GUX Nuuk datateknikerimik ujaasivoq
GUX Nuummi 1. august 2024 aallarnerfigalugu imaluunniit tamatuma kinguninnguatigut datateknikeritut atorfik inuttassarsiorneqarpoq. Atorfik pineqartoq tassaavoq sapaatit akunnerani nal. akunnerini 40-ni suliffiusussaq.
GUX Nuuk tassaavoq Kalaallit Nunaanni ilinniarnertuunngorniarfiit anginersaat ukiumi atuarfiusumi nutaami atuartut 500 missaanniissapput, ukiumut atuaqatigiinni pingasuusuni ilinniakkat arfineq pingasuullutik, ilinniartitsisut 50 missaanniipput kiisalu PAM-it 15-it missaanniillutik. Atuartuutivut ilinniarnermini aamma inuttut atugassarititaasutigut assigiinngitsunik tunngaveqarput, kisianni takorluugaat ataasiuvoq tassa ilinniarnertuunngorusunneq.
Atuarfimmut atasumik arlalinnik kollegiaqarpoq aamma ilinniarnertuunngorniartut aggerfiat tassaavoq kangiani Tasiilamiit kitaani kujammut Paamiunut, taamaattorli atuartut amerlanersaat Nuummeersuupput. Atuarfimmi sulinitsinni tunngaviuvoq marluinnik oqaaseqartunut pædagogik aamma atuartitsineq kulturimik tunngaveqartoq, kiisalu atuartut atuarfiup ingerlaneranut qitiutinneqarlutik.
Datateknikerimik aalajaatsumik isumagissumik atuarfiup IT-mi atortuinik aalajaatsumik aamma isumannaatsumik qulakkeerinneqataasussamik pissarsiorpugut. Sulisoq tassaassaaq atuarfimmi atuartunut aamma sulisunut ikiuukkumatooq kiisalu aaqqissuussaasumik aamma sulisut sinneri aamma pisisarfivut avataaneersut qanimut suleqatigalugit nammineersinnaasumik suleriaaseqartoq.
Suleqatitaassatta attuumassuteqarfii annertussapput aamma suliarisartakkat assigiinngiiaartorpassuit suliassaassapput, taamaattumik pingaaruteqarpoq eqaatsuunissat aamma piffissamik atukkannik aaqqissuussilluarsinnaanerit, taamaalillutik suliassat inerlugit naammassineqartassammata.
Suliassatit pingaarnerit tassaassapput:
Atuarfiup IT-mut atortuinik ingerlatsineq, pitsanngorsaaneq aanna aserfallatsaaliuineq
Pilersaarusiorneq aamma qarasaasiat aqqutaannik (netværk) atuutilersitsineq nutarterineq aamma annertusaaneq
Pisiffigisartakkanik avataaneersunik atuarfiup IT-mut atortui, qarasaasiat aqqutaat aamma serveri pillugit attaveqateqartarneq
Atuarfiup IT-mut atortuisa, qarasaasiat aqqutaasa aamma softwaret ajoqutaannik nassaarinnittarneq aamma aaqqissuussineq
IT-mut tunngasunik ikiuisarneq, tassunga ilanngullugit ilitsersuutinik aamma ajoqersuutinik suliaqartarneq
Atuarfiup nittartagaanik nutarterisarneq sulisut sinneri suleqatigalugit
Suliassat tassanngaannaq takkuttartut.
Naatsorsuutigaarput illit:
datateknikeritut imaluunniit assingusumik inuussutissarsiornermut ilinniarfimmi ilinniarsimasoq
Lectio, Office365, Wiseflow, Clevertouch misilittagaqarfigalugit
soorlu assersuutigalugit Excel, Word ilisimasaqarfigilluarlugit kiisalu IT-mi atortunik amerlasuunik ulluinnarni passussisinnaasoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut Ilinniartitaanermut Aqutsisoq Maureen Hendrikximut telefon + 299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.
Oqaloqatiginnittarnerit ingerlaavartumik pisarput.
Qinnuteqaatit nassiuguk CV-t aamma soraarummeernermut uppernarsaatit ilanngullugit portali aqqutigalugu kingusinnerpaamik tallimanngornermi juulip ulluisa 19-ianni 2024.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.