Atuarfik Hans Lynge pisortassarsiorpoq

Nukittuumik aqutsisoqarnerup, meeqqat pitsaasumik inuuneqarnerisa aamma angusaqarluarusunnerup ataqatigiiffigisaanni atuarfimmi tunniusimallutit siuttoorusuppit?

Kommuneqarfik Sermersuumi Atuarfik Hans Lynge pitsaasunik aqutsisutut piginnaasaqarluni atuarfiup ineriartorneranik ingerlatsisinnaasumik aamma Meeqqanut Atuarfeqarnermullu Ingerlatsivimmit atuarfeqarnermut takorluukkanik atuutsitsilernermi pingaarnertut sulisinnaasumik, tunniusimasumik takorluuisinnaasumillu atuarfimmi pisortamik pissarsiorpoq.

Illit, aqutsinermik ilinniarnermillu soqutigisalik, tamakkiisumik isiginnissinnaasoq, assigiinngitsunik suliaqarsinnaasoq – aamma allat suliaannik – qungujulajumatooq ujartorparput.

Atuarfik Hans Lyngemi sulisut naapikkuminartut ikiuukkumasut, pitsaasumik atuarfiup angerlarsimaffiullu suleqatigiinnerat aamma atuarfimmi kulturi atuartut ilinniartitsisullu peqataallutik tunniusimaffigisaat naapissavatit. Atuarfimmi pisortatut meeqqat peqqissut, alapernaatsut, tatituut nuannaartullu pilersinnissaannut pingaarnertut inissisimassaatit peqatigitillugulu ingerlatsivimmit atuartut amerlanersaasa ilinniaqqittarnissaannut anguniakkamut piviusunngortitsinissamut peqataassallutit.

Kommuneqarfik Sermersuumi siunissami kinguaariinnut allannguinissamut piareersimavit? Taamaassappat atorfissaqartitarput illiusimassaaq!

Atuarfimmi pisortamik imaattumik pissarsiorpugut:

·Atuarfimmut aamma meeqqanik sullissinermik inuusuttullu ilinniarnissaannik soqutigisalik

·Atuarfimmi siulersuisut, sulisut, atuartut angajoqqaallu suleqatigalugit atuarfimmik ineriartortitsinermi siuttuusinnaasoq

·Ullormut ingerlatassanik aamma suliffimmi nuannaarnermik, atuarfiullu sulisuisa atugarissaarnerannik pilersitsisoq.

·Ammasoq takussaasorlu ersarissumik pissusilik sumiiffimmilu atuarfiup pisortaarusuttoq

·Atuarfimmi aqutsinermini atuartumik qitiutitsisoq aamma atuartunut tamanut annertuumik anguniagaqarfiusoq

·Sermersuup atuarfiini ineriartortitsinermut aamma suliassanik suliarinninnermut assigiinngitsunik suleqatigiinnermi naleqartitanik takunnissinnaasoq

·Atuarfiup atualersimanngitsunullu suliassaqarfiup akornini suleqatigiinnermik ineriartortitseqqikkusuttoq

·Atuartut atugarissaarnerannik pingaarnersiuisoq

·Atuartitsiviusunut ineriartortitsinissamut piareersimarusuttoq

Naatsorsuutigaarput illit:

·Ilinniartitsisutut assigisaanilluunniit ilinniarsimasutit, ajornanngippat kandidatitut ilinniagaqaqqissimasoq

·Perorsaanermik, allaffissornermi suliassanik sulisunillu aqutsinermik misilittagaqartutit soqutigisaqartutillu

·Suliassanik arlalinnik suliaqarsinnaasutit tamakkiisumik isiginnillutit

·Atuartunut angajoqqaanullu ataatsimut akisussaaqataanermik pilersitseqataasinnaasutit

·Takorluuisinnaasutit angusaqarniartuusutillu

·Meeqqat atuarfiat pillugu inatsimmik nalunaarutinillu ilisimasaqarluartutit

·Ilinniartitsisunut aamma sulisut sinnerinut isumaqatigiissutit pillugit ilisimasaqarluartuusutit

·Programminik soorlu TRIO, Tabulex TEA aamma Skoleintramik atuisinnaasutit

·Ajornanngippat marluinnik oqaaseqartutit - kalaallisut/danskisut. Tuluttut iluaqutaassaaq aamma

Ilinnut neqeroorutivut:

·Atuarfik ineriartornissamik avatangiiseqartoq inuttut suliatigullu ineriartornissamut periarfissalik

·Atuarfeqarfimmi atorfik pissanganartoq, matumanilu meeqqat atuarfiat pillugu inatsit atuuttoq aallaavigalugu perorsaanikkut ineriartortitsinissaq pingaartinneqartoq kommunimilu atuarfeqarneq politikkikkut pingaartinneqartoq

·Sulisut pikkorissut ineriartortitserusuttullu

·Takorluukkanik ineriartortitsinissamut periarfissat pitsaasut

Atuarfik Hans Lynge Nuup illoqarfiata qinnguani, Qinngutsinni inissisimavoq. Atuarfik pinngortitami kusanartumi qaqqalimmi, kuulimmi tasilimmilu inissisimavoq. Atuarfik Hans Lynge atuarfiuvoq nutaaliaasoq 2011-mi atualernermi atulersinneqartoq. Atuarfik atuartitsivinnik kiisalu pequtinik nutaalianik aammalu qarasaasiatigut atortunik, soorlu Apple TV- aamma iPads-inik peqarpoq.

Atuarfimmi 1. - 10. klassiupput. Massakkut atuartut 504-upput ilinniartitsisullu 48-ullutik.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Riikki Grønvold, oqarasuaat +299 36 73 03 imaluunniit e-mail: rigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 464-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 28.-at, 2025

Atorfik una qinnuteqarfigiuk