Imaani uumassusillit ataqatigiinnerannik nakkutilliinermut ilisimatusartoq Nunatsinni Silap Pissusianik Ilisimatusarfik, Pinngortitaleriffik

Nunatsinni Silap Pissusianik Ilisimatusarfik, Pinngortitaleriffiup ataaniittoq, ukiuni marlunni atorfimmut sivitsorneqarsinnaasumut, imaani uumassusilerinermik ilisimatusartumik pissarsiorpoq.

Atorfik MarineBasis Zackenberg-imi nakkutilliinermut pilersaarummik, Greenland Ecosystem Monitoring (GEM)-ip ilaannik, ataqatigiissaarinermik imaqarpoq. Qinnuteqartoq piukkunneqartoq aammattaaq ilisimatusarnermik suliniutinut allanut ineriartortitsinissamut peqataaffigisinnaasaminullu periarfissaqassaaq.

Silap Pissusianik Ilisimatusarfik 

Sila Pissusianik Ilisimatusarfik Nunatsinni kangerluit imartallillu iluini tigussaasunik, kemiimik uumassusilerinermillu tunngavilinnik, sivisuumik ilisimatusarnermik nakkutilliinermillu suliaqarpoq. Ilisimatusarneq silap pissusiata allanngoriartornerata imaani uumassusillit ataqatigiinnerannut, kiisalu Nunatsinni inuiaqatigiinnut sunniutaanik suliaqartuuvoq. Aammattaaq ilisimatusarnermik tunngaveqartumik ilinniartitsinermut, kiisalu oqartussanut siunnersuisarnermut peqataasarpoq.

Atorfik

Qinnuteqartoq suliffeqarfiit allat peqataasut peqatigalugit Nunatta kangiata avannaani Zackenbergip eqqaani ukiumoortumik misissuinernik pilersaarusiorlunilu peqataassaaq, pilersaarutillu ingerlanneqarnerani pitsaassuseq qulakkiissallugu, kiisalu GEMip ataqatigiissaarisuinut ilaassaluni.

Atorfik aaqqissuussaanermik piginnaasaqarnermik, paasissutissanik annertuunik (ajornanngippat sivisuumik nakkutilliinermit piffissallu ingerlanerani paasissutissanik) aammalu avataaniit ilisimatusarnermut aningaasaliissutissanik pissarsiorsinnaanermut piginnaaneqartumik pisariaqartitsivoq. Atorfik nakkutilliinermut pilersaarut tunngavigalugu ilisimatusarnermik suliniutinik ineriartortitsinissamut aqutsinissamullu periarfissiivoq kiisalu avataaniit aningaasaliiffigineqartunik suliniutinik pissarsinissamut periarfissiilluni, taamaaliornikkut pilersaarutip ilisimatuussutsikkut pingaaruteqassusia nukittorsarneqarlunilu annertusarneqassagami. Qinnuteqartoq ilisimatusartunik assigiinngitsunik sulialinnik suleqatigiissitami ilaassaaq, kiisalu nunani tamalaani ilisimatusarnermik avatangiiseqartumi suleqataassalluni, tassanilu imarsiornermik ilisimatusarneq, imaani uumassusilerineq kiisalu silap pissusianut attuumassuteqartunik ataatsimoorussamik misissuinerit ingerlanneqartarput, issittumi imaani uumassusillit ataqatigiinneranni pinngortitap nalinginnaasumik allanngorarnera, aammalu silap pissusiata allanngoriartorneranik peqquteqartunik allannguutit paasisaqarfiginissaannut tunngasuuvoq. Taamaattumik qinnuteqartup ilisimatusarnermik suliniutit allat kiisalu alaatsinaannermut pilersaarutit allat suleqatigalugit sulinissamut piginnaasai takorluugaalu pingaartinneqassapput. 

Pingaarnertut akisussaaffiit

Piukkussamut naatsorsuutigineqarput:

• MarineBasis Zackenberg sulianut tunngasunut aqutsisoq

• ukiumoortumik misissuinernik pilersaarusiorlunilu peqataaneq

• Alaatsinaannermi ilisimatusarnermilu paasissutissanik aqutsillunilu misissueqqissaarlunilu nalunaarusiortassasoq

• Ilisimatusarnermik suliniutit assigiinngitsut akornanni suleqatigiinnermut tunngasunik nutaanik ineriartortitsillunilu aningaasaateqarfinnut qinnuteqaatinik suliaqartassasoq

• Nunani tamalaani ilisimatuussutsikkut atuagassiani nalilersorneqartartuni saqqummersitsisassasoq

• Ilinniartitsinermut ilinniarnermilu pisunut peqataassasoq

Piginnaasat

Qinnuteqartut imaani uumassusilerinermi, imarsiornermik ilisimatusarnermi imaluunniit taakkungunnga assigusunut fagimi ph.d.-mik imaluunniit kandidatitut ilinniagaqarsimassapput.

Naliliinermi ilaatigut makku pingaartinneqassapput:

• sulianut immikkut ilisimasat

• nunani tamalaani atuagassiani peer-reviewediusuni saqqummersitsisimanerit

• ilisimatusarnermut aningaasaliissutinik avataanut pissarsiniarsinnaanermik pinginnaasaqarneq

• imaanik imaluunniit avatangiisinik nakkutilliinermut pilersaarutini, imaluunniit ilisimatusarnermi misilittagaqarneq

• issittumi imaani uumassusillit ataqatigiinnerannik ilisimasaqarneq

• nunani tamalaani suleqatigiinnermi attaveqaateqarneq

• paasissutissanik annertuunik, soorlu sivisuumik katersorneqarsimasunik, suliaqarnermik misilittagaqarneq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Pinngortitaleriffik utaqqiisaasumik ineqartitsinissamut ikiuussinnaavoq nammineq inigisassamik nassaarnissap tungaanut.  

Paasissutissat allat

Atorfik pillugu paasisaqarnerorusukkuit immikkoortortaqarfimmi pisortaq Malene Simon Hegelund attavigineqarsinnaavoq, e-mail: masi@natur.gl, imaluunniit oqarasuaat +299 54 89 77.

Qinnuteqarfissaq kingulleq: 22. september 2026

Oqaloqatiginninnerit ingerlaavartumik ingerlanneqassapput, qinnuteqaatillu tiguneqarneri malillugit suliarineqartassallutik.

Qinnuteqaat imaqassaaq:

• kajumissutsimik qinnuteqaat

• curriculum vitae (CV)

• soraarummeersimanermut uppernarsaatit kopiivi

• inuit 2-3 attavigineqarsinnaasut paasissutissartai 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.