Immikkut Siunnersorti / Siunnersortaaneq, AQQUT-mut, Nunamut Tamarmut Siunnersuisarfimmi GUX-s-ip immikkut paasisimasallit immikkoortortaanut
Sulilerneq aallartissaaq ulloq 1. september 2024 imaluunniit isumaqatigiissut sukumiinerusoq naapertorlugu.
Illit tassaavit inuusuttut immikkut pisariaqartitsisut ilinniagaqalernissamut piareersaataasumik ilinniagaqarnissaannut ataqatigiissaaralunilu toqqammaviliisinnaasoq?
Ilinniartitaanerup ineriartortinneqarnissaa naalakkersuinikkut annertuumik salliutinneqarpoq kikkut tamarmik ilinniartitaanikkut pitsaanerpaamik periarfissaqarnissaat pilersikkumallugu Kalaallit Nunaatalu suliffeqarfeqarfianut piukkunnartunik sulisoqarnissaata qularnaarneqarnissaa pillugu.
AQQUT, Nunamut Tamarmut Siunnersuisarfik immikkoortortami GUX-S-imi sulisussamik suleqatissarsiorpoq, ineriartornermik, atulersitsinermik, pitsaasumik suliamik suliarinnittarnermik piginnaaneqartumik minnerunngitsumillu allanik suleqateqarnissamik piginnaaneqarluartumik.
Suleqatigiittarnermik suleriuseqarpugut AQQUT-mi suliassat isumagineqartarnerannut kikkut tamarmik nutaamik isumaliornermik ilanngusseqataasarnissaannut periarfissiisumik. Ammasuuguit, suleqateqartarnissamut sammiveqaruit ilinniartitaanermillu soqutigisaqaruit taava immaqa tassaavutit suleqatissarput nutaaq.
Inuttut piginnaasatit
Immikkut Siunnersortimik/Siunnersortaanermik pissarsiorpugut suliatigut pimoorussisartumik peqatigiillunilu suliaqartarnernut ineriartornermik aamma suleqatigiittarnermik pingaartitsisunut akuusinnaallunilu taamaattuni suleqataarusuttumik. Inuk ujartugarput inuuvoq suliatigut patajaatsunik tunniussaqartarnissamik pingaartitsilluinnartoq suliassamilu isumaginissaannut aaqqissuussaalluartumik periuseqartartoq. Suliassat inerisaanerup aamma atulersitsinerup akornanni atituumik imaqartut.
Ajornanngippat piukkunnaatitit imaassapput:
universitetimi inerluni soraarummeersimasutut qaffasitsigisumik naleqquttumik nangitsiviusumik ilinniagaqarsimasutit, ass. cand. scient, cand.scient.soc. imaluunniit cand.scient.anth.
iluarsartuullugu pilersaarusiat siulersornissaannut misilittagaqartutit
ilinniartitaanermi suliat nalunngisaqarfigereeritit imaluunniit ilinniartitaanermut sammisunik suliaqarnissamut pitsaasunik tunngavissaqartutit
Kalaallit Nunaanni pisartut ataqatigiittarneranni suliaqartarnissamut ajunngitsunik tunngavissaqartutit
ataatsimut isiginninneq paariinnarsinnaagit, aamma suleriaatsini paasilertoruminaatsuni
periusissiornermik inerisaanermik aamma nakkutiginninnermik misilittagaqartutit
allannermik piginnaaneqarluartutit, ajornanngippat aamma kalaallisut
Suliarisartagassanut piviusunut ilaatigut ilaapput:
Ilinniagaqarnissamut qinnuteqartartunut Siunnersuinermik suliaqartartuni suleqatigiinnut ilaassaatit
Tassani pingaarnertut suliassat ilaattut tulliusut makku erseqqissarneqarsinnaapput:
Atuartunik GUX-S aqqutigalugu tigutinnissamut qinnuteqartartunik nalilersuisarneq
GUX-s aqqutigalugu atuartunik siunnersuineq ilitsersuinerlu, ilanngullugit ilinniarnerup ingerlanissaata pilersaarusiornera aamma ilinniartitsisut pikkorissarnissaannik pilersaarusiornerit
Ilinniarnerup qanoq ingerlanissaata pilersaarusiorneqarnera Kommuninut, angajoqqaanut atuarfinnullu ataqatigiissaarneqarnissaa qularnaassallugu
GUX-inut GUX-S-inik atuartuuteqartunut sullissilluni ikiuiartorluni orniguttarneq
Pitsaassutsimik isumannaarinissamik aamma nalilersuisarnissamik eqqummaariffeqarluni ingerlaavartumik inerisaallunilu pilersitsiniarneq
GUX-S-inut ilinniagaqarumallutik qinnuteqartut nalilersorneqarnissaasa qularnaarnissaannut peqataaneq, kiisalu aamma suleqatigisat attuumassuteqartut eqqarsaatigalugit ilisimasassaannik piginnaasassaannillu pikkorissaasarnerit
Oqartussaasut, suliffeqarfiit/paaqqinniffiit, ingerlatsiviit innuttaasullu assigiinngitsut akornanni suleqatigiinnermik pilersitsineq, GUX-s aqqutigalugu ilinniagaqarnissamik qinnuteqartut ataasiakkaat ilinniagaqarnissamut periarfissaat pitsanngorsaavigeqqullugu
GUX-S pillugu paasissutissaqarnissaa, siunnersuisoqarnissaa aamma qanoq ingerlatseriaaseqarnissaa isumagalugu
Ilinniagaqarnermik ingerlanerit immikkut ittut pillugit Ilinniarnertuunngorniarfiit sullillugit
GUX-S-ip immikkut paasisimasallit immikkoortortaanut missingersuutit aqunnissaannut aamma ulluinnarni allaffissornikkut ingerlatsinerup qularnaarnissaanut peqataaneq
Suliffik pillugu:
AQQUT / Nunamut Tamarmut Siunnersuisarfik suliffiuvoq assigiinngisitaartoq ilumoorsaarnarpallaanngitsumik ammasumillu suliffimmi avatangiiseqartoq, ikittunik aaliangiisartoqartoq pimoorussisunillu suliniartunik tunniusimasunillu sulisoqartoq. Suleqatigiit 18-ingajaavugut suliatigut qaffasissuseqarluarnissamik pingaartitsisut avatangiisinillu pitsaasunik kiinneraartunillu pilersitserusuttut.
Akissarsiat atorfimmilu atugassat
Atorfik pineqartoq tassaavoq Special- / Chefkonsulentitut atorfik.
Atorfissamut qinnuteqartoq ilinniartitaanermut attuumassuteqartunik eqqortunik piginnaasaqartoq aamma naammattumik misilittagaqartoq Immikkut Siunnersortitut / Siunnersortaanertut atorfinitsinneqarsinnaavoq.
Akissarsianut atorfinitsitsinermilu tunngavigineqartut, ilanngullugit suliartorluni nuulluni aamma soraarnerup kingorna angalanerup pigisallu nuunneqarnissaannut pisinnaatitaaffeqarneq, atorfinitsitaanerup nalaani Namminersorlutik Oqartussat aamma kattuffiup isumaqatiginninniarsinnaatitaasup akornanni isumaqatigiissummut atuuttunut naapertuuttut najoqqutarineqassapput.
Atorfimmut atatillugu sulisup najugaqarfissaanik innersuussassaqanngilaq.
Qinnuteqartoq Namminersorlutik Oqartussani atorfeqarnermigut sulisup najugaqarfiani inissisimareerpat innersuussami tassaniissinnaatitaaneq pigiinnarneqassaaq. Sulisup najugaqarfia atorfigisamut pineqartumut atatinneqarpoq, tamatumalu naanerani qimanneqassalluni.
Qinnuteqaat, CV, ilinniagaqarsimanermut aamma pikkorissarsimanermut uppernarsaatit kiisalu aamma allagaatit attuumassuteqartut allat nassiutikkit una toorlugu "Qinnuteqaat nassiuguk".
Qinnuteqaatit emailikkut tiguneq ajorpagut.