HR-imi siunnersorti

HR-mi siunnersorti sulisunik sullissivimmut, sulisussarsiortarnermut & HR-mi sullissisunut

Ulloq allanngorartumik suliffiusoq nuannaraajuk, inunnik sullissillutit & ingerlatanik allaffissornermillu suliaqarlutit? Kiffartuussilluarneq, aaqqissuussineq HR-milu ingerlatsilluarnermik suliaqarneq kajuminnartippiuk? Immaqa tassaavutit HR-mi siunnersortitut suleqatitaassarput?

HR-mi siunnersortissarsiorpugut suliassaqarluartumik tamatigoortumillu atuuffeqartussamik. HR-mi suleqatigiinni pingaaruteqarlutit inissisimalissaatit atorfinittussanik sullissisutut – pissarsiornermiit atorfinitsitsinissamut aamma HR-mi ataavartumik sullissisutut allaffissornermilu sulisunut tunngasunik ingerlatsinermi.

Suliffik pillugu:

Atorfik sulisunik sullissinermi pingaaruteqarluartuuvoq aamma ulluinnarnik HR-mik ingerlatsinermur kisiannili aamma periarfissaqarputit HR-mi suliassanik ataasiakkaanik ineriartortitsinissamullu tunngasunik suliaqartarnissannut.

Suliassatit pingaarnerit ilaatigut makkuussapput:

• Allaffissornermi sulisunik sullissineq kiisalu sulisut pillugit paasissutissanik isumaginninneq, tassunga ilanngullugit atorfeqarnermi allannguutinik suliaqarneq kiisalu allaffissornermi sulisunut tunngasunik ingerlatsinerit

• Aqutsisunik sulisunillu HR-mi sullissineq siunnersuinerlu ulluinnarni apeqqutinut HR-mut attuumassuteqartunut sammisuni

• Atorfinitsitsiniarnermi pilersaarusiorneq ataqatigiissaarinerlu, tassunga ilanngullugit;
  - Atorfinnik saqqumiussassanik suliaqarneq allaffissornerlu
  - Atorfinitsiniarluni oqaloqateqarnerni peqataaneq piukkunnaatilinnillu nalileeqataanerit

• Suleqatit nutaat sulilerneranni ataqatigiissaarineq ikorfartuinerlu

• Atorfinitsitsiniarnermi allakkanik, isumaqatigiissiornermik HR-milu uppernarsaatinik allanik suliaqarnerit

• Employer branding -mut sulisussarsiornermilu ussassaarinermut peqataaneq

• HR-imi ingerlatanik, sakkussanik suleriaatsinillu isumaginninneq ataavartumillu pitsanngorsaaneq

• Suliniutinik sulianillu aallartitsinermi ikiutaaneq, suliffeqarfimmi periusissiamut ikorfartuutaasussanik

Ilinnut tunngasut:

Eqqarsarpugut illit:

• HR-imi atuuffimmi sulinermik misilittagaqartuusutit imaluunnii allaffissornerup iluani assingusumik atuuffeqarnikuusutit

• allaffissornermi suliassanik nuannarisaqartutit aammalu aaqqissuussinermik, pitsaassusermik pingaarutilinnillu suliaqarnermik

• suliassarpassuarnik assigiinngitsunik aqutsisinnaasutit, paatsiveqarlutit

• kiffartuussillaqqissuusutit allanillu ikiunissat nuannarisaralugu

• sulisussarsiornermik sulisitsinermillu soqutigisaqartutit

• suliassatit namminersuutigisinnaagitit akisussaaffigalugillu

• suleqateqarusuttuusutit suleqatigiillu ingerlalluarnissaannut peqataarusuttuullutit

• allattariarsorluni oqaloqateqarlunilu attaveqaqatigiinnissamut pikkorisffeqartutit

Ilinniakkatigut tunuliaquttatit assigiinngitsuusinnaapput. Pingaarnerpaavoq HR-mi atuuffissappit tamatigoortuussap kajumiginissaa, pitsaassuseq, aaqqissuussaaneq attaveqarluartarnerlu ataqatigiissillugit.

Suliffeqarfik akimorlugu sulivugut kalaallit sullillugit. Taamaattumik iluaqutaassaaq sulianni kalaallisut, danskisut tuluttullu pisinnaasaqarnissat, attavigisartagassat amerlammata oqaloqatigisartagassatillu taakkuullutik suleqatit, aqutsisut suliffissarsiortullu.

Neqeroorutigaarput:

HR-mi suleqatigiinnut ilanngunnissat, suliassaminnik pingaartitsillutik naleqartitsillutik suleqatigiinnikkut, suleqatit isumasioqatigisarnerisigut sulilluarnikkullu pilersartunik. Suleqatigiit naleqartitaat – akisussaaffeqassuseq, peqataaneq inussiarnisaarnerlu – sulinitsinni tunngavigaagut ileqqoralugillu. Taamaattumik pingaartuuvoq naleqartitanut taakkununnga pingaartitseqataalernissat akuuffigilerlugillu, suleqatissatit, aqutsisut sulisullu suleqateqalerukkit.

Taakkua saniatigut neqeroorutigaagut:

• HR-imi atorfik pissanganartoq suliffeqarfimmi attaveqarfippassualimmi HR-p atuuffiata pingaaruteqarfigisaani, sulisunut aqutsisunullu sinaakkutissanik pitsaasunik pilersitsiniartussaq

• Periarfissaavoq sulisunik sullissinermi, sulisussarsiornermi HR-milu ikorfartuutaanermi annertuumik suliaqarsinnaaneq

• Suliani inuttullu ineriartornissamut periarfissagissaarneq

• Ullut sulliviit assigiinngisitaartut

• Suleqatit tunniusimasut, quiasaarpalaarnermik nuannarisallit kagisorumatuullu peqatigalugit

Qinnuteqarnerup ingerlarnga

Soqutiginarpa? Qinnuteqaatit CV-llu nassiutipallakkit, tuugassaq talerpiatungaaniittoq toorlugu.

Qinnuteqaatinik e-mailikkut nassiussanik tigusineq ajorpugut.

Qinnuteqarnissamut killigitinneqarpoq 1. september 2026 qinnuteqaatilli takkuttut ataavartumik suliarisarpagut taamatullu ataavartumik oqaloqatigiinnerit ingerlattarlutigit. Atorfiup piaartumik inuttarlerneqarnissaa kissaatigaarput atorfinittussarli piukkunnartoq utaqqisinnaallutigu.

Atorfik pillugu apeqqutissaqaruit HR-mi pisortaq Marianne Esberg Jonasson mailikkut attavigisinnaavat; mej@tusass.gl imaluunniit uunga sianerfigalugu; +299 58 77 76

Tusarfiginissat qilanaaraarput.

Tusass pillugu

Tusass tassaavoq Kalaallit Nunaat tamakkerlugu nalunaarasuartaaseriviullunilu allakkerivik, Nuummi qitiusumik qullersaqarfeqartoq. Inuit, suliffeqarfiit inuiaqatigiillu najukkaminniittut mobilikkut attaveqaatit, internettikkut attaviup sukkasuup, internettip, allakkeriveqarnerup aaqqissuussaanerullu attaveqatigiissippaat – aamma Kalaallit Nunaanni najugaqarfiit tamaasa imaatigut kabelit, radio aamma satellit atorlugit attassuteqartippagut.

Nuna akimorlugu suleqatigiit 350-it missaanniippugut attaveqaqatigiinnermi aaqqiissutissanik suliaqartartut, ulluinnarni inuiaqatigiillu kalaallit ineriartorneranni pingaaruteqarluinnartumik.

2025-mi suliffeqarfik atuunnermini ukiunik 100-nngortorsiorpoq, ”Tusass” -ili taaguutitut aatsaat 2021-mi atuutilersinneqarpoq isumaqarluni ”tusassaagut”. Atitta siunertarput ersersippaa: ataqatigiissinneqarneq – teknikkikkut inuttullu.