Ilisimatusarfimmi aqutsisoqarfik GUX-teamimut sulisussarsiorpoq
Ilinniartitaanermut Aqutsisoqarfiup GUX-eqarfimmi (ilinniarnertuunngorniarfimmi) ingerlatsinermi suliassat arlaqartut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit 1. januar 2024-imi tiguai. Ilinniartitaanermut Aqutsisoqarfimmi, Namminersorlutik Oqartussani, GUX-eqarfitsinni sulisutut atorfik inuttassarsiuunneqarpoq. Piaartumik isumaqatigiissuteqartoqarneratigulluunniit atorfinittoqarsinnaavoq.
Atorfik Allaffissornermut, nakkutilliinermut politikkimullu immikkoortortaqarfimmiippoq, teamlederip immikkoortortaqarfimmilu pisortap ataani inissisimasuulluni.
Ilinniartitaanermut Aqutsisoqarfik sulisumik, ilinniakkaminut tunniusimasumik team-imilu suleqatigiittumi suleqataasinnaasumik kajumissuseqartumillu, aammalu ineriartortitsinermik pingaartitsilluartumik pissarsiorpoq. Ujarpatsigit, ilinniagaqarsimasutut sulianik suliarilluagaasunik tunniussinissannik pingaartitsisoq, aammalu aaqqissuussaasumik suliannik ingerlatsisinnaasutit.
Suliassat ilaatigut ukuupput:
Ulluinnarni allaffimmi ingerlatsineq ilinniartitaanernillu ingerlatsineq.
GUX-imi soraarummeertarnerit ataqatigiissaarneri ineriartortinnerilu.
Opgavekommissionit atuartitsissutinullu siunnersortit sulinerannut akisussaaneq.
Ilinniarnertuunngorniarfinnut qitiusumik kursusertitsinernik ilinniaqqittarnernillu ataqatigiissaarineq ingerlatsinerlu.
Ilinniarnertuunngorniarfinni suliassanik ineriartortitsinerni ingerlaavartuni peqataaneq.
Ilitsersuutinik ataqatigiissaarineq ineriartortitsinerlu.
Iserasuaammi ilinniarnertuunngorniarfiit nittartagaannik ingerlatsineq ineriartortitsinerlu.
GUX-imi ilinniagaqalertussat sullinneqarnerannik ineriartortitsineq, ingerlatsineq pitsanngorsaanerlu, taakkununnga ilanngullugit qinnuteqarnermi skemat immersugassat.
Suliassanik UWC-mut (United World Colleges-mut) Nunanilu Avannarlerni projektinut tunngasunik ataqatigiissaarneq.
Ilinniarnertuunngorniarfimmi suliassat ad hoc-iusut allat.
Illit pillutit
Qinnuteqartoq kissaatigineqartoq unaavoq:
Qaffasinnerusumik naleqquttumik ilinniagaqarsimassaatit.
Ilinniarnertuunngorniarfinni ilinniarnerit ilinniartitaanerillu tamaasa ataatsimut isigalugit ilisimassavatit.
Aningaasanik ingerlatsinermik aningaasanillu aqutsinermik paasisimasaqassaatit.
Suliatit ataatsimoortillugit nakkutigisinnaassavatit, taamatullu aaqqissuussaasumik iluarsartuussamillu sulisinnaassaatit.
Oqaluttariarsorluni allattariarsorlunilu attaveqaqatigiinnernik saqqummiisarnernillu piginnaasaqarluassaatit.
Suleqateqarlutit namminersorlutillu sulisinnaassuseqarluassaatit.
Inuiaqatigiinnik ilisimasaqarluassaatit.
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, Naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaqarfimminik suleriaatsiminillu aaqqissuusseqqippoq – ikiuuteqataaffigisassannik.
Suliffeqarfiuvugut assigiinngitsorpassuarnik suliaqarfiulluta, aqutsisoqarfiit suliaasa atuutereersut saniatigut ilaatigut aamma saqqummersitsiveqarluta, naqiteriveqarluta aammalu paasititsiniaanermut atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit friskolillu annerusumik suliaqarfigai – aammalu 1. januar 2024 aallartiffigalugu ilinniarnertuunngorniarfeqarnermi ingerlatsinernik suliaqalerpoq. Suleqatigiit 45-it missaanniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.
Akissarsiat atorfeqarnermilu atukkat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut pisattallu nassiunneqarnerannut akiliunneqarsinnaatitaaneq, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut tunngatillugu inissaqartitsisoqanngilaq.
Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermut atatillugu innersuussutaasumi ineqarsinnaatitaanini attatiinnassavaa. Atorfeqarnermi inigisaq atorfimmut attuumassuteqarmat atorfeqarnerup naanerani qimanneqartussaavoq.
Qinnuteqaat
Qinnuteqaatit, CV-it ilassutissallu tulluartut ilanngullugit ”Qinnuteqaat nassiuguk” toorlugu nassiuguk. Qinnuteqarfissaq kingulleq tassaavoq 17. januar 2025.
Atorfik pillugu annertunerusumik paasisaqarusukkuit GUX-eqarfimmi teamlederiungallartumut, Salik Schmidt-imut saaffiginnissinnaavutit, tlf. toqqaannartoq (+299) 34 64 77 imaluunniit mail sach@nanoq.gl imaluunniit imikkoortortaqarfimmi pisortamut Brita Toft Hyldgaardimut, tlf. toqqaannartoq (+ 299) 34 62 18 imaluunniit mail brth@nanoq.gl.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit Atorfiit (naalakkersuisut.gl) iserfigalugu paasisaqarsinnaavutit.
Ilinniartitaanermut Aqutsisoqarfik mail-ikkut qinnuteqaatinik tigusineq ajorpoq.