Ilisimatusarfimmi Inuiaat Kulturiannut Oqaluttuarisaanerannullu Immikkoortortamut studieadjunkti/-lektori
Ilisimatusarfimmi Inuiaat Kulturiannut Oqaluttuarisaanerannullu Immikkoortortaq Issittumi itsarnisarsiornermi aamma kulturip oqaluttuarisaaneranut studieadjunktissarsiorpoq/-lektorissarsiorpoq. Atorfiup 2024-mi septembarip aallaqqaataani imaluunniit isumaqatigiissuteqarnikkut inuttalerneqarnissaa kissaatigineqarpoq.
Ilisimatusarfiup Inuiaat Kulturiannut Oqaluttuarisaanerannullu Immikkoortortaani Issittumi itsarnisarsiornermi aamma kulturip oqaluttuarisaanerani ilinniartitsinermi sulianik ingerlataqartussamik studieadjunktissarsiorpugut/-lektorissarsiorpugut.
Inuiaat Kulturiannut Oqaluttuarisaanerannullu Immikkoortortaq ilisimatusarnerup ilinniartitsinerullu iluani oqaatsit kulturillu tungaatigut assigiinngisitaartumik avatangiiseqarpoq 92-inik ilinniartulik sisamanillu lektorinik piffissaq tamakkerlugu sulisulinnik. Immikkoortortaq bacheloritut kandidatitullu ilinniakkanik suliassaqarfinnik assigiinngitsunik imalinnik neqerooruteqarpoq, ilinniakkanilu taakkunani oqaluttuarisaanermi, inuup ineriartorneranik ilisimatusaatini, kulturikkut inuiaallu pillugit ilisimatusaatitigut aamma itsarnisarsiornikkut sammiviit akuleriissinneqarput. Immikkoortortami ilinniakkani ilisimatusarnermilu qitiutinneqartut Kalaallit Nunaannut Issittumuttaaq tunngatinneqarput.
Immikkoortortami ilinniartitsinerit kalaallisut, qallunaatut tuluttullu ingerlanneqartarput.
Immikkoortortaq Kulturimik, Oqaatsinik Oqaluttuarisaanermillu Ilisimatusarfiup ataani inissisimavoq pingasunillu allanik aamma immikkoortortaqarluni:
Oqaasilerinermut, Atuakkialerinermut Tusagassiuutilerinermullu Immikkoortortaq
Teologiimut Immikkoortortaq
Nutserinermut Oqaluttaanermullu Immikkoortortaq
Piginnaassusissanik piumasaqaatit
Issittumi itsarnisarsiornermi kandidatitut ilinniagaqarsimaneq imaluunniit ilisimatusarfimmi naapertuuttumik ilinniagaqarsimaneq
Studieadjunktitut/-lektoritut qaffasissusilimmik ilinniartitsinikkut paassissutissiornikkullu piginnaasaqarneq
Issittumi itsarnisarsiornermut aamma kulturip oqaluttuarisaaneranut kiisalu Kalaallit Nunaannik aamma Issittumi nunat ilaanni inuiaat kulturiannillu ilisimasaqarluarneq
Kalaallisut ilinniartitsissutaasinnaasumik kalaallisut qaffasissumik oqaatsinik atuisinnaaneq, kiisalu qallunaatut tuluttullu oqaatsinik piginnaasaqarneq
Suliassat pingaarnerit tassaassapput:
Issittumi itsarnisarsiornermi, Inuit kulturianni, fagini qinigassani bachelorseminarimilu fagini bachelorinngornianut qaffasissusilimmik ilinniartitsineq
Ilinniartunik bachelorinngornianik ilitsersuisarneq soraarummeersitsisarnerlu
Fagimik ineriartortitsineq
Allaffissornikkut suleqatigiillu akornanni suleqatigiinnerni peqataaneq
Immikkoortortami instituttimilu atorfillit allat qanimut suleqatiginerisigut ilinniakkamik ineriartortitseqqiineq
Immikkoortortap suliassaqarfiata iluanni ilaatigut namminersorluni ilisimatuutut misissuineq, saqqummersitsineq aamma ilisimatuussutsikkut ilisimasanik ingerlatitseqqiisarneq
Qinnuteqaat
Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:
Ilanngussaq 1: Curriculum Vitae
Ilanngussaq 2: Soraarummeersimanernut uppernarsaatit
Ilanngussaq 3: Oqaaseqaatinik aallerfiusinnaasut inuit pingasut tikillugit attaviginissaannut paasissutissat
Ilanngussaq 4: Piginnaasat ilisimatuutut misissuinermut paasissutissiornermullu kiisalu ilinniartitsinermut tunngasut pillugit uppernarsaatit naleqquttut
Ilanngussaq 5: Ilaatigut saqqummersissimasat allattorsimaffiat suliassaqarfimmut paasissutissiornermulluunniit tunngasut
Suliatigut ineriartornissamut pissanganartunik atorfik periarfissiisoq neqeroorutigaarput, tamatumunnga ilanngullugit:
Adjunktitut pædagogikummimik ingerlatsineq
Suliatigut piginnaanngorsarneq
Immikkoortortaqarfiup pisortaatut atuuffeqarneq
Atorfinitsitsinermi ingerlatseriaaseq
Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.
Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.
Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.
Attavissat/paasissutissat:
Atorfik pillugu paasisaqarnerorusukkuit Kulturimik, Oqaatsinik Oqaluttuarisaanermillu Ilisimatusarfimmi instituttip pisortaata Mari Kleistip attaviginissaanut tikilluaqqusaavutit oqarasuaammut uunga +299 38 56 45.
Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
Ilinniartitsinermik Ilisimatusarfik
Inuiaqatigiilerinermik, Aningaasaqarnermik Tusagassiornermillu Ilisimatusarfik
Kulturimik, Oqaatsinik Oqaluttuarisaanermillu Ilisimatusarfik
Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit