Imarsiornermut Allaffimmi – Ineqarnermut, Attaveqaasersuutinut Isorliunerusunullu Naalakkersuisoqarfimmi - AC-fuldmægtigi/immikkut ittumik siunnersorti

Imarsiornermut Allaffimmi – Ineqarnermut, Attaveqaasersuutinut Isorliunerusunullu Naalakkersuisoqarfimmi - AC-fuldmægtigi/immikkut ittumik siunnersorti

Nunami, nunarsuarmit tamanit eqqumaffigineqartumi attaveqaasersuutit pisariallit pillugit suliaqarusuppit? Piffissami nunarsuarmi isumannaallisaanermi inuiaqatigiinnilu ineriartorfiani Kalaallit Nunaata pingaaruteqarnerata annertusiartorfiani umiarsualiviit, imarsiorneq attaveqaasersuutillu pillugit aalajangiisarnermi suleqataarusuppit?

Aamma politikerit, ullut tamaasa nunarsuarmi pissutsit nutaat pisariaqarnerusullu pilertarfianni isumaginnittunik atorfilittallit qanillugit sulerusuppit?

Taamaappat immaqa Imarsiornermut Allaffimmi AC-fuldmægtigitut/immikkut ittumik siunnersortitut atorfik tullertut alloriarfigisinnaavat.

Politikki, pissaaneq piviusullu qanillugit

Ineqarnermut, Attaveqaasersuutinut Isorliunerusunullu Naalakkersuisoqarfimmi sulisutut allaffissornermik ingerlatsisunut, politikkikkut aalajangiinerit piviusunngortitsisartunut ilaalissaatit. Naalakkersuisut politikkikkut suliaat qanillugit sulissaatit, aammalu aalajangiinissamut tunngavissanut, inatsisinut periusissiornermilu toqqarneqartunut, Kalaallit Nunaat sinnerlugu isumalinnut toqqaannartumik tapersiisassallutit.

Tassani misissueqqissaarnerit iliuutsitillu imminnut qanillutik ingerlanneqarput – aammalu suliatit illoqarfinni, nunaqarfinni nunanilu tamalaani suleqatigiiffinni malugineqarsinnaassapput.

Sulisut Umiarsualiveqarnermut annertuunik piginnaatitaaffeqartut

Attaveqaasersuutinut immikkoortortaqarfiup Kalaallit Nunaanni inatsisinik piareersaasarnermi Naalagaaffimmi oqartussaasut attuumassutillit suleqatigai, taamaalillunilu pissutsit immikkut ittut, Kalaallit Nunaannut atuuttut eqqarsaatigineqartarput. Tamatuma kingunerisaanik suliassat inatsisilerinerup, politikkip najukkamilu pissutsit aalajangersimasut akornanni nikerarsinnaasut iluarsineqartarput.

Suliassat ingerlanneqartut politikkikkut annertuumik eqqumaffigineqarput, tassanilu apeqqutit pisariusut soorlu soqutigisaqartunut avataaneersunut politikkimilluunniit suliaqartunut ersarissumik ingerlateqqinneqartarput.

Umiarsualiveqarnermi Qitiusumik Umiarsualivinnut Oqartussaaffik isumagineqarpoq, tassungalu umiarsualivinnut inatsit malillugu sulineq, kiisalu najukkani soqutigisaqartunik, soorlu najukkani umiarsualivinnut oqartussaasunik inuussutissarsiutinillu ingerlataqartunik suleqateqarneq ilaatinneqarput. Umiarsualiveqarnerup isumagineqarnerani aamma Iluarsaassinernut Aqutsisoqarfik Namminersorlutik Oqartussat umiarsualiviutaat pillugit qanillugu suleqatigineqarpoq. Aamma allaffissornermi teknikkimut tunngasunik, umiarsualiviit talittarfiillu sanaartorneqarnerinut aserfallatsaalineqarnerinullu attuumassuteqartunik suliassaqartassaaq. Nunanut tamalaanut tunngatillugu nunani allani oqartussaasunik suleqateqarneq ilaavoq.

Nuna tamakkerlugu umiarsualinnut pilersaarusiorneq, ineriartortitsineq nutarterinerlu pillugit siunnersortinik suleqateqarnikkut Kalaallit Nunaanni Umiarsualivinnut Pilersaarutip atuutsinneqalernissaanut suleqataassaatit, tassani immikkoortumut pilersaarummi anguniakkat malillugit siunissamut qulakkeerinissaq aallunneqassalluni.

Suliassat assigiinngitsorpassuupput, aammalu Imarsiornermut umiarsualiveqarnermullu suliassaqarfimmi suliassat aalajangersimasut Imarsiornermut Allaffimmi pisortaq suleqatigalugu ingerlaavartumik aaqqissuunneqartassapput.

Imarsiornermi attaveqaasersuutit pisariaqartut aallullugit

Imarsiornermut Allaffik imarsiorneq umiarsualiviillu – Kalaallit Nunaanni pilersuinerup isumannaassusiani, inuussutissarsiutinik ineriartortitsinermi nunanullu tamalaanut attaveqarnermi qitiulluinnartut pillugit suliaqarpoq.

Allaffimmi suleqataasutut ilaatigut:

• Umiarsualivinnut inatsisip ineriartortinneqarneranik ingerlanneqarneranillu suliaqassaatit

• Qitiusumik Umiarsualiveqarnermi Oqartussaasutut suliassat isumagissavatit

• Najukkani umiarsualivinni oqartussaasut, inuussutissarsiutinik ingerlataqartut innuttaasullu oqaloqatigisassavatit

• Umiarsualiviliornernut iluarsaassinernullu atatillugu siunnersortit qanillugit suleqatigissavatit.

• Naalagaaffimmi oqartussaasut nunanilu tamalaani sullissisut suleqatigissavatit

• Umiarsualiviit Namminersorlutik Oqartussanit pigineqartut ineriartortinneqarnerinut iluarsaanneqarnerinullu suleqataassaatit

• Apeqqutit teknikkimut, inatsisinut politikkimullu tunngasut ataatsimoortillugit isumagisassavatit

Suliassat pisariusuupput, politikkikkut mianernartuupput inuiaqatigiinnullu pisariaqarlutik – tamannarpiarlu peqqutigalugu suliatigut unammillernartuupput isumaqarluarlutillu.

Inissisimaffissat

Inissisimaffiit akisussaaffeqarfiulluni sulianillu allanngorarfiulluni annertussaaq, taakkununngalu ilaapput:

• Sulianik aqutsineq ataqatigiissaarinerlu

• Politikerinik sullissineq aalajangiinissamullu tunngavissianik suliaqarneq

• Politikkinik periusissianillu ineriartortitsineq

• Inatsisilerinerit tusarniaanerillu

• Soqutigisaqartunik suleqatinillu ataatsimeeqateqartarneq

• Misissueqqissaarnernik, allakkianik aaqqiissutissanullu siunnersuutinik suliaqarneq

• Unammilligassanik periarfissanillu nutaanik ingerlaavartumik suussusersiniartarneq

Suliassat allaffimmi pisortaq qanillugu oqaloqatigalugu aaqqissuunneqartassapput, aammalu piginnaaneqarfinnut ineriartorninnullu naleqqussarneqartassallutik.

Kinamita ujartorparput?

Illit ujartorpatsigit:

• Attuumassutilimmik ilinniagartuutut ilinniarsimagavit

• Inuiaqatigiinni ineriartorneq, politikki akisussaaffeqarnerlu kajumigigakkit

• Ulluinnarni allanngorartuni politikkikkullu aqunneqartuni aaqqissuussamik sulisinnaagavit

• Apeqqutit pisariusut ersarissumik eqqortumillu ingerlateqqissinnaagakkit

• Inatsisilerinerup, politikkip suliassallu ataatsimoorfianni sulinissaq kajungerigakku

Ilinniakkat naammasseqqammigukku ilinniartilluarneqarnissat isumagissavarput. Misilittagaqareeruit pilertortumik nammineerlutit akisussaaffilerneqassaatit. Kalaallit Nunaat ilisimagukku iluaqutaassaaq – alapernaanneq tunniusimanerlu pingaaruteqarput.

Suut pissarsiarissavigit?

• Atorfik nunarsuarmi pisoqarfiup qeqqaniittoq

• Aalajangiinernut, inuiaqatigiinnut politikkimullu isumalinnut annertuunut paasinninneq - sunniuteqarsinnaanerlu

• Ulluinnaat Naalakkersuisut politikkimik suliaqarfiinut qanittut

• Suliatigut avatangiisit nukittuut tunniusimasunik suleqateqarfiusut

• Suliffeqarfik ulappuffiusoq, qaffasissunik anguniagaqarfiusoq inissaqartitsiffiulluartorlu

Uagutsinnut tunngasut

Attaveqaasersuutinut Immikkoortortaqarfimmi sulisut 11-upput, allaffinnut marlunnut agguagaasut. Immikkoortortaqarfimmi silaannakkut angallassinermut, mittarfinnut, imarsiornermut, umiarsualivinni angallannermut, angallannermut, allakkerinermut nalunaarasuartaatitigullu attaveqaqatigiinnermut tunngasuni suliassat assigiinngitsut pilersaarusiorneri, ataqatigiissaarneri aaqqiissuteqarfigineqartarnerilu isumagineqarput. Naalakkersuisoqarfimmi sulinermi politikerit aalajangiinissamut tunngavissanik pisariaqartunik tunineqartarnissaat qulakkeertussaavarput, aammalu politikerit kissaataasa piviusunngortinneqarnissaat qulakkeertussaallugu.

Sulineq avatangiisini ulapaarfiusuni ingerlanneqarpoq, tassanilu tulluusimaarutigilluarsinnaasatsinnik sulianik nuannarisaqarneq akisussaaffeqarnerlu sulisinnaassutsip qaffasinneranik angusaqarluarnernillu malitseqartarput. Ulluinnaat amerlanertigut ulapaarfiullutik isumagissaarfiupput. Suliffeqarfiuvugut inissaqartitsilluartoq, suleqatigiittut ataatsimoorfiulluartoq, aammalu sulinerup ilaqutariittullu inuunerup ataqatigiinnissaannik ataqqinniffiusoq.

Ukiup ingerlanerani arlaleriarluni Naalakkersuisoqarfimmi sulisunut aaqqissuussisoqartarpoq. Ilaatigut ukiumoortumik Nuup Kangerluanut imaatigut angalasoqartarpoq, nuniannissamut, tiguinnarlugit (imaluunniit qissattaaserluni) eqalunniarnissamut, imaluunniit Kalaallit Nunaanni pinngortitami alianaatsumi qasuersaarnissamut periarfissaqarfiulluartumik.

Atorfik

Matumani AC-fuldmægtigitut atorfik inuttaqanngitsoq atorfiniffigineqartussaavoq. Piukkunnaatilik eqqortunik piginnaanilik aammalu naammattunik misilittagalik immikkut ittumik siunnersortitut imaluunniit siunnersortaanertut atorfinitsinneqarsinnaavoq.

Isumannaallisaanermi akuerineqarneq

Atorfinissagaanni maleruagassat atuuttut naapertorlugit isumannaallisaanermi akuerineqarnissaq pisariaqarpoq. Taamaattumik aallarniutigalugu pinerluttulerinermi nalunaarsuisarfimmiit pinerlussimannginnermut uppernarsaatip naqinnera ilanngullugu nassiutissavat. Taanna najukkami politiinut oqartussaasunut pissarsiariniarneqarsinnaavoq, imaluunniit www.politi.gl/bestil-straffeattest/privat-straffeattest aqqutigalugu.

Akissarsiat atorfeqarnermilu atugassarititaasut

Akissarsiat atorfeqarnermilu atugassarititaasut, taakkununngalu atorfininnermi soraarnermilu angalanissamut pequtinillu nassiussinermut akiliunneqarsinnaatitaaneq piffissami atorfiniffiusumi Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornanni isumaqatigiissutit atuuttut malinneqassapput. Piukkunnaatilik eqqortunik piginnaanilik aammalu naammattunik misilittagalik immikkut ittumik siunnersortitut, siunnersortaanertut imaluunniit seniorrådgiver-itut atorfinitsinneqarsinnaavoq.

Inissiaq

Atorfinnut sulisunut inissianik innersuussisoqarsinnaanngilaq. Qinnuteqartup Namminersorlutik Oqartussani atorfeqarnini aqqutigalugu sulisunut inissiami najugaqareersimaguni, sulisunut inissiamut innersuunneqarsinnaatitaanini pigiinnassavaa. Sulisunut inissiaq atorfeqarnermut attuumasuuvoq, atorfeqarunnaarnermilu qimanneqartussaalluni.

Ulloq atorfiniffissaq

9. marsi 2026 isumaqatigiissuteqarnikkulluunniit.

Piffissaq suliffissaq

Sapaatit akunnerannut nal. ak. 40-t.

Atorfinitsitsinissamut atatillugu oqaloqatiginninnissamut ulluliussaq

Oqaloqatiginninnerit ingerlaavartumik ingerlanneqassapput.

Peqataanissannut piareersimavit?

Allaffimmi pisortaq Anders May attaveqarfigiuk

📞 +299 34 52 63

✉️ amay@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.