Facilities-imut ingeniøri

Nunarput tamakkerlugu Tusass-ip illuutaani atortorissaarutaanilu ingerlatsinermik, aserfallatsaaliuinermik suliassanillu suliaqarusuppit?

Facilities-imi Nunarput tamakkerlugu najugaqarfinni illup iluani silamilu illuutitta ulluinnarni atorneqarneranni ineriartortinneqarnerannilu teknikkikkut atituumik atuuffeqartussamik ingeniørissarsiorpugut.

Atorfik pillugu

Facilities-imi ingeniøritut ingerlatsinermi aserfallatsaaliuinermilu nammineq sulianut akisussaasuussaatit ilutigisaanillu peqataaffigissallugit iluarsartuusseqqinnermi ineriartortitsinermilu suliniutit.

Suliassatit pingaarnerit ilaatigut makkuussapput:

• Sineriak tamakkerlugu ingerlatsinermi aserfallatsaaliuinermilu suliassanik ataqatigiissaarineq

• Teknikkikkut suliassanik nukingernartunik aqutsineq

• Aserfallatsaaliuinermi pilersaarusiorneq malinnaatitsinerlu

• Sulisartunik, sanaartortitsisunik pilersuisunillu nakkutilliineq

• Kiffartuussinermik isumaqatigiissutinik sanaartortitsinermilu isumaqatigiissutinik annikinnerusunik aqutsineq

• Iluarsartuussinermi, nukissiornermi ineriartortitsinermilu suliniutinut peqataaneq

• Neqeroortitsinernik naliliinernillu suliaqarneq

• Nammineq suliassanut missingersuutinik, missiliuinernik aningaasartuutinillu malinnaatitsinernik suliaqarneq

• Facilities-imi sulianik ingerlatsinermi aserfallatsaaliuinermilu pilersaarutinik ineriartortitsinissamut tapersiisarnissaq

Project Operations, AX, Power BI, Dalux aamma MS365 sulininni atortartussaavatit.

Ujartorpatsigit illit …

Teknikkimi ingeniøritut, illuliornermi konstruktøritut assigisaatulluunniit ilinniagaqarsimasutit.

Illuutinik, teknikkikkut atortulersuinermik, ingerlatsinermik, aserfallatsaaliuinermik suliassanillu suliaqarnermik misilittagaqaruit iluaqutaassaaq.

Namminersorsinnaasuuvutit aaqqissugaasumillu sulisarlutit, aaqqiissutissarsiortuuvutit nukingernartunillu suliassaqaleraangat toqqissisimallutit suliaqarsinnaallutit.

Nunatsinni angalasarsinnaanissaq naatsorsuutigineqassaaq.

Neqeroorutissaraagut

Atorfik nikerartorujussuarnik suliassaqarfiusoq, nammineq akisussaaffeqarfiusoq kiisalu ingerlatsinermik, aserfallatsaaliuinermik suliassanillu suliaqarnissamik periarfissiisoq.

Facilities-ip atuuffiani ineriartortitsineq peqataaffigilissavat, illuutinillu aamma atortussanik siunissami qanoq suliaqarnissaq sunniuteqarfigisinnaanngussallugu.

Akissarsiat atorfininnermilu atugassarititaasut isumaqatigiissut atuuttoq malillugu ingerlanneqassapput imaluunniit immikkut isumaqatigiissuteqarnikkut, tassani piginnaasatit misilittakkatillu aalajangiisuussallutik.

Qinnuteqartitsinerup ingerlarnga

Qinnuteqarniaruit Tusassip nittartagaani Atorfinnut inuttassarsiuivimmi CV-t qinnuteqaatillu nassiussavatit, uani: https://www.tusass.gl/atorfiit/

Qinnuteqaatit e-mailikkut nassiussat tiguneq ajorpagut.

Qinnuteqaatit nassiunneqartut ataavartumik suliarisarpagut oqaloqateqarnerillu aamma ataavartumik ingerlattarlutigit. Atorfik inuttalerneqassaaq qinnuteqartoq piukkunnartoq nassaarineqarpat.

Atorfik pillugu paasisaqarnerorusukkuit Facilities-imi pisortaq Hans Ulrik Skifte attavigisinnaavat uunga sianerfigalugu +299 38 94 36-mut imaluunniit allaffigalugu hus@tusass.gl.

Tusass pillugu

Tusass suliffeqarfiuvoq Nunatsinni oqarasuaateqarnikkut attaveqaqatigiinnermi allakkerinermilu suliaqartoq, Nuummilu qullersaqarfia inissisimalluni. Inuit, Suliffeqarfiit, inoqarfiillu attavilersorpagut, oqarasuaatitigut, internetikkut, allakkisarnermi, assartuinermilu ataqatigiissaarinikkut – inoqarfiillu tamaasa attaveqaqatigiinnermut kabelimik, radiokkut, qaammataasakkullu attavilersuisuulluni.

Nuna tamakkerlugu sulisut 350-it missaaniipput, taakkulu inuiaqatigiinni ulluinnarni ineriartortitsinermilu pisariaqartitanik attaveqaasersuinermi assigiinngitsutigut suliaqartuullutik.

Ukiumi 2025-mi suliffeqarfiup 100-liinera nalliuttorsiutigaarput, taamaattorli ukiumi 2021-imiilli kisiat Tusass atitut atulersimallugu. Aqqiup taassumap anguniakkagut ersersitarai: Attaveqarneq – teknologikkut inunnullu.