Digitalinngortitsinermut Aqutsisoqarfik suliniutinut aqutsisumik misigisassarsiorusuttumik alapernaatsumillu pissarsiorpoq

Tassaavit inuk qiimaatigaluni  – aamma pilersaarut allanngoraangat - suliniutinik aqutsisinnaasoq ? IT-p silarsuaani paatsiveerunnak sumiissusersisinnaavit, immaqalu Nuummi nuannersumi qilammilu ulloriaqartumi tamaasa suliarerusullugit?

Taava illiussaaq ujagarput!

Kikkuuvugut?

Digitalinngortitsinermut Aqutsisoqarfik inuiaqatigiit kalaallit digitalikkut siunissami isumannaatsuunissaannut tikkuussisuuvoq aamma digitalikkut aaqqiissutit isumannaatsuunissaannut, assigiissarneqarnissaannut inerisarneqarnissaannullu siuttuulluni. Digitalinngortitsinermut Aqutsisoqarfimmi Kalaallit Nunaata digitalinngorsarnissaanik, Namminersorlutillu Oqartussat IT-qarneratigut ingerlatsineq suliaraavut.

Taamaalilluni IT-mik attaveqaatitsinni innuttaasunut namminneq imminnut sullinnissaannut aaqqiissutinik allannguinernik ingerlatsillutalu suliarisarpagut, taamaalillunilu suliassat assigiinngiiaartuussapput.

Aqutsisoqarfimmi suleqatigiit 30-t missaanniippugut, suleqatigiiginnanngilagut, aammali suliassaqarfiit assigiinngitsut aqqusaarlugit ikioqatigiittarluta.

Suleqatissarput tassaassaaq:

• Pitsaasumik isumaqarluni sulisoq
• Suleqatigiillaqqissoq – inunnik ilisarisimasannik sulilu inunnik naapissimanngisannik 
• Piumassuseqarluartoq – aamma suliassat naammassisassat amerliartoraluarpataluunniit
• Suliniutinik aqutsinermik immaqa misilittagalik – ajornanngippat IT-p silarsuaani, ammavugulli • Nutaamik ilinniarusuttoq inunnillu nutaanik naapitserusuttoq

Kalaallit Nunaat ilisarisimanngikkukku

• Inuit inussiarnersuupput ikiuukkumatuujullutillu 
• Kikkut tamarmik iluatsinniassammata ikioqatigiittarpugut – aamma suliffimmi

Suliassatit ilaatigut tassaapput:

• Naalakkersuisut tamakkerlugit suliniutinik aqutsineq 
• Nuna tamakkerlugu suliffeqarfiullu iluani IT-mik suliniutit aqunnissaat ataqatigiissarnissaallu akisussaaffigissavatit
• Suliniutit suliassartaannik misissueqqissaarneq, pilersaarusiorneq ataqatigiissaarinninnerlu 
• Atortunik sullississutinillu pitsanngorsaaneq Suleqatinik avataaniillu siunnersortinik suleqateqarneq Aamma - uppernarsaasersuineq

Naatsorsuutigaarput:

• Aaqqissuussaaneq uppernarsaasersuinerlu akeqqatut isiginagit kammaginerugitit
• Suleqatigiinni assigiinngitsunik sulialinni suleqateqarsinnaasutit tamakkiisumillu isiginnissinnaasutit
• Paasiuminaatsut paasiuminartunngorlugit oqaasertalersuisinnaasutit
• Suleqatinut periusissiatigullu anguniakkanut tunniusimasutit
• Ajornanngippat kalaallisut, danskisut tuluttullu allallutillu oqalussinnaasutit

Suliniuteqarnermut periutsit soorlu Prince2 ITIL-iluunniit misilittagaqarfiginngikkukkit nalorneqinak – kajungissuseqaruit piginnaasatit amerlanerulersissallugit ikiorusuppatsigit.

Neqeroorutigaavut

• Suliffeqarfimmi ineriartorneq  – sulinermi inuttullu – ulluinnarni ilaatillugit 
• Suleqatit suliassamik ataatsimoornermillu pimoorussisut

Akissarsiat atorfeqarnermilu atugassarititaasut

Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.

Ineqarneq

Atorfimmut atasumik inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Qinnuteqaat oqaloqatiginninnissallu

Qinnuteqarnissamut killigititaq: 21. Septembari 2026. Ingerlaavartumik oqaloqatiginninnerit ingerlatissavagut, naleqquttumillu nassaariarutta atorfinitsitsissalluta. Piaarnerpaamik atorfinitsitsineq – kisianni ukiorsiutissatit poortoqqaartariaqassagukkit utaqqisinnaakuttoorpatsigit.

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut.

Annertunerusumik paasisaqarusuppit?

Atorfik pillugu paasissutissat sukumiinerusut IT-eqarnermut pisortamut Nicolai Ramskov Galamba-mut saaffiginnilluni pissarsiarineqarsinnaapput, oqarasuaammut +299 48 21 21, e-mail: nrg@nanoq.gl

Naalakkersuisut pillugit

Unammilligassanik ujartuiguit aamma sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.

Akisussaaffeqarusunnerunissaq aamma suliatigut piginnaaneqarnissaq, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnat ilusilersornissaannut piginnaaneqarnissat sulianillu ilisimasaqartuunissat pingaartipparput.

Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassai tassaapput, Naalakkersuisut aalajangernissaannut tutsuiginartumik tunngavissinnissaat aamma naalakkersuinikkut aalajangikkat piviusunngortinnissaasa qulakkeernissaat.

Namminersorlutik Oqartussat pillugit annertunerusumik atuagaqarsinnaavutit, uani: http://www.naalakkersuisut.gl