Fakta
Atorfiup suussusaa: Research Governance Advisor
Suliffeqarfik: Inuit Circumpolar Council (ICC)
Qinnuteqarfissamut killigititaq:14. septembari
Attavissaq: hr@inuit.org
Inuit Issittormiut Siunnersuisoqatigiivi (ICC) Kalaallit Nunaat Ilisimatusarnikkut misissuinerit Nakkutigineqartarnissaat pillugu Siunnersorti (Research Governance Advisor) Nuummi allaffimminni atorfeqartussamik sulisussarsiorput.
Tunuliaqutaa:
Nunat Inoqqaavisa pisinnaatitaaffiisa siuarsarneqarnissaannut suliaqarneq, aamma Nunat Inoqqaavisa ilisimasaasa ilisimasaqalersitsinermut pingaaruteqassusiat pingaartitaraagit? Ilisimatusarneq, naggueqatigiit Inuit Ilisimasaasa Kalaallillu Nunaata pisariaqartitai pingaartitaalu pillugit ataqatigiisitsinissaq soqutigaagit? Nunat tamalaat akornanni naggueqatigiit Inuit siuttuunissaat pillugu siuarsaanissamut piareersimavit? Taamaakkuit immaqa ICC-mi Ilisimatusarnikkut misissuinerit Nakkutigineqartarnissaat pillugu Siunnersorti atorfinissinnaavutit.
Nuup illoqarfiata qeqqani allaffeqarpugut, nunallu tamalaat akornanni suleqatigiiuvugut ICC-p allattoqarfiisa Kalaallit Nunaanniittut, Canadamiittut Alaskamiittullu akornanni, suliffeqarfillu pissanganartoq imaqartaqisorlu neqeroorutigisinnaavarput nunarsuatsinnut naggueqatigiit Inuit oqariartuutaannik avammut tusarliiviusartoq.
Suliassat:
ICC-mi Ilisimatusarnikkut misissuinerit Nakkutigineqartarnissaat pillugu Siunnersortitut ICC-mi suleqatigiit qanimut suleqatigissavatit, allaffimmi pisortap pisortarissallugu qaninnerpaaq. Kalaallit Nunaanni nunallu tamalaat akornanni naggueqatigiit Inuit pisinnaatitaaffiisa illersorneqarnissaat pillugu suliaqarnermi taamatullu Issittumi ilisimatusarnerup iluani, suliassatit ilaatigut makkuussapput::
a. Nunat inoqqaavisa paasissutissat pigisamik oqartussaaffiginissaat pillugit ICC-p iluani tamakku pillugit allattuiffinnik / isummanik / politikeqarnermik ineriartortitseqataanissaq;
b. Nunat tamalaat akornanni Issittumi ilisimatusartarnermut tunngassutilinni katerittarfinnut akuusarnissaq, tassunga ilanngullugit Nunat Tamalaat Issittumi Ukiorititaasa tallimassaannik ingerlanneqartussap piareersaaqataaffigisarnissaa, IASC-llu Nunat Inoqqaavisa akuutinneqartarnissaat pillugu ataatsimiititaliaata ataavartup il. Il. sulinerani akuunissaq;
c. Kalaallit Nunaanni naggueqatigiit Inuit ingammik maani ilisimatusartarnerat pillugu
Inuit pisinnaatitaaffiisa ataqqineqartarnissaata sorsuutigisarnissaa, ICC-llu ilisimatusarnermi ileqqorissaarnissamut najoqqutassiaasa Kalaallit Nunaata iluani siuarsarneqarnissaat.
Naggueqatigiit Inuit Ilisimasaat, Nunat Inoqqaavisa pisinnaatitaaffii aamma/imaluunniit nunat tamalaat akornanni ilisimatusarneq pillugu suliaqarnermut misilittagaqaruit tamanna iluaqutaassaaq. Sulineq annerusumik kalaallisut tuluttullu ingerlanneqassaaq.
Ujartukkatta tunuliaqutaa:
Qinnuteqartussamik kajumittumik sammisamut naapertuuttumik bacheloreqartumik imaluunniit mastereqartumik peqatissarsiorpugut.
Aningaasarsiassat atorfinitsitaanissamullu atugaqartitaasussat
Aningaasarsiassat atorfinitsitaanermullu atugaqartitaasussat piginnaasat naapertorlugit neqeroorutigineqartarput. Atorfik manna immikkut isumaqatigiissuteqarnikkut atorfinitsitsineruvoq. Atorfimmut atatillugu ineqartitsinissaq neqeroorutaanngilaq.
Atorfinitsitsinerup sivisussusissaa:
Beyond Arctic Passions project aqqutigalugu EU Horizonsimit aningaasaliiffigineqarneq aqqutigalugu ICC aningaasaliiffigineqarpoq, ukiuni sisamani Ilisimatusarnikkut misissuinerit Nakkutigineqartarnissaat pillugu Siunnersorti atorfinitsitsinissamut.
ICC pillugu:
ECOSOC aqqutigalugu nunat inoqqaavisa kattuffiattut piginnaatinneqartutut ICC inissisimaffeqarpoq Indigenous Peoples’ Organization (IPO)-tut, taamalu nunat tamalaat peqataaffigisaannik isumaqatiginninniarnernut sulinermullu akuulluni. ICC-p avatangiisit pillugit suliaanut ilaapput nunap imartallu illersorneqarnissaat pillugit nunani tamalaani katerittarfiit, soorlu IMO - International Maritime Organization, Nunat tamalaat Imavinni Angallanneq pillugu Isumaqatigiissutaat pillugu suleqatigiiffissuaq, Central Arctic Ocean Fisheries Agreement (CAOFA) Issittup qiterpasissuani imartani aalisartoqanngikkallarnissaa pillugu isumaqatigiissut, the United Nations Framework Convention on Climate Change (UNFCCC), Naalagaaffiit Peqatigiit Silap Allanngoriartornera
Pillugu Nalunaarutaanik suliaqartartut, aamma the United Nations Convention on Biological Diversity (CBD) uumasoqatigiiaat assigiinngissusiat pillugu Naalagaaffiit Peqatigiit isumaqatigiissutaat akuuffigissallugit.
Qinnuteqarfissap killinga:
Qinnuteqaatit nassiutissavat kingusinnerpaamik 14 September 2026, nal. 12:00. Qinnuteqaammut ilanngunneqassapput atorfimmut qinnuteqarnermut tunngavilersuut aamma CV. Qinnuteqaat uunga nassiunneqassaaq hr@inuit.org, atorfillu pillugu annertunerusumik paasisaqarusukkuit aamma tassunga allassaatit.
