HR-Ineriartortitsivimmi Siunnersorti imaluunniit allaffimmi Fuldmægtigi

HR-Ineriartortitsivimmi siunnersorti imaluunniit allaffimmi fuldmægtigi - aaqqissuussat, allaffissorneq ilinniartunillu ataqatigiissaarineq 
Aaqqissuussaasumik sulisinnaavit, qarasaasialerinermut pikkorippit aamma allaffissorneq aaqqissuussallu assigiinngitsut iluatsittumik ingerlassinnaavigit? Namminersorlutik Oqartussani inuttassarsiornermi aaqqissuussat aamma pikkorissaanerit ilinniartullu ataqatigiissaarnissaat suliarerusuppigit? Taamaappat atorfissaqartitarput immaqa illiuvoq. 

HR-Ineriartortitsivik (HRU) Naalakkersuisut Siulittaasuata Naalakkersuisoqarfianiittoq allaffissornikkut immikkoortortaqarfitsinni siunnersortissarsiorpoq imaluunniit allaffimmi fuldmægtigissarsiorpoq. 

HR-Ineriartortitsivimmi ulluinnarni ingerlatsinermi qitiusumik inissisimassaatit, allaffissornikkut aaqqissuussavut suleriaatsivullu immikkut akisussaaffigalugit. Ilaatigut inuttassarsiornermi aaqqissuussaq Emply, pikkorissaanernik allaffissornikkut aqutsineq, F2 kiisalu ilinniartulerinermi ataqatigiissaarineq suliarisassavatit.  

Aaqqissuussaasumik sulinermik malitseqartitsinermillu nuannarisalimmik, allaffissornikkut suleriaatsinik assigiinngitsunik isumaginnissinnaasumik kiisalu ulluinnarni sukujuit ataqatigiissarnissaat ingerlanissaallu qulakkeerinnissinnaasumik suleqatissarsiorpugut. 

HR-imi aaqqissuussat allaffissornerlu 
Suliassatit amerlanerit allaffissornermut aammalu HRU-mi aaqqissuussat atortorissaarutillu digitaliusut ingerlannissaannut tunngassapput. Ilaatigut Emply-mik aqutsineq akisussaaffigissavat, aamma inuttassarsiornerit, akuersitsinermi suleriaatsit, atuisunik aqutsineq, supportilerineq, ajortoqartilllugu nalunaarneq kiisalu paasissutissat pitsaassusaasa qulakkeerneqarnissai suliarisassavatit.  

Pikkorissaanerit, ilinniartitsineq ilinniartullu 
Pikkorissaanerit ilinniarnermi nittartakkat suliatsinnut atatillugu allaffissornikkut ataqatigiissaarinermi qitiusumik inissisimassaatit. Tamatumani ilaatigut pikkorissaanernik allaffissornikkut aqutsineq, peqataanissamut nalunaarnerit, ilinniarnermi nittartakkat aammalu tigussaasumik ataqatigiissaarineq ilaapput. 

Tamatuma saniatigut ilinniartunut tunngasunik ataqatigiissaarinermut akisussaasuussaatit, taamaattumillu ilinniartunut, suliffeqarfinnut suleqatigineqartartunullu attaveqartassallutit. 

Ataqatigiissaarineq ataatsimoorussamillu allaffissorneq 
HRU-mi allatigut allaffissornikkut suliaqarnermi aaqqissugaaneq ataqatigiinnerlu aamma qulakkeernissaat suleqataaffigisassavatit. Tamakku ilaatigut tassaasinnaapput nalunaarsuineq F2-milu sulianik aqutsineq, ataatsimoorullugu allagarsisarfinnik isumaginninneq, nalilersuinissamut ataatsimiititaliat allaffissornikkut ikorfartorneqarneri kiisalu ilinniartitaanermut suliaqarnermi, ilinniakkanik suliffissanillu nittarsaassinerni assigisaanilu ataqatigiissaarineq. 

Tamatuma saniatigut ilitsersuutit suleriaatsillu ineriartortinneqarnissaat iluarsarnissaallu peqataaffigissavatit, aamma allaffissornikkut suleriaatsit paasiuminartuunissaanut, assigiiaarnissaanut ingerlalluarnissaanullu tapertaaqataassallutit. 

Aaqqissuussaativut suleriaatsivullu ingerlaavartumik allanngorartarput. Taamaammat aaqqissuussat tamaasa ilisimareernissaat pingaarnerpaajunngilaq, taamaattorli digitalimik sulinikkut piginnaasaqarluarnissat, aaqqissugaasumik sulisinnaanissat kiisalu aaqqissuussanut suleriaatsinullu nutaanut pulapallassinnaanissat pingaarnerpaavoq. 

Naatsorsuutigaarput: 
Allaffissornermut tunngasumik ilinniagaqarsimassasutit, ajornanngippallu allaffissorneq, aaqqissuussat ataqatigiissaarinerlu atorfeqarnikkut misilittagaqarfigisimagukkit pitsaaqutaassaaq. 

Digitalimik suliaqarnermi piginnaasaqarluarnissat, alapernaatsuunissat aammalu aaqqissuussanut suleriaatsinullu nutaanut pulapallassinnaanissat pingaarnerpaajuvoq. Namminersorlutik Oqartussat iluani suleriaatsit pillugit ilisimasaqaruit annertuumik iluaqutaassaqaaq. 

Immikkutpngaartipparput illit: 

• aaqqissuussaasumik sulisassasutit, akisussaaffimmik tigusisassasasutit suliassatillu naammassinissaata tungaanut suliarisassagitit 

• tamakkiisumik isiginnissinnaassasutit aammalu suliassat killissarititallu assigiinngitsut ataatsikkut isumagisinnaassagitit 

• sullissiumatuujussasutit aammalu suleqatit suleqatigineqartartullu ersarissumik suliamillu aallaavilimmik attaveqatigiissinnaassasutit 

• namminersorlutit sulisinnaassasutit taamaattorli aamma allanik suleqateqarnermik ataqatigiissaarinermillu nuannarisaqassasutit 

• suleriaatsit allaffissornermilu suliat qanoq pisariillisarneqarsinnaanersut sunniuteqarluarnerulersinneqarsinnaanersullu pillugit pikkoriffeqassasutit 

HR-imi allaffissornermi, inuttassarsiornermi, pikkorissaanernik aqutsinermi aamma ilinniartunik ataqatigiissaarinermi misilittagaqarneq iluaqutaassaaq piumasaqaataananili. 

Kalaallisut danskisullu akunnattuunngitsumik oqalussinnaaneq qinnuteqartup atorfinitsitaanissaanut piumasaqaataavoq. 

HR-Ineriartortitsivik pillugu 
HR-Ineriartortitsivik Naalakkersuisut Siulittaasuata Naalakkersuisoqarfianut ilaavoq, Namminersorlutillu Oqartussat akimorlugit sullissisarluni. 

HR-Ineriartortitsivik assigiinngitsunik suliaqartartunik sulisoqarpoq. Sulisut ilaat pingaarnertut ineriartortitsinermik, ikorfartuinermik aqutsisunillu siunersiueqatigiinnermik suliaqartarput, allallu aaqqissuussanik, allaffissornermik ataqatigiissaarinermillu suliaqartarlutik. Suliffeqarfiup ikorfartornissaa aamma Kalaallit Nunaanni Namminersorlutik Oqartussat ineriartortinnissaannut peqataaneq ataatsimoorussutigaarput. 

HR-Ineriartortitsivimmi suleriaatsit akisussaaffiillu ersarinnerusut pilersinniarlugit aaqqissuussanillu ikorfartuineq annertusiniarlugu sulivugut. Immikkoortortaqarfimmi ulluinnarni ingerlatsinerup qulakkeernissaanut peqataassaatit aammalu allaffissornikkut suleriaatsivut qanoq aaqqissornissaannut pitsanngorsarnissaanullu tapertaasinnaassallutit. 

Neqeroorutigaavut 
Atorfik tamatigoortoq Namminersorlutik Oqartussani immikkoortortaqarfippassuarnut attaveqarfiusoq aammalu qitiusumi allaffissornikkut tunngasunik namminersortumik akisussaaffeqartoq. 

Suliffeqarfimmut suliatigut assigiinngitsunik piginnaasalimmut peqataaneq ulluinnarnilu ingerlatsinermut suliassat nalinginnaasut suliarinerisa saniatigut nutaanik aaqqiissutissarsiornermi peqataassaatit. 

Suleqatigiinneq, akisussaassuseqarneq immikkullu pikkoriffigisavut atorluarnerisigut tamatta iluatsitsinissamut ikioqatigiinnissarput pingaartipparput. 

Periutsit, aaqqissugaaneq ataqatigiissaarinerlu nuannarigukkit - peqatigisaanillu HR-imik tunngasunik suliaqarnissaq, tassa sulineq inunnik suliffeqarfimmillu ineriartortitsinermik imalik, pissanganarsorigukkit - imaassinnaavoq illiffaarik ujartoritsigit. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.