Ilinniartitaanermut siunnersortit marluk
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Ilinniagaqarnersiuteqartitsivimmi ilinniartitaanermut siunnersortissarsiorpoq marlunnik.
Ilinniagaqarnersiuteqartitsivimmi nutaanik marlunnik suleqatissarsiorpugut. Ilinniagaqarnersiuteqartitsivimmi suleqatigiit tallimaapput. Taanna Ilinniartitaanermut, Kultureqarnermut Timersornernut Ilageeqarnermullu Naalakkersuisoqarfimmi aningaasaqarnermut, sulisoqarnermut ilinniartunillu kiffartuussinermut Immikkoortortaqarfiup ilagaa.
Ilinniagaqarnersiuteqartitsiviup ilinniartut qinnuteqaataat ilinniarnermi tapiissutit, tapit taarsigassarsiallu 4.000 missingi akisussaaffigai. Ilinniagaqarnersiuteqartitsivik Kalaallit Nunaanni ilinniarfinnik assigiinngitsunik Danmarkimilu Kalaallit Illuanik qanimut suleqateqarpoq, taakku ilinniartut tapisiaqarnissaannik qulakkeerinneqataapput. Taamaammat A/C fuldmægtigitut atorfik pissanganartuuvoq, nammineq suliffigisap allallu suliffiit qanoq ingerlanneqartarnerannut aamma taamanna qanoq ingerlaavartumik pitsanngorsarneqarsinnaaneranik tamakkiisumik isiginnissinnaassuseqartitsimmat.
Suliassatit
Ilinniagaqarnersiuteqartitsivimmi anguniakkat nalinginnaasut suliassallu aaqqiiviginissaannut peqataassaatit, matumani.
- Nunatsinni, nunattalu avataani ilinniarnissamut qinnuteqartunut sullissineq, matumani IT-systemip iluani assigiinngitsunik suliaqarneq, soorlu ilinniartunik nalunaarsuinerit IRIS-ilu
- Immikkut qinnuteqaatinik suliarinninnerit
- Ilinniagaqarnersiutinik aningaasaliisarnermut qinnuteqaatinik tapiissutillu suli ingerlaannarnissaannut qinnuteqaatinik sullissisarneq, matumani:
- Ilinniagaqarnersiutit pillugit maleruagassanut tunngatillugu Kalaallit Illuutaannit, ilinniarfinnit il.il. oqarasuaatitigut allakkatigullu saaffiginnissutinik akissuteqarneq.
- IT-mi atortunut nutaanut ineriartortitseqataaneq
Piffissaq ungasinnerusoq eqqarsaatigalugu ilinniagaqarnersiutinut ilinniartunullu tunngatillugu apeqqutinik tamanik Kalaallit Nunaanni Danmarkimilu ilinniartunut siunnersuisarnermut atatillugu supervisioni, siunnersuineq ilitsersuinerlu isumagisalissavatit.
Naatsorsuutigaarput illit:
- suliassaqarfimmi pisariaqartinneqartumik ilinniagaqartoq
- suleqatigiikkuutaani suleqateqarnissamut pikkoriffeqartutit,
- IT-mi atortunut nutaanut paasinnillaqqissuusutit,
- nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
- naatsorsuinermik sulianillu ingerlatsinermik tunngaviusumik paasinnissinnaassuseqartutit.
- marlunnik oqaaseqarnissat Kalaallisut / Danskisullu .
Atorfimmut tunngatillugu Ilinniagaqarnersiuteqartitsivimmi pisortamut attaveqartassaatit.
Atorfimmut qinnuteqarnissamut killiliunneqarpoq 08/07-24. Atorfik pillugu sukumiinerusumik paasisaqarusukkuit immikkoortortaqarfimmi pisortaq Guluk Chemnitz attavigisinnaavat, guch@nanoq.gl oqarasuaat 346905
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job