Illit tassaavit Akiligassiorfimmi aqutsisoq nutaaq?
Illit tassaavit Akiligassiorfimmi aqutsisoq nutaaq?
Soqutigisaqarfigaajuk atorfik assigiinngitsunik pissanganartunillu suliaqarfimmi immikkoortortami aqutsinissat?
Aqutsinermik piginnaasalimmik ujaasivugut akiligassaliorfimmi, siammasissumik eqqarsarsinnaasumik toqqammaviliisinnaasumik siunnerfissamullu peqataatitsilersinnaasoq.
Pingaarnertut suliassatit makkuupput:
- Siuttuuffigalugu qaammammut akiligassaliassat inaarsarnissaat
- Qularnaarinninneq akiligassaliassani toqqammavissanik peqarnissaq, aammalu paasissutissat sullitatut tunngasut nutartertarnissaat.
- Akiligassaliorfimmiit anguniagassanik suliniutissanik pilersitsineq
- Inerisaanermut pisariillisaanermullu akisussaaffeqarneq akiligassaliorfimmi suliassanut tunngatillugu
- Naatsorsueqqissaarfiup nalaani suleqataaneq ataavartumik ukiumoortumullu
- Nukissiorfimmi System nutaaq atulernissaanut suleqataaneq pingaartumik moduli akiligassaliorfik aamma sullissinermut tunngasumut
- Isumannaarinninneq Nukissaliup allaffissorneranut
- Pitsaasumik ataavartumik suleqatigiilluarnissamut aammalu ilisimasanik avitseqatigiilluarnissamut anguniagaqarneq.
- Immikkoortortami sulisunut akisussaaneq
Pisariaqarpoq sulianik tulleriiaarilluarnissaq, eqeersimaartuuneq, pitsaasumik ikiusinnaanissaq kiisalu immikkoortortanik assigiitsunik suleqateqarsinnaanissaq.
Piginnaaneqarfigisassatit:
Pingaartipparput illit aqutsisutut misilittagaqarlutit tunuliaqutaqarnissat aammalu suliffeqarfinni misilittagaqarnissat, tamannalu nalimmassarfigisinnaagit suliffeqarfittut naatsorsuutigut sulisumut suliassat eqqaaneqartunut naammassinnissinnaanissat.
Naatsorsuutigaarput pingaartissagitit suliffeqarfitsinni naleqartitagut assigaluta pingaartissagitit, peqatigalutalu eqeersimaartumik Akiligassaliorfik pilersitseqatigisinnaalluta.
Akiligassaliorfimmi aqutsisutut naatsorsuutigaarput makku kivissinnaassagitit:
- Sulisunut suliat tunngatillugu aammalu inuttut inerikkiartortitsinermi ingerlatsisinnaasoq
- Attaveqatigiinnermik pingaartitsisoq immikkoortortamut aammalu allanut immikkoortortanut.
- Pitsaasumik sullissinissamut pingaartitsisoq
- Sullittakkat aammalu suleqatinut attuumassuteqarnerup pitsaasuunissaanik ajunngitsuunissaanillu piviusumik sulissutiginneqataanissat
- Sulianut tulleriiaallaqqissoq, ilikkajasoq, sullissilluarusuttoq inussiarnersorlu
- Iliuuseqarnissamut eqinnaattoq
- Kalaallisut oqalulluarsinnaasoq allallunilu, qallunaatut tuluttullu aamma pisinnaaguit pitsaassaaq kisianni piumasaqaataanngilaq
- Ulluni ulapaarfiusuni uivertutut pissuseqanngissinnaaneq
- Qarasaasianut atuisinnaasoq
Akissaatinut atorfinitsitaanermilu atugassarititat
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.
Sapaatip akunneranut suliffiit akunnerit 40-pput.
Atorfimmut atatillugu inissaqartinneqanngilaq. Namminersorlutik Oqartussani atorfik atatillugu ineqartinneqarsimagaanni attatiinnarnissaannut periarfissaqarpoq.
Ulloq sulilerfissaq: 01. Oktober 2024 imaluunniit isumaqatigiinnikkut.
Suli paasissutissanik amerlanerusunik pissarserusuppit?
Atorfik pillugu paasissutissat amerlanerusut Ivalo Didriksen, Afdelingschef mail: ivadi@nukissiorfiit.gl. Apeqqutit allat Sulisoqarnermut Immikkoortortaqarfimmut (HR) e-mailikkut saaffiginnissutigineqarsinnaapput: HR@nukissiorfiit.gl.
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.
Qinnuteqarnissamut killissarititaasoq: aggustip 28.-at, 2024