Campus Kujalleq Qaqortoq, takornarialerinermut immikkoortortaqarfik ilinniagaqartunut pisortamik pissarsiorpoq
Campus Kujalleq Qaqortoq takornarialerinermut immikkoortortaqarfik ilinniagaqartunut pisortamik pissarsiorpoq. Ilinniagaqartunut pisortap atuarfiup takornarialerissunngorniarluni ilinnartitaaneq akisussaaffigaa kiisalu ilinniartitsisut ilinniagaqarfinnut assiginngitsunut 10 -usunut Kiffartuussinermi økonomitut-, Issittumi takornarialerisutut-, kiisalu Adventure Guidemut agguataarneqarsimapput.
Kiffartuussinermi økonomitut ilinniarneq ukiut 2 ½ -llu sivikitsigaluni ingerlaqqiffiusuuvoq, guide-tulli ilinniarnerit naatsupput inuussutissarsiutigineqalersussatut ilinniarfissat, tamarmik qaammatit arfinilingajaat sivisussuseqarput.
Atorfininnissaq oktoberip aallartinnerani isumaqatigiisuteqarnikkulluunniit pisinnaavoq.
Takornarialerinermut ilinniagaqarfiit saniatigut pikkorissaanermut immikkoortortaqarfik Campus Kujallermi pigineqarpoq, takornarialerineq, guidetut - guidetullu ilitsersuinissamut pikkorissaanerit Kalallit Nunaat tamakkerlugu ingerlanneqartarput. Taamaattumik ilinniagaqartunut pisortap atuarfiup pikkorissaanermut immikkoortortaqarfia qanimut suleqatigissavaa amma pikkorissaassutissanik suleqataasassaaq sammineqartup iluani inuiaqatigiit takornarialerisullu pisariaqartitaat matussusertussaallugit.
Campus Kujalleq pillugu annertunerusumik paasissutissanik aallersinnaavutit ugguuna cak.gl -imi
Ilinniagaqartut amerlanersaat Campus Kujallermi kollegiani najugaqartiterput.
Uagutsinnut soqutiginaateqassaatit:
issittumi aamma Kalaallit Nunaanni takornarialerineq pillugu ilisimasaqaruit taassuma iluani Hospitality - kiisalu takornarialerinermut tunngasut
kandidatitut assingusumilluunniit naleqqutumik ilinniagaqarsimaguit
ilinniartitaanermi ingerlatseriaaseq soqutigisarigukku aammalu takornarialerinermik ilinniartitaaneq piumassuseqarlutit piginnaaneqarlutillu ineriartortitseqataaffigigukku
suleqatinut ilinniagalinnullu akuersaartumik pissuseqaruit
Una piumasaqaataanngilaq iluaqutaassaarli:
aqutsinermik misilittagaqarneq
ilinniartitsinermik misilittagaqarneq ass. fag-ini takornarialerinermut tunngassuteqartuni
Ilinni soqutiginaateqassuugut:
suleqatigiisitaarnerit ikitsukkuutaat kajumiginerugukkit, tassa tamat kivitseqataanissaat pinngitsoorsinnaanngilarput
avatangiisini kusanaqisumi nunatsinni ilinniagaqarfiusup ingerlateqqinneqarnera peqataaffigissallugu kissaatigigukku
kissaatiginerugukku sulininni inuttut kiffaanngissuseqarnerunissat akisussaassuseqarlutit
suleqatit ikiuukkumatuut suleqatiginissai kissaatigigukku.
pinngortitami kusanaqisumi najugaqarusukkuit, qaqqani angalaartarneq, immakkut angalaneq aalisariartarnerillu periarfissaralugit, kissaatigigukkit
Ilinniarfik pillugu
Campus Kujalleq Qaqortumi pingaarnernik pingasunik immmikkoortortaqarfeqarpoq: GUX tallimanik sanguffissaqarpoq ingerlaqqiffissanik, inuussutissarsiutinut tunngasoq immikkoortortaqarfik, ilinniartitaanerit iluaniipput, pisiniartitsisoq - allaffissorneq kiisalu KVU-p takornarialerinermut immikkoortortaqarfia Sullissinermut økonomitut-, Issittumi Guidetut aamma Adventure Guide -tut ilinniarfiit.
Campus Kujalleq 30 -it missiliorlugit ilinniartitsisoqarpoq kiisalu sulisut 30 -t allanik suliallit, katillugit 300 missiliorlugit ilinniartuuteqarpoq.
Akissarsiatigut atorfinitsitaanermilu atugassarititaasut
Atorfimmut tunngasoq aaliangersagaq immikkoortiternerani/akissarsiaq aaliangersagaq imaappoq, akissaateqarfik 36 -iuvoq.
Akissarsiassaq aaliangersimareersut ilanngunnerini akissaateqarfimmi 36 -imi ippoq 1. april 2022 qaammammut Kr. 50.291,31 ukiumullu Kr. 603.496,00.
Aallaaviusumik suliffissap sivisussusissaa sapaatip akunneranut akunnerit 40 -uupput aamma aningaasat nammineq ukiumut atugassat aaliangersarneqareerput 320 -t ukiup kvartaliani 80 aammalu sulinermi aannaasaqaatit pillugit aaliangersagaq atuutsinneqassanngilaq.
Qinnuteqarfissaq ulloq sisamanngorneq 29. august 2024 nal. 12:00 kalaallit nalunaaqutaat uge 38 -imi malillugu.
Sui annertunerusumik paasisaqarusukkuit tikilluaqquneqarputit pisortap tullersortaanut Jonbert Davidsen -imut e-mail jd@cak.gl – mob. +299 23 93 49 -imut saaffiginnillutit.
Qinnuteqaativit tigunissaanut qilanaalereerpgut. Eqqaamallugu ilinniarsimanermut, suliffeqarsimanermullu CV uppernarsaatit ilanngunissai.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.