitalikkut attaveqaataanik aamma inuit attaveqaqatigiittarfiini peqataaneranik nukittorsaaneq 

• Attaveqaqatigiinnermut immikkoortortaqarfimmi sulisunik aqutsineq, kajumissuseqalersitsineq aamma inerisaaneq 

• Attaveqaqatigiinnermi pinngitsoorneqarsinnaanngitsunik suliaqarneq aamma piffissaq eqqorlugu tutsuiginartumillu attaveqartarnerup qulakkeerneqarnera 

Naalakkersuisut Siulittaasuata Naalakkersuisoqarfiani pisortaqatigiinnut ilaassaatit aamma naalakkersuisoqarfiup qitiusumillu allaffeqarfiup inerisarneqarnerini peqataasarnissat naatsorsuutigineqarpoq. Naalakkersuisut Siulittaasuata Naalakkersuisoqarfiani pisortaq toqqaannartumik pisortarissavat. 

Illit pillutit

Aqutsisoq nukittooq attaveqallaqqissuulluni naalakkersuinermik sulialinnik paatsuugassaanngitsumik paasinnillaqqissoq ujarparput, taassuma naalakkersuinermik suliallit anguniagaat assigiinngitsut takusinnaassavai aamma Naalakkersuisut sulinerinut anguniagaannullu iluaqutaasumik tusagassiissutiginissaannut suliaqarsinnaasassaaq. 

Aalajangersimasumik imaattuussasutit naatsorsuutigaatsigit: 

• Ilinniagartuutut naleqquttumik ilinniagaqarsimassaatit 

• Attaveqatigiinneq pillugu periusissiornermik suliaqassalluni misilittagalik aamma suliffeqarfimmi naalakkersuinermik suliallit aqutaanni sulinermik ajornanngippat misilittagalik

• Naalakkersuisut qitiusumik allaffeqarfianik      ilisimasaqarluartoq

• Misissueqqissaarinnissinnaanermik  piginnaasaqarluartoq suliallu ingerlanerinik paasinnissinnaalluartoq

• Oqaasertalersuisinnaassuseqarluartutit,matumani naalakkersuinermik suliallit attaveqariaasiannik paasinnilluarsinnaaneq ilanngullugu 

• Kimilimmik siunnersuilluarsinnaasoq aamma suleqatiginnillaqqissusilik

• Suliat aallaavigalugit tatiginnilluni angusaqarusussuseqarluarlunilu ataatsimoortitsillaqqissoq

• Eqimattami suleqataallaqqissoq, suleqatigiinnissamik pissarsiffiusumillu attaveqaqatigiinnermik ujartuisartoq 

Inuiaqatigiit kalaallit pillugit ilisimasaqarluarnissat paasisimasaqarluarsimanissallu naatsorsuutigaavut. Kalaallisut danskisullu oqaaseqaruit iluaqutaassaqaaq. 

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

atorfeqarnermut atasuuvoq, atorfeqarunnaarnermilu qimanneqartussaassalluni.

Paasissutissat allat  

Atorfik pillugu apeqqutissaqaruit pisortaq Simigaq Broberg oqarasuaammut 34 51 44 aamma mailikkut SBRO@nanoq.gl attaveqarfigisinnaavat.

Sapinngisamik piaartumik isumaqatigiissuteqarnikkut sulilernissat kissaatigaarput.