Ilinniartitaanermut Inissiallu Kiffartuussivimmi aqutsisussamik Socialpædagogisk Seminarium ujaasivoq
Perorsaanermik Ilinniarfimmi, Ilulissaniittumi, aqutsisutut atorfik soqutiginartoq inuttassarsiorparput. Ilinniartunut sullissineq pitsaasoq aqutsisutut isumannaassavat.
Ilinniarfik 300 missaanik ilinniartoqarpoq, ilinniartitaanernut assigiinngitsunut arfineq-marlunnut agguataarsimasunik: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq, siunnersuinermi ikiortitut ilinniarneq, kiisalu isumaginninnerup iluani siunnersortitut ilinniagaq ilinniagartuutut. 50-nik sulisoqarpugut.
Immikkoortortaqarfik naliginnaasumik inunnik tallimanik inuttaqartinneqarpoq piffiillu ilaanni allaffimmi ilinniartoqartarluni. Aalajaatsumik ineriartortitserusuttumillu aqutsisussarsiorpugut, ineriartortitsinermik nuannarisaqarnerup saniatigut suleqatikkuminartumik, ajunngitsumik siunertaqarluni avatangiisiminik naapitsisartumik suliassaminillu aallussisartumik.
Aqutsisup pingaarnertut suliassai:
Ulluinnarni aqutsineq:
Ilinniartunut saaffiginnittarfik
Ilinniartut inaannut saaffiginnittarfik
Atuakkanik atorniartarfik / saaffiginnittarfik
Nittartakkamik Sociale Medianillu suliaqarneq
Suliatigut inuttullu piginnaasat makku assut pingaartinneqarput.
Naleqquttumik ilinniakkamik tunuliaquteqarneq
Excel atorlugu suliatigut qaffasissumik sulisinnaanermik piginnaassuseqarneq
Nittartakkamik Sociale Medienillu suliaqarnermik ilisimasaqarluartoq
Allaffissornikkut oqaluinnarnikkullu paasinartumik attaveqarluarsinnaasoq
Nammineersinnaalluartoq, ataqatigiinnermillu aaqqissuussisinnaallunilu ilusiliisinnaalluartoq
Ulluinnaap allanngorartuuneranut eqaatsumik nalimmassarsinnaalluartoq
Kalaallisut, danskisut, tuluttullu paasinnissinnaallunilu oqalussinnaalluartoq
Ulapiffimmi torersumik eqqissisimasumillu suleriusilik
Suleqatitut akuersaartuunerit, tatiginninnerit aammalu akisussaassuseqartuunerit ilisarnaatigivat
Paasissutissat sukumiinerusut oqarasuaat +299 38 35 75 sianerluni pissarsiarineqarsinnaapput imaluunniit uunnga saaffiginninnikkut: Aningaasaqarnermut, sulisoqarnermullu aqutsisoq,Aline Mathiassen imal. e-mail-ikkut: allaffik@pi.sps.gl -ikkut.
www.pi.sps.gl-imi Seminaria pillugu paasisaqarnerusinnaavutit.
Atorfiup septembarip 15-ani 2024-imi imaluunniit isumaqatigiissuteqarnikkut inuttalerneqarnissaa kissaatigineqarpoq.
Qinnuteqarfissaq killilerneqarpoq septembarip pingajuat 2024 nal. 12:00 (Kalaallit Nunaata kitaata nalunaaqutaat malillugu).
E-mail-ikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.