Ilinniartitaanermut Aqutsisoqarfik atuarfinnut siunnersortissarsiorpoq ilinniartitsinermut tunngasunik suliaqartussamik kiisalu qallunaatut ilinniartitsinermut
Ilinniartitaanermut Aqutsisoqarfimmi, atorfimmik atuarfinnut siunnersortimik mernguernartulerinermi kiisalu qallunaatoortitsinermi, 1. Septembari 2024 imaluunniit isumaqatigiissuteqarnikkut atorfinittussamik sulisussarsiorpoq.
Atorfik perorsaanermik tunngasunut immikkoortortaqarfimmi inissisimavoq, tassani pisortap ataaniilluni.
Atuarfinnut siunnersortip suleqataaffigisassai:
Mernguernartulerinermi qallunaartoortitsinermilu meeqqat atuarfianni pitsanngorsaaqataaffiginissai.
Ilikkagassatut anguniagassat pillugit nalunaarummik atuutsitsinissaq peqataaffigissallugu.
Naalakkersuisut ilinniartitaanermut pilersaarutaat -periusissiaannullu kiisalu meeqqat atuarfiannut suliniutinut allanut suleqataassalluni.
Atuarfinnut siunnersortip ilaatigut makkua suliarisassavai:
Ilinniartitsisunut, atuarfinnut, kommunenut atuarfinnut pingaartumik mernguernartulerinerm qallunaatoortitsinermilu isumassarsititsineq, paasisutissiisarneq siunnersuinerlu.
Isumasioqatigiissitsinerit pikkorissaanerillu
Meeqqat atuarfiannut atuartitsinermi ilinniusiornermilu suleqataaneq
Nalunaarusiorneq, akissuteqaasiorneq, isumaliutissiissusiorneq il. il.
Akimuisumik suliniutini sulianilu peqataaneq – atuarfinnut siunnersortit allat, Ilinniartitaanermut Aqutsisoqarfimmi immikkoortortaqarfiit suleqatigisallu avataaneersut suleqatigalugit
Ilinniartitaanermut Aqutsisoqarfiup suliassaqarfiini assigiinngitsuni suliani peqataanerit
Illit pillutit
Qinnuteqaateqartoq piukkunnaateqarluartoq tassaassaaq:
Ilinniartitsisutut ilinniarsimasoq, imaluunniit ilinniartitsoq master/kandidatgradimut ilinniaqqissimasoq assigisaaluunniit.
Atuartitsinermik ilisimasalik misilittagalillu mernguernartunik qallunaatoortitsinermilu.
Nunatsinni atuarfimmik, kulturimik inuiaqatigiinnillu ilisimaarinnilluartoq
Atortut digitaliusut ilinniusiallu atuartitsinermi ilanngunnissaat ilisimalluassagai.
Perorsaanikkut atuartitsinermilu periutsinik nutaanik pingaartumik mernguernartuni qallunaatoortitsinermilu ilisimasalik.
Allattariarsornikkut oqaatsitigullu piginnaasaqarluartoq
Aaqqissuussamik, akisussaasumik aaqqiissutissanillu ujartuilluni sulisinnaasoq
Eqeersimaartoq, nammineerluni sulisinnaasoq suleqatigiilluarnermillu piginnaasaqartoq kiisalu suleqatiginnilluartartoq.
Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Suliffeqarfiuvugut assigiinngitsorpassuarnik suliaqarfiulluta, aqutsinerit atuutereersut saniatigut ilaatigut aamma saqqummersitsiveqarluta, naqiteriveqarluta paasititsiniaanermik atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit friskolillu annerusumik sammisarpai. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.
Aningaasarsiatigut atorfinitsitaanermilu atugassarititaasut:
Tunngaviusumik isumaqatigiissutaasut aallaavigalugit atorfinitsitsisoqassaaq “Naalakkersuisut aamma Ilinniartitsisut Meeqqat Atuarfianeersut Kattuffiat, IMAK, meeqqat atuarfianni ilinniartitsisunut isumaqatigiissut”. Qinnuteqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffillu isumaqatiginninniarsinnaatitaasup akornanni.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqqaat
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
Ilinniartitaanermut Aqutsisoqarfimmi e-mail-ikkut qinnuteqaatinik tigusineq ajorpugut.