GUX Nuuk ilinniagartuutut ilinniarsimasumik fuldmægtigitut sulisussamik pissarsiorpoq
GUX Nuummi allaffimmi 1. august 2024 aallarnerfigalugu imaluunniit tamatuma kinguninnguatigut ilinniagartuutut fuldmægtigitut atorfik inuttassarsiorneqarpoq. Atorfik pineqartoq tassaavoq sapaatit akunnerani nal. akunnerini 40-ni suliffiusussaq.
GUX Nuuk tassaavoq Kalaallit Nunaanni ilinniarnertuunngorniarfiit anginersaat ukiumi atuarfiusumi nutaami atuartut 500 missaanniissapput, ukiumut atuaqatigiinni pingasuusuni ilinniakkat arfineq pingasuullutik, ilinniartitsisut 50 missaanniipput kiisalu PAM-it 15-it missaanniillutik. Atuartuutivut ilinniarnermini aamma inuttut atugassarititaasutigut assigiinngitsunik tunngaveqarput, kisianni takorluugaat ataasiuvoq tassa ilinniarnertuunngorusunneq.
Atuarfimmut atasumik arlalinnik kollegiaqarpoq aamma ilinniarnertuunngorniartut aggerfiat tassaavoq kangiani Tasiilamiit kitaani kujammut Paamiunut, taamaattorli atuartut amerlanersaat Nuummeersuupput. Atuarfimmi sulinitsinni tunngaviuvoq marluinnik oqaaseqartunut pædagogik aamma atuartitsineq kulturimik tunngaveqartoq, kiisalu atuartut atuarfiup ingerlaneranut qitiutinneqarlutik.
Fuldmægtigimik aalajaatsumik isumagissumik ulluni ilaatigut ulapiffiusartuni tamatigoortumik isiginnissinnaasumik pissarsiorpugut. Sulisoq tassaassaaq atuarfimmi atuartunut aamma sulisunut ikiuukkumatooq kiisalu aaqqissuussaasumik aamma sulisut sinneri qanimut suleqatigalugit nammineersinnaasumik suleriaaseqartoq.
Suleqatitaassatta attuumassuteqarfii annertussapput aamma suliarisartakkat assigiinngiiaartorpassuit suliassaassapput, taamaattumik pingaaruteqarpoq eqaatsuunissat aamma piffissamik atukkannik aaqqissuussilluarsinnaanerit, taamaalillutik suliassat inerlugit naammassineqartassammata.
Suliassatit pingaarnerit allaffimmi sulisut sinneri suleqatigalugit tassaassapput:
Atuarfiup aningaasaqarnermut aqutsissutaanik suliaqarneq, tassunnga ilanngullugit IRIS aanna atuarfiup pisiarisartagaanik aqutsineq
Atuarfiup aqutsisuinik suliassanik HR-imut tunngasunik ikiuisarneq
Atuarfimmi soraarummeertarnermut atatillugu pilersaarusiornerni allaffissornikkut suliaqarneq aamma - ingerlatsineq
Atuartut, sulisut aamma avataaneersut saaffiginnissutaannik tigusisarneq telefonikkut aamma mailikkut
Suliassanik atuartunut tunngasunik suliaqartarneq, ilanngullugit atualertitsinermi, atuarunnaarnermi aamma atuarunnaarnaversaartitsineq
Kollegiani isumaqatigiissutinik isumaginninneq
Atuartut aamma atorfillit angalanissaannik inniminniisarneq
Allakkanik agguaaneq
Salto matuersaatinik tunniussisarneq aamma programiliorneq
Akissarsialerineq, ingammik sulisunut nal. akunnermusialinnut aamma avataaneersunut
Suliassat tassanngaannaq takkuttartut.
Naatsorsuutigaarput illit:
Akademikeritut ilinniagaqartoq (aningaasarsiorneq aamma isumalluutinik aqutsinermi)
allaffissornermi suliassanik assingusunik misilittagaqartoq
Excel-imik, Word-imik atuinermik sungiussisimasoq kiisalu IT-mi atortunik assigiinngitsunik amerlasuunik ulluinnarni atuisinnaavoq, tamanna pisariaqarpat taakkuninnga atuinermut ilinniartitsissaagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut Ilinniartitaanermut Aqutsisoq Maureen Hendrikximut telefon + 299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.
Oqaloqatiginnittarnerit ingerlaavartumik pisarput.
Qinnuteqaatit nassiuguk CV-t aamma soraarummeernermut uppernarsaatit ilanngullugit portali aqqutigalugu kingusinnerpaamik tallimanngornermi juulip ulluisa 19-ianni 2024.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.