CNS-tekniker til Kangerlussuaq
Teknikeriuit, elektronikmekanikeriuit imaluunniit fagtekniker, IT-teknolog/ elektronikteknikeriuit pisunilu najummatsisimanartuni ataatsimut isiginnissinnaassusermik attassisinnaavit? Tamatumunngalu ilutigitillugu isumassanik ulikkaarpit ajornartorsiutinillu nammineerlutit aaqqiisinnaallutit? Taava imaassinnaavoq illit tassaasutit Kangerlussuarmi CNS-imi suleqatissarput (Communication, Navigation & Surveillance).
Kikkuuvugut?
Greenland Airport A/S-mi CNS-imut immikkoortortaqarfik Nuummi Kangerlussuarmi Ilulissanilu inissisimasunik pingasunik sannaveqarpoq.
Maannakkuugallartoq sulisut arfineq pingasuuvugut, teletekinerit arfineq marluk ittorlu ataaseq. Suliffeqarfik tamakkerlugu pitsaasumik ataqatigiippugut suleqatigiillutalu. Sulineq suliassat tungaatigut inuttullu unamminnernarpoq.
Greenland Airport A/S suluusalinnut mittarfiini 13-ini qulimiguulinnullu mittarfiini ataasiusumi CNS-imut atortut qularnaatsumik sunniuteqarluartumillu ingerlanissaasa isumaginissaat immikkoortortaqarfiup ICAO-ip Trafik-, Bygge og Boligstyrelsep aalajangersagai eqquutsillugit pingaarnertut suliassarai, taamaasilluta sukkulluunniit Nunatsinni isumannaatsumik silaannakkut ingerlatsisinnaaqqulluta.
Suliassatit
Teknikeritut suliassatit immikkoortortani marlunni tamani makkuusapput:
- CNS-imut atortunik ingerlatsinermut peqataaneq nutarterinerlu
- CNS-imut atortunik/systeminik nutaanik ikkussuinermut peqataaneq atuutilersitsinerlu
- Mittarfinni atortut, soorlu assersuutigalugu sumiissusersiutit, milernermi sumiissusersiutit, raadarit, VHF-imik nassitsissutit/tigooraaviit atortut allallu napasuliani atortut kallerup innitortut sunik ajoquteqarnerannik paasiniaaneq aamma iluarsaassineq
- Suliassanik isumaginninnermut atatillugu angalasariaqarpoq
Piginnaasatit
Immikkoortortarfinni marlunni tamani atorfimmut piukkunneqartoq eqqortoq attuumassuteqartumik ilinniagaqarpoq, soorlu assersuutigalugu:
- Teknikeriuit,elektronikmekanikeriuit/fagtekniker, IT-teknolog/ elektronikteknikeriuit
- CNS-imik suliaqarnermi avatangiisit ilisimaarinissaat soorunami iluaqutaassaaq
- VHF-imik aallakaatitsissutinik/tigooraassutinik, HF-teknikimik aallakaatitsinermilu aqqutinik misilittagaqarneq
- Danskisut/tuluttut oqalussinnaaneq aamma allassinnaaneq
- Nalinginnaasumik biilersinnaanermut allagartaqarneq
Atorfinitsitaanermi atugassarititaasut
Akissarsiat atorfinitsitaanermilu atugassarititaasut kattuffimmut isumaqatigiissuteqarfigisimasamut isumaqatigiissut naapertorlugu pissapput.
- Kangerlussuarmi atorfinitsitaaneq
- Piffissaq suliffiusoq sapaatip akunneranut 40 tiiminik sivisussuseqarpoq
- Periarfissaavoq sumiiffinni pingasuusuni nuuttarsinnaanissaq
- Piaarnerpaamik isumaqatigiissuteqarnikkulluunniit atorfininneq
- Initaqartinneqarneq maleruagasst atuutit malillugit
- Sillimaniarnikkut akuerineqarneq:
ID-kort - Kinaassutsimut uppernarsaat:
Atorfinissaguit, piumasaqaataavoq, kinaassutsimik uppernarsaammik ID-kort´imik akuerisaanissat, mittarfeqarfiup immikkoortuani matoqqasortaani isersimanissat akuerineqarnissaa eqqarsaatigalugu.
Piffissaq atorfeqarfiusoq tamaat akuerisaasariaqarpoq.
Tamanna pissutigalugu aallarniutaasumik pillagaasimanerup allagartaa ilanngullugu nassiutissavat.
Paasisaqarnerugit
Atorfik pillugu apeqqutissaqaruit ukua attavigisinnaavatit: CNS-imut pisortaq Niels Erik Petersen email-mut niep@mit.gl imaluunniit tlf. +299 59 12 79, oqaloqatigiinnerit ataavartumik ingerlassapput.
Apeqqutit nalinginnaanerusut Sulisoqarnermut Immikkoortortaqarfimmut uunga apeqqutigineqarsinnaapput: hr@mit.gl.
Aamma uani Greenland A/S pillugu paasissutissanik sukumiinerusunik pissarsisinnaavutit: www.mit.gl
Qinnuteqaat
Qinnuteqaativit, inuuninni sulerisimaninnik allattorsimaffiup kiisalu ilinniarsimaninnut uppernarsaativit kingusinnerpaamik 1. juli 2024 tigunissaat qilanaaraarput. Atorfinitsitsiniarnermi ingerlaavartumik oqaloqatigiinnerit ingerlanneqassapput.
Greenland Airport A/S, Nunatsinni suluusalinnut mittarfiit 13-it qulimiguulinnullu mittarfiit 43-rut ingerlatarai. Sulisut 450-it missaanniilluta Nunatsinni suliffeqarfiit anginerpaartaannut ilaavugut, sulisutta niuerutittalu ineriartortittuarnissaat sulissutigiuarparput. Taamaasilluta kiffartuussinerit ilinniarnerillu arlallit neqeroorutigisarpagut, taamaasillutalu inuiaqatigiinni ineriartornermut pitsaasumik tunniussisinnaalersarpugut.
Qinnuteqarnissamut killissarititaasoq: juulip 1.-at, 2024