GUX Aasiaat marlunnik perorsaasunik qanilaartunik aaqqissuussillaqqissunillu
GUX Aasiaat marlunnik perorsaasunik qanilaartunik aaqqissuussillaqqissunillu
GUX Aasiaat kolligie-ni inuusuttunik ineqartunik marlunnik sullissisussanik perorsaasunik, inunnik isumanginninnermik ikiortinik misilittagalimmilluunniit pissarsiorpugut, atorfinitsitsinissamut ulloq 1. august 2024 immaqaluunniit isumaqatigiissusiortoqarneratigut. Ujaarisarput inuusuttunik aamma ilinniartutut inissisimanerannik ataqqinnilluni peqataaffigissavaa ilinniartut ulluinnarni ingerlanerat aaqqissuutissallugu, kiisalu sunngiffimminni inuuneqarneranni pilersitsiartoqataassalluni tamakkulu inuusuttut ilinniagaannut ajunngitsumik ataqatigiissinneqassallutik.
Inuusuttut kollegiani najugaqartut Kalaallit Nunaata kitaani Avannaanit tamaneersuupput taamaattumillu naliginnaasuuvoq taakku aallaavigigaat ilaquttatik aamma ikinngutitik ungasissumiittut qimassimagaat. Taamaattumik ulluinnarni maqaasineq angerlarsernerlu atugaavoq.
Taamaattumik ilinniarnertuunngorniarfiup kollegie-nut atasunik kollegie-ni perorsaasunik arlalinnik peqarpoq, taakku inuusuttut ulluinnarni inuunerminnik aaqqissuussinerannut peqataapput ilaatigullu, ataasiakkaat ilaquttaminnut ikinngutiminnullu maqaasinerannut iluaqutaasarlutik.
Akuttunngitsumik arlalinnik inuusuttoqarpoq ullaakkut makinnissaminnik ajornartorsiuteqartartunik, inuusuttoqarsinnaavoq peqqinnartunik nerisaqarnerup pingaaruteqarneranik takunnissinnaanngitsunik kiisalu inuussuttoqarsinnaavoq unnukkut innarnissaminnut paarinninngitsunik qarasaasiakkut pinnguarneq sininnissamit nuannernerummat. Taamatuttaaq inuusuttoqarpoq ilinniagassanik ilinniarnissaq nalinginnaasumik ulluinnarmut ilaasussatut soqutiginninngittunik.
Suleqatissatut nutaatut sulisut pingasut suleqatigilissavatit, perorsaasutut ilinniarsimasut imaluunniit assingusumik tunngaveqartut toqqaannartumik suleqatigilissavatit. Tamatuma saniatigut arlaatigut annertussusilimmi atuarfimmi ilinniartitsisut aamma sulisut allat suleqatigisassavatit.
Matuma siuliani pineqartut ilinnut soqutiginarpata tunngavilersuilluni qinnuteqaammik perusupput, tassani illit allaaserissavatit ilinniakkat aamma misilittakkatit atorfimmi atorsinnaasatut ilanngunniakkatit. Tamatuttaaq qinnuteqaatinni ilanngutissavatit eqqarsaatersuutitit, illit qanoq iliorlutit suliassaq suliarissanerlugu inuusuttut nammineersinnaasutut inuttut – aamma inuusuttuaqqatut - ineriartortinnissaannut inissaqartitsinerlutit, tamatumunngalu ilutigitillugu inuusuttup ilinniarnermik, peqqilluni inuunermik aamma piviusumik (najukkami) inuiaqatigiinnut peqataanissaminut, qitiutitsinissaa qulakkiissallugu.
Kolligie-mi perorsaasutut sulisutut ilaatigut suliassaraatit:
Illit akisussaaffigilikkatit kollegie-ni najugaqartut ullut tamaasa attaveqarfigisarnissaat
Kollegie-ni najugaqartunut ingerlatanik aallartitsisarneq aamma peqataasarneq
Atuarfimmi sulisunik allanik qanimut suleqateqarneq, ingammik ilinniarneq pillugu ilitsersuisunik aamma ilinniartunik siunnersuisunik
Eqqiluisaarnissaq pillugu aamma peqqinnartunik nalinginnaasumik nerisassiornissamut ilitsersuisinnaaneq
Isumagissallugu kollegiarmiut kollegiani maleruagassanik eqqortitsinissaat
Kollegie-ni perorsaasutut sulisut allat peqatigalugit unnuakkut aamma sapaatit akunnerisa naaneranni pigaartuusarnermut peqataaneq
Kollegie-mi imaluunniit tassunga qanittumi najugaqarnissaq taamaaliornikkut ingammik 1. g-mi ilinniartunik qanimut attaveqarsinnaallutit, taakku akuttunngitsumik 18-init inorlugit ukioqartarmata.
Uagut naatsorsuutigaarput
Tassa illit perorsaasutut ilinniagaqarsimasuusutit allamilluunniit inunnik isumaginninnermut tunngasumik ilinniagaqartuusutit perorsaanermik suliaqarnermik misilittagaqarlutit
Tassa illit suleqatigiilluarsinnaassuseqarluartuusutit kiisalu kollegiami perorsaasut aamma ilinniartitsisut, ilinniartunik siunnersuisartut aamma ilinniarneq pillugu ilitsersuisut akornanni suleqatigiinni suleqataasinnaasutit
Tassa illit sungiussiasuusutit piffissani suliffiusuni allanngorartuni sulisarsinnaassallutit suliassallu assigiinngissitaartunik suliaqartarsinnaassallutit
Tassa illit attaveqaqatigiinnermut pikkorissuseqartuusutut aamma perorsaanermut tunngasunik suliaqarnissamut akuerinnittuullutit
Tassa illit akisussaassuseqartuusutit kollegianilu najugaqartunut maligassiuisinnaasuullutit
Tassa illit namminersorsinnaassuseqartutit pilersaarusiortuullutillu
Tassa illit inuusuttunik 15-init 25-nut ukiulinnik sullissinissamik piumassuseqartuusutit
Tassa illit misigittartuusutit aamma kollegiarmiunik oqaloqatiginnissinnaallutit
Tassa illit qiimasuusutit aamma qanilaartuullutit
Uagut neqeroorutigaavut
Suleqatit aallussilluartut aamma suliatigut nukittuut
Annertuumik akisussaaffeqarnissamik aamma nammineerluni suliassaqarneq
Pædagogikkimut tunngasunik kollegie-minik iliuuseqartitsinissamut annertuumik kiffaanngissuseqarluni ineriartortitsinissaq
Suliassat ajunngitsorsiassat soorlu timigissartarfimmut isersinnaaneq, qajanik attartorneq, kiisalu ataarutinik attartorneq
Atorfimmut atatillugu paasissutissat sukumiinerusut kollegiani aqutsisoq Karl Jørgen Geisler geisler@gux-aasiaat.gl imaluunniit telefonikkut +299 24 49 05-imut saaffiginninnikkut pissarsiarineqarsinnaapput.
Kingusinnerpaamik qinnuteqaateqarfissaq 14. juni 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job