Ilinniartitaanermut Aqutsisoqarfimmi Pisortaq
Greenland Business School ilinniarnermi allattoqarfimmi allaffimmi aqutsisussarsiorpoq
Allaffimmi aqutsisoq ilinniarfimmut ilisimasaqarluartumut eqeersimaartumullu, ilinniakkanik siammasissunik arlalinnik inuussutissarsiutinut sammivilinnik neqeroorutilik. . Eqimattaavugut, nukittuut, nutaaliortut tunniusimasullu, tatiginninneq, qanimut suleqatigiinneq, nutaamik eqqarsartut aammalu qaffasissumik suliatigut piginnaasaqarneq ilinniarfimmi qitiutinneqarpoq. Pilersaarusiornermik allaffissornermillu suliaqarusuppit? Sulisut pikkorissut akornanni kajumilersitsinermik peqataalersitsinermillu pilersitsisinnaavit? Ilinniartut, sulisut, suleqatigullu avataaniittut eqaatsumik, eqqortumik, qanilaartuullutillu sullissinnaavigit? Taava illit sulisussatut ujarpatsigit.
Suliassatit…
Allaffimmi aqutsisutut allaffissornikkut ingerlanneqarnissaat akisussaaffigissavat, ilinniartitaanermilu immikkoortortaqarfimmi suliassat, immikkuullarissutut ilinniartunik sullissinissaq eqqarsaatigalugu. Suliassattaaq ilagissavai allaffissornikkut suliassat annikitsut aqunneqarneri ineriartortinneqarnerilu.
Akisussaaffiit ilaatigut ukuupput:
Ilinniartitaanerup immikkoortortaani ulluinnartigut aqutsineq
Ilinniartunik allaffissornikkut sullissineq, uani aamma ilinniartut angalanerinut inniminniineq, meeqqat tapiinik, pisattat angallannerinut il.il. qinnuteqartitsineq
Ukiup atuarfiusup pilersaarusiornera, uanilu ingerlaffissat pilersaarusiorneri, ullulersorneqarneri, nalunaarusiornerilu.
Allaffissornermi suliassanik pilersaarusiorneq aamma aqutsineq ilinniartitaanermi immikkoortortaqarfiup ukiumut ingerlaarfissai malillugit, uani aamma ilinniartunik tigooraaneq, misilitsinnerillu.
Atuarfiup mail-ianut avataaniik saffiginnissutit suliarineri
Aqqutissiuussineq, atuarfiullu atuarnermik unititsiinnartarnermut akiuiniarluni suliniutai.
Allaffissornermi suliassat allat
Suliap pisariaqartippaa, immikkoortortaqarfiit akimorlugit suliaqarsinnaanissat, suliassani immikkut pisariaqartitsisuni tamakkiisumik isigisinnaanissat. Isumalluarneq, oqaloqatigiissinnaanerlu oqaaseq pingaartitaraarput uangutsinni. Eqimattammi pingaarutilittut ilinniartitaanermi allatsinut aammalu allaffimmiunut siuttutut inissisimassaatit.Ulluinnarni ilinniartunut, sulisunut aammalu atuarfiup avataani suleqatinut attaveqassaatit, tamatigoortuussaatit sulissillaqqittuussallutillu.
Inuttut tatiginartuussaatit, tusarnaarsinnaasuussallutit, avatigiisinnullu paasinnittuussallutit. Allaffissornermut pisortamut attaveqassaatit.
Kissaatigaarput…
Inuussutissarsiutigalugu- aammalu qaffasinnerusumik allaffissornikkut imaluunniit assigisaanik ilinniagaqarsimassasutit.
Aqutsinermik misilittagaqassaatit
Office-pakke ilisimasaqarfigissagit, ilinniarnermi allaffissornermi systemit atortut ilisimasaqarfiginissaai soorlu assersuutigalugu Lectio, Wiseflow il.il.
Pitsaasumik ilusilimmik, ingerlatsiriaaseqarlutit, sinaakkutaqarlutillu sulisinnaassaatit.
Inuk unamminartunik suliaqarnissamik nuannarisalik, nammineerluni sulisinnaassusilik.
Tatiginartumi ataatsimoorfimmik, ammasuuneq atugarissaarnerlu qitiutillugit pilersitseqataaffigissavat.
Attaveqarluarsinnaanissat, paasinartumillu kalaallitsut qallunaatullu oqariartuuteqarsinnaanissat assut pingaartinneqarpoq
Neqeroorutigaarput…
Suliffik pissanganartoq, ilinniarfimmi ineriartortumi, nammineq ineriartortitsinermi peqataassalluni periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut, suliatigullu ineriartornissamik periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
Akissarsiat atorfininnermilu atugassarititaasut
Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq. Atorfininneq tjenestemand-itut pisinnaavoq, taamatut inissisimangaanni
Atorfik sap.akun. 40 tiiminik suliffiuvoq, atorfiullu inuttalerneqarnissaa 1. Januar kissaatigineqarpoq imaluunniit isumaqatigiissuteqarnikkut.
Ineqarneq
Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu ineqaraanni suliffimmiik soraarnermi inigisaq qimanneqartussaavoq.
Paasissutissat allat
Allaffimmi aqutsisutut imminut takorloorsinnaavit, atorfimmilu annerusumik paasisaqarusullutit, taava Ilinniarnermi pisortaq Troels Friis attavigisinnaavat, oqarasuaat +299 34 25 57, mail trfr@gbs.gl atorlugit.
Greenland Business School pillugu paasisaqarsinnaavutut ugguuna www.gbs.gl.
Qinnuteqaat
Qinnuteqarnermut ulloq killigitinneqarpoq 18. november 2024.
atorfik pillugu oqaloqateqarneq qinnuteqarfik naappat ingerlanneqassaaq.
Tusarfiginissat qilanaaraarput!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.