Ilinniartumik ikiortimik pissarsiorneq

Nuummi meeqqanut nuannersunik ataatsimoortitsisunillu sammisassaqartitseqataarusuppit?

Kommuneqarfik Sermersuup Timersoqatigiit Kattuffiat aamma GAME Danmark suleqatigalugit Playmakerinut suliaq aallartippaat, taanna inuusuttunut neqeroorutaavoq aqqusinermi timersornernut aqqusinermilu kulturimut tunngasunik nuannersumik allannguinissamik siunertaqartoq. Playmakerinut suliaq Nuummi juni 2025-mi aallarnisarneqassaaq, taamaattumik ilinniartumik ikiortissamik Juniorkoordinatoritut sulisussamik ilakkuminartumik torersumillu suliamut ilaasinnaasumik pissarsiorpugut. Playmakerinut suliami inuusuttut nammineq piumassusillit ilinniartinneqassapput (Playmakerit), taakkulu nammineerlutik meeqqanik inuusuttunillu namminneq illoqarfigisaanni aqqusinermi timersuutinik aallartitsisartutut aqutsisutullu atorneqassapput.

Atorfik:

Kommuneqarfik Sermersooq allagarsiussaq una atorlugu Nuummi ilinniartumik ikiortimik pissarsiorpoq Playmakerinut Juniorkoordinatoritut atuuttussamik. Suleqateqarlutit Juniorkoordinatorip suliassai isumagisassavatit.

Playmakerinut suliami ilaatigut Nuummi Playmakerissarsiornerit, Playmakerinut tapersersuinerit ineriartortitsinerlu suliarissavatit, ukiumullu marloriarlutit sapaatit akunnerisa naanerini Playmakerinut pikkorissaanermi peqataasassallutit. GAME-mi Playmakerit inuusuttuukkajupput 14-25-t akornanni ukiullit, ataatsimoornermi peqataarusussuseqarluartut aamma illoqarfimmini allanngueqataarusuttut. Playmakerit meeqqanut inuusuttunullu piffinni assigiinngitsuni GAME zone-ini sapaatip akunnikkuutaartumik aqqusinermi timersortitsillutik sammisassaqartitsisarput. Tamanit pingaarnerpaajuvoq maligassiuisuunissat, meeqqat inuusuttullu naligalugit naapitsisinnaasoq.

Suliami aqqusinermi sammisassat assigiinngitsut ingerlanneqarneranni aamma peqataasassaatit soorlu aamma sammisani allani assersuutigalugu Kommuneqarfik Sermersooq suleqatigalugu ingerlanneqartuni.

Pissarsiassatit:

∙Nuummi meeqqanut inuusuttunullu sapaatip akunneranut aqqusinermi timersortitsinermik sammisaqartitseqataanissamut periarfissaqarneq.

∙Inuusuttunut ataatsimoorfimmik nuannersumik pilersitsinissamut periarfissaqarneq.

∙GAME-p suleqatiginerani pingaarutilimmik inissisimassaatit. Soorlu Playmakerissarsiornerit, attassiinnarnissaat isumagalugu, ilinniartinneqarnerannilu peqataallutit.

∙Aqqusinermi timersornermut inuusuttunillu aqutsinermut attuumassuteqartunik suliassanik assigiinngitsorpassuarnik suliaqarneq.

∙Inuttut ineriartornissamut periarfissaqarneq.

Illit:

∙Ataqatigiissaarillaqqissuuvutit aamma aaqqissuussamik, torersumik namminersorlutillu sulisinnaallutit.

∙Playmakerinik attaveqarneq pineqartillugu atassuteqaqatigiilersitsillaqqissoq.

∙Meeqqat inuusuttullu naligalugit naapitsisinnaassusilik.

∙Isumassarsiarpassualik, ujartuisoq, siunnerfeqarlunilu pitsaasumik pilersaarusiorsinnaasoq.

∙Attaveqartitsilersinnaasoq aamma saqqummiinissamut tunuarsimaanngitsoq eqimattanullu amerlanerusunut atassuteqarsinnaasoq.

Iluaqutaassaaq piumasaqaataananili:

∙Timersornermik/aqqusinermi timersuutinik misilittagaqarsimaguit.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Projektleder Agathe Adolfsen, oqarasuaat +299 36 77 96 imaluunniit e-mail: agad@sermersooq.gl

Ulloq atorfiniffissaq:

Sapinngisamik piaarnerpaamik.

Piffissaq suliffiusoq:

Sapaatip akunneranut akunnerit suliffiusut assigiiaanngittuupput, nalinginnaasumilli ulluinnarni nal. 9 - 17 akornanni kisianni sulisassaatit. Aaqqissuussinernut, ataatsimiinnernut aamma sapaatip akunnerata naanerani ilinniartitsinernut atatillugu sapaatip akunnerata naanerani unnukkullu sulisinnaasoq.

Juniorkoordinator tiimimut 250 kr. akissarsissutaasassooq - Kommuneqarfik Sermersooq qanimut attaveqaatigissavat.

Qinnuteqaat:

Nassiunneqassaaq uunga: Agathe Adolfsen agad@sermersooq.gl

Qinnuteqarnissammut killiliussaq aamma oqaloqatiginninnerit:

Qinnuteqaatit ingerlaavaartumik nassiunneqarsinnaapput, taassumalu kingorna oqaloqatiginninneritingerlanneqarumaarlutik.

Qinnuteqarusussinnaasut kaammattorumavavut GAME Playmaker pillugu uani ilisimasassanik pissarsiornissaannik: www.game.ngo

Qinnuteqarnissamut killissarititaasoq: septembarip 24.-at, 2025

Atorfik una qinnuteqarfigiuk