GUX Nuuk ilinniartitsisunik pissarsiorpoq

GUX Nuuk ilinniarnertuunngorniarfimmi ilinniartitsisunik fagini tuluttut, qallunaatut, matematikkimi, biologimi aammalu pinngortitalerinermi (science) ilinniartitsisussarsiorpoq, kingusinnerpaamik 15. novembari imaluunniit isumaqatigiissuteqarneq tunngavigalugu atorfinittussamik. Atorfik aalajangersimasumik atorfiuvoq, kisianni ataasiakkaani piffissamut killilerlugu isumaqatigiissutaasinnaavoq. Piukkunnaatillit fagini marlunni imaluunniit arlalinnit ilinniartitsisinnaasut piumaneqarput.

GUX Nuuk Kalaallit Nunaanni ilinniarnertuunngorniarfiit annersaraat, ukiumilu atuartitsiffiusumik nutaami atuartut 500 miss. toqqagassani arfineq marluusuni ukiuni pingasuni ingerlanneqartartuni atuartussaapput, ilinniartitsisunit 55-it missaanniittunik atuartinneqartussat. Taamatuttaaq atuarfimmi atorfillit PAM 15-it missaanniittut sulisorineqarput. Atuartuutivut ilinniakkatigut aamma inuttut atugarisatigut assigiinngilluinnartunik tunuliaqutaqarput, anguniagarli tamanut ataasiinnaalluni, tassalu ilinniarnertuunngornissaq.

Atuarfimmut atasumik atuartunut marlunnik kollegiaqarpoq, atuartuutivullu Kommuneqarfik Sermersuumit aggersuupput, tassa kangiani Tasiilamiit kitaani kujataani Paamiut ilanngullugu.

Atuarfimmi periuseq atugarput tassaavoq marluinnik oqaasilinnut pædagogik, kulturi tunngavigalugu atuartitsineq, atuartitsiutigaluni allattariarsorneq aamma atuartitsinermi piffissap atorluarnissaa, kiisalu atuartut qitiutillugit ingerlatsineq.

Ilinniartitsisussarsiorpugut aallussilluartunik allannguinissamut piareersimasunik aamma ulluinnarni toqqissisimasunik ataatsimoortumillu isiginnissinnaasunik.

Uagut naatsorsuutigaarput:

· Tassa illit kandidatitut imaluunniit assingusumik qaffasissusilimmik ilinniagaqartuusutit

· Tassa illit piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit

· Tassa illit suleqativit aamma aqutsisut qanimut suleqatiginissaat piareersimaffigigit, tassani qitiutippagut ulluinnarni unamminartut tunngavigalugit iliuuseqartarnissaq

· Tassa illit inoqatinnut akuersaartuullutit ileqqoqartuusutit, atuartut imaluunniit suleqatitit pineqarnersut apeqqutaatinnagu

· Tassa illit ilinniartitsinerit atuartunut ilikkarusussuseqalertitsilersinnaasoq, assigiinngiiaartuussasoq peqataalersitsissallunilu

· Iluaqutaassaaq pædagogikum ingerlassimagaanni aamma ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq.

Uagut neqeroorutigaavut:

· Ilinniarnertuunngorniarfik issittumi illoqarfiit pingaarnersaanni, tassani pinngortitaq aaamma illoqarfimmi inuuneq qitiutinneqarput

· Atuartitsinermi avatangiisit, tassani atuartut ilagalugit ulluinnaat attuumassuteqarnermik, inissaqartitsinermit aamma pisussaaffinni ilisarnaatillit

· Ilinniarnertuunngorniarfik suliatigut suli ineriartorfiusoq aamma suleqatigiit imminnut pitsaasumik ataqatigiiffigisaat

· Suliffimmi, siunnersorneqarnissaq, peqatissarsiorneq aamma ilitsersorneqarnissaq suleqatigisanit aamma aqutsisunit ingerlaannaq pisinnaavoq

· Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq

Una GUX Nuuk toorukku sukumiinerusumik takusinnaavatit ilinniarnertuunngorniarfimmi, illoqarfimmi aamma avataani qanittumi suut neqeroorutaasinnaanersut. Aammattaaq ingerlaqqiffissaq una takujuk: Iserasuaat tassaniipput ilinniakkani sammiviit, fagit, atuartitsineq, ilinniartitsisut pilersaarutaat aamma allarpassuit pillugit paasissutissat

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Isumaqatigiissut aamma atorfeqartitaanermi atugassarititaasut uani misissukkit: Flot overenskomstresultat i Grønland.

Qaammatit siulliit pingasut misilitsiffiupput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissanik sukumiinerusunik paasisaqarusukkuit ilinniartitaanermut aqutsisoq Maureen Hendrikx, oqarasuaat +299 256102 imaluunniit rektori Hanne Larsen, oqarasuaat +299 363396 attavigisinnaavatit.

Ingerlaavartumik oqaloqatiginninnerit ingerlanneqassapput.

Qinnuteqaatit paasissutissat ilinnut tunngasut (CV) aamma soraarummeersimanermut uppernarsaatit qinnuteqaasiorfissaq aqqutigalugu nassiuguk kingusinnerpaamik sisamanngorneq 30. oktoberi 2025.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk