Attaveqaqatigiinnermut siunnersorti
Kalaallit Nunaanni suliffeqarfiit annersaanni attaveqaatit
assigiinngitsut atorlugit periusissiaq naapertorlugu attaveqatigiinnermik
suliaqarusuppit? Nunatsinni inuussutissarsiutit pingaarnersaat pillugu
nunatsinni nunanilu tamalaani attaveqatigiinnermut suliniutinik
akisussaaffeqarusuppit? Taava immaqa attaveqatigiinnermi suleqatissaraatsigit.
Royal Greenlandip attaveqatigiinnermut immikkoortortaani qullersaqarfimmi Nuummiittumiittumi suleqatit nuannersut ilagalugit Royal Greenlandip nunat killeqarfii akimorlugit suliffeqarfiullu iluani avataanilu attaveqaatit assigiinngitsut atorlugit attaveqarnissaanut qulakkeerinneqataassaatit.
Suliffeqarfimmi Naalakkersuisunit pigineqartumi ”atuisut” aalisartuullutillu, politikeriullutillu, suliffeqarfiup siulersuisuiullutillu piginnittuusut, tassa nunatsinni inuiaqatigiit tamarmik piginnittuusut paasisaqarfigissavat.
Tamatumunnga atatillugu assersuutigalugu tusagassiutitigut nalunaarutinik allannikkut siammarterinikkullu, allaaserinninnikkut, paasissutissiornikkut, assinik aalasulianillu suliaqarnikkut kiisalu inuit nittartakkatigut naapittarfiini saqqummiussinikkut attaveqatigiinnermik nammineerlutit suliaqartassaatit.
Suleqatigiinni sisamaasuni peqataalissaatit kiisalu aqutsisoqarlutit aaqqissuussaq tamakkerlugu attaveqatigiinnermi suliniutinut ikorfartuisumik. Sullivimmi pitsaasunik avatangiiseqarlutalu eqqissisimasumik periuseqarpugut, taamaalillutalu suleqatigiilluarsinnaaneq pingaartipparput.
Piginnaasatit:
Attaveqatigiinneq tusagassiutilerinermulluunniit assingusumik ilinniagaqarputit, ukiullu arlallit misilittagaqarlutit. Tamatuma saniatigut uku iluaqutaassapput:
· Suliffeqarfik angisuumi attaveqatigiinnermik misilittagaqarneq.
· Paasissutissat oqariartuutillu misissoqqissaarnissaanut misilittagaqarneq.
· Suliffeqarfiup iluani attaveqaqatigiinnermik misilittagaqarneq – ilaatigut intranet.
· Suliniutinik ingerlatsinermik aamma/imaluunniit attaveqatigiinnermi periusissatut pilersaarusiornermik misilittagaqarputit.
· Politikkikkut attaveqatigiinnermik misilittagaqarneq.
Qinnuteqarfissaq:
Qinnuteqaat, CV ilinniakkannullu uppernarsaatit 2024-mi augustip 11-aniutinnagu meli@royalgreenland.com-imut nassiutikkit. Qinnuteqaammut ilanngullugu siornatigut allaaserisatit suliarisimasatilluunniit pillugit takussutissanik ilanngussisinnaavutit.
Oqaloqatigiinnerit ataavartumik ingerlanneqarnissaat naatsorsuutigaarput. Sulilersikkusutarput erngerluni isumaqatigiinnikkulluunniit sulilersinnaassasoq kissaatigaarput. Sulilertussatut naleqqussorisatta naninissaa utaqqisinnaavarput.
Sukumiinerusumik paasisaqarusukkuit Attaveqatigiinnermut ingerlatsisoq – Merete Lindstrøm meli@royalgreenland.com-imut allallutit imaluunniit oqarasuaammut +299 281820-imut sianerlutit saaffigisinnaavat.
Tuugassaq ataaniittoq toorlugu qinnuteqarsinnaavutit