Avannaani Ilinniarnertuunngorniarfimmi TNI-mi allaffissornermi ilinniartoq
Avannaani Ilinniarnertuunngorniarfimmi TNI-mi allaffissornermi ilinniartoq
Ilinniartumik pissarsiorpugut, TNI aqqutigalugu ilinnialertussamik ilinniartussarsiorpugut. Taannalu aallartissaaq 1. august 2024. Suliffimmi sungiusarneq Aasianni Avannaanni Ilinniarnertuunngorniarfiup allaffiani pissaaq, Atuarfimmilu sulisunullu ilanngunneqassaatit aammalu atuarfiup immikkoortortaqarfiini, immikkoortunilu allani sulisunik suleqateqassaatit.
Naatsorsuutigaarput pingaartillugulu nammineersinnaassuseqassasutit, allaffimmi suliassanut tungasunik sulisinnaassasutit aammalu annikitsunik sullisinermut, missingersuutit aammalu aningaasaqarneq kiisalu attaveqaqatigiinnermi suliasat suliarissavatit, tassani suliassatigut inuttullu ineriartussaatit.
inuttut ilinniartutut imaassaatit
Nammineerlutit suliassat suliarisinnaassavatit allanillu suleqateqarlutit
Alapernaatsuussaatit tunuarsimaarnallu aperisinaallutit
It-mut pitsaasunik piginnaaneqassaatit
Qiimasuusaatit, sullissilluarsinnaallutillu
Makkua neqeroorutigaagut
Ilinniarniartutut suliffik sungiusarfik ilinniartoqarfimmi alliartortumi
Suliassatigut inuttullu ineriartornissamik periarfissalik
Suliassat pissanganartut aammalu periarfissalik sulisunik sulilluartunik, pilersitsinissamik ineriartortitsilluartunik ilaassallutit.
Sulisunut pitsaaqutit soorlu assersuutigalugu timigissartarfimmiittarnissaq aamma qaannamik sisoraatinillu attartorsinnaaneq
Annertunerusumillu paasisaqarusukkuit Kontorleder Magseranguaq S. Albinus, oqarasuaat 89 49 05 imaluunniit e-mail magseranguaq@gux-aasiaat.gl atorlugit saaffigineqarsinnaavoq.
Qinnuteqarfissaq kingulleq 14. juni 2024
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job